الحَمَل...

الموضوع في ',, البُريمِي لِـ/ للشٌعرٍوالْقصِيْد,,' بواسطة جمال نصير, بتاريخ ‏3 جوان 2013.

  1. جمال نصير

    جمال نصير ¬°•| عضــو شرف |•°¬

    الحمل

    خمسين سنة.. تاهت ف عينى كأنها ..
    خدعة سراب..
    ما أنا كنت تايه زيكم..
    عايش حياتى كأنها ..
    من غير حساب حساب
    لما كبرت وراسى مالت .. شيبت..
    شفت السنين دى كلها ..
    سنوات عقاب..
    *****
    خمسين سنة...
    مش حسبة برضه هيـّنه
    حتى الأخصّ... ف مصرنا..
    اليوم يمر كأنه أطول م الحياة..
    مشوار طويل ... مليان حفر
    مغموس بنار .. من دمنا
    *****
    على أى حال ..
    موضوعنا ماهوش ف السنين...
    .. ولا مُرها..
    أيام وبتعدى وخلاص..
    بتعدنا ... ونعدها..
    موضوعنا بعد العمر دا..
    وسنين حياتى ال إتحنت
    واتغربت... واتشقلبت..
    واتمزقت واتبهدلت...
    ولقيتنى عايش وسط عزبة مضلمه
    ما كانتش مصر ال إتولدت ف أرضها..
    ما كانتش دوله لوحدها..
    كانت يا دوب عزبة صغيرة ف إيد (حَمَل )...
    *****
    كان (الحَمَل...) مرسوم لنا ف صورة (أسد...)
    لو حد قرب جنب منه ... يخطفه ..!!
    أو ع الاقل .. فشعر ريشة ... ينتفه...!!
    وفضلنا ننفخ ف الحَمَل..(قصدى الأسد)..!!
    وبنينا له جوّا القلوب... غابات كتير..
    يمكن يحن بحالنا ..
    يمكن ينكسف...
    بس الأسد.. (قصدى الحَمَل) !!
    من جهله صدق كدبنا..
    شفناه أسد .. فعمل أسد
    من ضعفنا .. شفناه كبير
    رغم انه جاهل والزمن...
    كتب الشهادة ف صفحته
    (إنسان حقير ...)
    فرعن ..وعايز ...
    يتعبد ..
    بس ال يكبر بالضلال...
    لازم يجيه يوم ...
    يتجلد
    لما إفترى...
    بان وإنكشف...
    زى الفران .. ساعة الهدد
    *****
    لما خلصنا من الأسد ..
    (قصدى الحَمَل)
    طيب ومين صاحب الحَمَل ..
    (قصدى الأسد)..؟؟
    ما هو كل حيوان تلجمه...
    ليه برضه صاحب يحكمه..
    وكات الحقيقة المرعبة...!!
    إن الحَمَل ....
    له ناس كتييييييييييييييير ...
    (أقصد دول)..
    عماله تعلف ..( قصدى تحكم ) .. فيه وهو م الهبل...
    موهوم بإنه إله كبير...
    جاله الخبل...!!
    *****
    وبقدرة الله الصمد
    قامت زلازل ف البلد ..
    (قصدى الدول)
    والعالى طاح وسط التراب..
    والواطى طاح .. بين الخراب
    عمال يبص من الهباب
    إزاى هيرجع للبلد...
    زى الفيران ... من غير عدد..
    وساعتها بس عرفنا مين هى ( الدول...)
    *****
    جمال نصير .. ابريل 2012
     
  2. [ود]

    [ود] ¬| رُوحٌ مُحلِّقَة بَين أسْرآبِ الأمَل ✿ ،

    منظومة شعرية تحكي قصة بلد مش زي أي بلد
    مصر الحبيبة أرض الكنانة
    أتمنى اليوم اللي ترجع فيه زي زمان وأحسن
    اللهم وحد شملهم واجمع كلمتهم على الخير

    أستاذي شهادتي فيكم مجروحة

    بارك الله فيك
     
  3. حكآيةة غيم

    حكآيةة غيم ¬°•| مُشرفة الخَواطر |•°¬

    الله يعطيك العافية اخوي
    قصيدة رائعة بحق
    سلمت يمناك
     
  4. جمال نصير

    جمال نصير ¬°•| عضــو شرف |•°¬

    ود.. ما أجمل مرور الادباء والفنانين الذين يقدرون الكلمة .. شكرا لك
     
  5. جمال نصير

    جمال نصير ¬°•| عضــو شرف |•°¬

    ترنيمة أمل ... مروركم تشريف لة وتكريم .. بارك الرحمن فيك
     
  6. روح الخير

    روح الخير ¬°•|عضو مهم |•°¬

    كلماتك دائما قمة في الروعة
    لا حرمنا تواجدك وكلماتك الذوق
    وطرحك الرائع
    تشكر يمناك ... الله يعطيك العافية
     
  7. miss 6air

    miss 6air ¬°•|مُشِرفَة سَابقة |•°¬

    أستاذي الكَريمـ . .

    شكَرا لجمآل الحرف الذي تقدمـه لنـآ . .

    صح لسآنكـ ويزآكـ الله خير ،

    ودي / الطـير ،
     

مشاركة هذه الصفحة