يمهه !!

الموضوع في ',, البريمي لـِ مساحة حرة ,,' بواسطة هكروك يا قلبيے, بتاريخ ‏8 جويليه 2013.

  1. هكروك يا قلبيے

    هكروك يا قلبيے ¬°•| عضو مميز |•°¬

    يمه شلونك ؟
    يمه مرتاحه ؟
    يمه تذكرين يوم كنت آقولك :
    جسمي يبيله تعديل وعدلته
    و أبشرك دخلت بطولات
    والحمدلله الحين أحسن !
    بس يمه مازرتينيّ ؟
    ترى يمه أبشرك تخرجت من الدوره
    شفتيّ لما أقولك ولدك قدها !
    تذكرين يمه يوم زعلتي عشانيّ مادخلت الجامعه !!
    بَس دخلت الجامعة وتخرجت وصرت ضابط
    كنتي تقوليليّ ياولديّ هاذيّ الجامعه !
    أحد يترك الجامعه ويدخل الجيش ؟!
    قلتلك يمه ما أقدر عليها آصير عسكريّ
    احميّ ديرتيّ أحسن من الجامعه !
    بس انا جمعت بينهم اثنينهم
    أبشرك يمه أنا أشتغل ألحين شفتيّ يمه ان ولدك مٌو سهل!
    يلا وين هديتيّ؟أمزح معاك
    انتيّ عارفه ان أغلى هدية رضاك عليّ
    يمه . . راضية عليّ
    يمه تذكرين يوم كنتي تقولين ؛ يَ اليتنيّ لو كنت شمعة تذوب لتضيء للناس حياتها !
    ياليتنيّ لو كنت قطعة سكر
    تحليّ مرارة الأيام أو كنت ورده . .
    تسعد الناس في الربيع وتذبل بهدوء في الشتاء
    أبشرك يمه ولدك على نفس الدرب
    و على نفس الخطى : )
    تذكرين يمه يوم كنتي تقولين ليّ :
    ياولدي الناس نوعين !
    ناس انخلقوا سعداء و ناس انخلقوا ليسعدوا غيرهم !
    تصدقين يمه أحس إنيّ فشلت
    إنيّ أكون من النوع الأول
    وقاعد أحاول إني أكون من النوع الثانيّ . . مثلك بالضبط
    يمه لاتشيلين هم أختي ترا تزوجت
    و جابت بنت و سميناها حصه . .
    تراها بعيونيّ مثل ما كانت بعيونك?
    وبإذن الله بتكون البنت الي تفتخرين فيها !
    يمه تذكرت شغلة !!
    حلمت فيك أمس :)
    والله يمه صايره أحلى من أول
    بس رحتيّ قبل لاأشبع منگ
    فاتك يا يمه رحت السوق قبل كم يوم
    أشتري أغراض وشفت واحد من أصحابي
    ياحليله يايمه يقوليّ ؛ سلم على امك*:
    يمه تصدقين ليّ الحين فيّ كل سفرة ليّ :
    إذا جيت اشغل تلفوني بعد مانهبط و جتنيّ رساله !
    عباليّ منك رسالتك الليّ عودتينيّ عليها :
    حمدالله على سلامتك حبيبيّ كلمنيّ أول ماتوصل
    سامحيني يا يمه ): !
    أنا لازم أمشي الحين لأنهم بيقفلون

    المقبره ??`

    ^ يَ هي تعور القلبَ
    ^ اللهِ يجمع أمي وأم كل شخص قرأ هآ المنشور ,
    __ بالجنةِ قولوآ أميييينَ *
     
  2. اطياف راحله

    اطياف راحله ¬°•| عضو مثالي |•°¬

    امين يارب


    كلمات رائعة جدا


    نااااااااااااااايس
     
  3. هكروك يا قلبيے

    هكروك يا قلبيے ¬°•| عضو مميز |•°¬

    شكراً على مرورج !!
     
  4. حكآيةة غيم

    حكآيةة غيم ¬°•| مُشرفة الخَواطر |•°¬

    هكروك يا قلبيے
    مشكورة ع الطرح الجميل::54
    اللهم ارحم موتى المسلمين يا رب العالمين
     
  5. هكروك يا قلبيے

    هكروك يا قلبيے ¬°•| عضو مميز |•°¬

    العفو نورتي
    آمين ::44
     
  6. سمو الشيخه

    سمو الشيخه ¬مُشرفة المساحة الحرة¬

    آمين
    رآق لي ..
    تسلمين ع الطرح
     
  7. هكروك يا قلبيے

    هكروك يا قلبيے ¬°•| عضو مميز |•°¬


    شكراً الغالية
    منورةة
     

مشاركة هذه الصفحة