~~شاورما الدجاج~~

الموضوع في ',, مطبٌخَ البرُيِمِي ,,' بواسطة «|شمُوخْ|», بتاريخ ‏4 ماي 2013.

  1. «|شمُوخْ|»

    «|شمُوخْ|» ¬°•| مشرفة سآبقة |•°¬

    شاورما الدجاج

    [​IMG]

    من الحين أقولكم, كل الطرق اللي بين يديكم قطوها بحر [​IMG]
    جربوا طريقتي [​IMG] متأكدة راح تعجبكم [​IMG]
    لذيييذة والأهم شغل نظيف [​IMG]

    المقادير + الطريقة مع بعض :

    [​IMG]

    ناخذ نص كيلو صدور دجاج, كل صدر نقطعه لـ أربع أو خمس قطع
    شلون نقصه ؟
    ناخذ الصدر نقصه من النص عشان ما يكون متين
    عقب نقص كل قطعة لـ قطعتين أو ثلاث, على حسب حجم الصدر
    بـ جذي بـ يصير عندنا شرايح شبه نحيفة ومتوسطة الحجم
    نتبلها بـ | 1/4 ك خل بلسميك + 1 م ك خل أبيض + عصير نص ليمونة +
    3 فصوص ثوم مهروسة + ملح + 1/4 م ص من " كزبرة مطحونة +
    فلفل أسود مطحون + دارسين مطحون + كمون مطحون + بهارات الدجاج" |

    نتركها بـ التتبيلة ليلة كاملة أفضل [​IMG]
    التزموا بـ المقادير [​IMG]

    [​IMG]

    ناخذ تيفال أو أي مقلاة ما تلصق
    نحط فيها زيت, الزيت بس عشان نعطي شوية دسامة حق الدياي
    ما نخليه غزيير وبـ نفس الوقت ما يكون شوي
    نحط عليه قطع الدياي المتبلة ونخليها على نار هادية لين تاخذ لون

    [​IMG]

    نقلب كل قطعة على الصوب الثاني لين تاخذ لون حلوو بعد
    طبعًا حطو في بالكم إنكم قاعدين تتعاملون مع صدور
    يعني تستوي بسرعة, كلها أقل من عشر دقايق للوجه الواحد
    إذا طبختوها زيادة بـ تصير ناااشفة واهيه حلاتها رطبة يمممي [​IMG]
    أنا أحب يكون في الصدر حرق
    عشان جذي ارفع النار عشان ياخذ لون غامج شوي [​IMG]
    لا تغسلون المقلاة إذا تبون تستخدمونها مرة ثانية
    بس مشوها بـ كلينكس واستخدموها حق الدفعة اللي عقبها

    [​IMG]

    ننتف الدياي
    وخلاص صاار بااارز [​IMG][​IMG]

    [​IMG]

    شاورما بدون سوس الطحينية ما تصير [​IMG]
    ناخذ | علبة روب + 5 م ك طحينية + 1 م ك خل أبيض +
    عصير ليمونة + 1 م ك مايونيز + رشة ملح + فلفل أسود مطحون |

    مقدار الطحينية والليمون تقللونه وتزيدونه على حسب ما تحبون [​IMG]

    [​IMG]

    نخلطهم مع بعض ونذوق
    يمكن تحتاج ملح أو فلفل أو ليمون
    عقب ناخذ فصين ثوم نقصهم من النص ونحطهم بـ السوس
    ندخلها الثلاجة فترة مب قليلة عشان السوس ياخذ نكهة الثووم [​IMG]
    عقب لين نستخدمه نتخلص من الثوم

    [​IMG]

    ناخذ خبز عربي أو ممكن تسوون طريقة خبز فاشنويستا [​IMG]
    نحط الشاورما + الطحينية + مخلل خيار + بصل مخلوط مع سمّاق +
    بطاط مقلي + بقدونس مفروم ..بعدين نلفها [​IMG][​IMG]

    [​IMG]

    بـ العافية [​IMG]
     
  2. تجرحني الذكرى

    تجرحني الذكرى ¬°•| عضو مثالي |•°¬

    يعطيج الف عافيه .
     
  3. حكآيةة غيم

    حكآيةة غيم ¬°•| مُشرفة الخَواطر |•°¬

    يـــا سلام طريقة سهلة وشهية
    يسلمو خيتوو:imuae85:
     
  4. saafy

    saafy ¬°•| عضو جديد |•°¬

    يمممممم
    احلى من طريقتي
     

مشاركة هذه الصفحة