هل يجوز للرجل ضرب زوجته ؟؟

الموضوع في ',, البُريمِي للِحِوار و النقَاشْ ,,' بواسطة سفير الحب, بتاريخ ‏4 أكتوبر 2008.

  1. سفير الحب

    سفير الحب موقوف

    بسم الله الرحمن الرحيم


    إستنادا إلى الأية الكريمة :

    قال الله تعالى :

    (الرجال قوامون على النساء بما فضل الله بعضهم على بعض وبما أنفقوا من أموالهم فالصالحات قانتات حافظات للغيب بما حفظ الله والآتي تخافون نشوزهن فعظوهن واهجروهن في المضاجع واضربوهن فإن اطعنكم فلا تبغوا عليهن سبيلا إن الله كان عليا كبيرا)

    بعض الرجال يضرب زوجته ويقوول مكتووب في القرآن الكريم ..

    طيب هو سؤال :

    كيف تكوون طريقة الضرب لها دام هو مكتوب في القرآن ؟؟

    طبعا الرسول الكريم قال ضرب غير مبرح فقط عند نشوزها وليس لأي أمر نضربها ..

    أيش رأيكم إخواني في ضرب المرأة ؟؟ وكيف يكون ؟؟ ومتى ؟؟

    طبعا وجهات النظر وطبيعة المشكلة وكيفية الضرب تختلف من شخص لأخر ومن موقف لأخر ..

    وصلى الله على سيدنا محمد وعلى آله الطيبين الطاهرين ، وصحابته أجمعين .

    أخوكم فتى الظاهرة ..
     
  2. أبو سلطااان

    أبو سلطااان مؤسس و رئيس الفريق التطويري إداري

    لــــــــــــــــــي عــــــــــــــــــــوده
    للتعليق
     
  3. سفير الحب

    سفير الحب موقوف

    ونحن في إنتظارك أخي العزيز ..
     
  4. دلوعه ابوها

    دلوعه ابوها ¬°•| عضو مميز جدا |•°¬

    مشكور اخوي ع الموضوع
    ا
     
  5. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    صراحه موضوع يستاهل النقاش


    أيش رأيكم إخواني في ضرب المرأة ؟؟ وكيف يكون ؟؟ ومتى ؟؟


    صح اهو مكتوب بالقران : قوله تعالى{ واللاتي تخافون نشوزهن فعظوهن واهجروهن في المضاجع واضربوهن }

    يعني لو وحده تعاند زوجها باشياء الله سبحانه امر عليها وهي تسوي عكس هذا
    يعني تغضب الله سبحانه لان زعلت زوجها الله صح قال اضربوهم لكن مب الضرب المبرح
    يعني لو عاندت ريلها يهجرها مب العمر كله لا يعني كم ساعه او اقل انا مابفتي بس يمكن هذا
    المقصود فيه واذا مافادها هالشي يضربها لكن كيف يضربها ضرب غير مبرح
    يعني مافيه اي تشوه جسدي وبعدين المرأه لازم الريال ايها بالمسايسه وبكلمه حلوه
    مايكون دفش ترى الحرمه بعد حساسه ماتتحمل وللاسف البعض يفهم ويفسر الايه غلط
    مكتوب اضربوهن يعني يضربوهم ضرب لين ماتطلع عينها طبعا غلط الريال مايبين انه اهو ريال انه
    يضرب الحرمه هذاج الضرب المبرح الشديد بالعكس الريال والشديد من يتمالك نفسه
    عند هالمواقف يعني ينصحها ايها بالمسايسه عشان الحرمه تلين وتسمع الكلام
    اهم فكل شي فاي سبب ضربوهم ليش مادري
    ماعندهم تفاهم بعد الحياه دوم جيه مب حلوه بهالطريقه بينفصلون وبيتركون اولاد وراهم
    مالهم ذنب فياليت الواحد مايفسر كلام الله عز وجل غلط ويفهمونه عدل



    السموحه ع الاطاله بس طلعت اللي فقلبي ^^

    يسلموووو اخوي ع الموضوع الغاوي يعطيك الف عافيه
     
  6. قطوة البريمي

    قطوة البريمي ¬°•| مُشرِفَة سابقة |•°¬

    أيش رأيكم إخواني في ضرب المرأة ؟؟ وكيف يكون ؟؟ ومتى ؟؟

    انا ياخي اقول لو شو ما تسوي الحرمة لريلها ما توصل انه يضربها ابد
    لو يطلقها ابركله ولا انه يمد ايده عليها

    هذا رايي .. بصراحه ما اتوقع الي اخذه يمد ايده عليه لاني ما بقعد عنده ولا ثانية ...
     
  7. سفير الحب

    سفير الحب موقوف

    وأنا أشكرك أختي على المرور ..

    بس كان زين لو سمعنا رأيك في الموضوع ..

    عموما الله يعطيك الصحة والعافية ..

    أخوك فتى الظاهرة ..
     
  8. سفير الحب

    سفير الحب موقوف

    أفا عليك أختي ..

    بصراحة كفيتي ووفيتي فالرد ..

    الله يعطيك العافية والله يسعدك ..

    خويك فتى الظاهرة ..
     
  9. سفير الحب

    سفير الحب موقوف

    تشكري أختي ..

    بس الطلاق مب سهل أحسن يضربها ضرب بسيط إذا صار شي يحتاج لضرب ولا يطلقها ..

    الله يعافيك أختي ..
     
  10. BMW740

    BMW740 ¬°•| عضو مبتدى |•°¬

    انا ريال لكن خلونا انكون واقعين يعني الحين الريال يسوي اغلاط بلا قياس ومحد يقولة شي يوم تي هالمسكينة شل الدنيا كلها عليها تقول قامت القيامة مرة بنت يرانا يت بيتنا تصيح تخيلوا ريلها كاسر ايدها بشيول وشو السبب !!! تخيلوا عشان ماسوت غدا انا اشوف الحرمة تنظرب بس مش مبرح يعني خوفها بالصوت واظربها ظربة خفيفة على الوجة فحااااااااااااااااالة وحدة بس بس بس ركزوا فها الحالة الي هي الخيانة اما اذا قصرت فاشياء اشوف انة يرفع صوتة عليها كنوع من التخويف ويزعل يوم او يومين عنها عشان تحس فية وهاي وجهة نظر لا اكثر وسلملم
     
  11. منى الروووح

    منى الروووح ¬°•| عضو مثالي |•°¬

    الصررررررررررراحه اضم صوووتي ويا فراولوووووووووووه
    مايصير الريال يمد ايده ع مرته اللي فيه قووه لا يعقها ع الحريم يستقوووى ع الريايل يووم مسووي روحه عنتر ويبا يضارب
    اما الاسلام عزز المراه وكرمها هب عبده وياها ويكفخها متى مايبى
    ودمتم


    تقبلووا مروري \ منى الروووح
     
  12. بنت البريمي

    بنت البريمي ¬°•| استغفر الله |•°¬

    تسلم اخوي فتى الظاهرة ع طرح الموضوع ..



    بعضهم فاهمين الدين خطأ وفاهمين قوامة الرجل على المراة خطأ...فيستقوى على حرمته ويضربها على أتفه الاسباب ؟؟ انزين هاي مب انسانة تعاملها بهالاسلوب؟؟؟ الإسلام امر بالتسامح والعطف مب بالعنف ..


    لــــــــــــــــــــــــكن ؟؟ يصلح له أنه يضربها اذا كان الامر صح يستحق وشيء كبير واذا شاف انه الامر ما بينصلح بالضرب فالأفضل يطلقها ...


    دمتم بود ...
     
  13. سفير الحب

    سفير الحب موقوف

    إخواني BMW470 ، منى الروح ، بنت البريمي ..
    أشكركم على المرور والمشاركة ..
    الله يوفقكم ..
    أخوكم فتى الظاهرة ..
     
  14. وأنا من وجهة نظري إنه الضرب ما يأكل عيش بصراحة ، يعني في أمور الحرمة ذكر في القرآن انه الريال يقدر يمد ايده بس اذا خانته ، أما لأي سبب ثاني لأ وألف لأ، بالعكس يعني الحريم يبالهن نوع من السياسة ونوع من المدح وشوي لسان يقطر عسل وبنفس الوقت يراعيها لما تكون مضايجه ما يتم يعاندها ، وبعدين اذا على الأغلاط تراه الريال يسوي اغلاط اكثر من الحرمه.

    أما سالفة ضرب الحريم ، إذا شاف الريال حرمته ما وراها رياييل بيتم يضربها ويعاملها معاملة وقحة ، أما إذا كان وراها رياييل لي هم اخوانها وابوها بس ايرب يمد ايده عليها ، بيخلوله بطنه ديسكو وبيرقصون فوقه ، وبيتوب لا بيمد ايده على حرمته ولا على واحد من عيالها ما بيتجرأ اصلاً_

    وتقبلوا مروري_
     

مشاركة هذه الصفحة