شوو رايكم بدخول ابو واخو العروس في الصاله

الموضوع في ',, البُريمِي للِحِوار و النقَاشْ ,,' بواسطة قطوة البريمي, بتاريخ ‏30 سبتمبر 2008.

  1. قطوة البريمي

    قطوة البريمي ¬°•| مُشرِفَة سابقة |•°¬

    شوو رايكم في دخول أخوة العروس ليلة الزفة

    مثل ما نشوف انه انتشرت وبشكل لافت للنظر ظاهرة دخول إخوة العروس الذكور بصحبتها ليلة
    زفافها في صالة الأفراح ..
    هناك من يؤيد دخول الأخوة مع أختهم العروس ويعتبرونها ليلة العمر وفرحة
    العروس بأخوتها حيث تدخل الصالة وهي مرفوعة الرأس والقامة وتحتفظ
    بعزتها وتفاخرها بأهلها..
    وهناك من يرى عكس ذلك بأن هذا العمل مشين وغير أخلاقي إذ كيف برجال
    غرباء يدخلون في صالة أفراح وهي مكتظة بالنساء المدعوات وهن بكامل
    زينتهن وعطرهن ..

    هاا انتو شو رايكم بهالعااااااااااده ... وليش
     
  2. سعود الظاهري

    سعود الظاهري :: إداري سابق ومؤسس ::

    والله موضوع وايد حلووو
    انا مع الموضوع
    هـي ليلــه من العمــر ومابتنعــاد
    وعن الحريم ألي في الصالة طبعا معضمهن يلبسن فساتين بس قبل مايدخلون
    الريايل كل وحدة تروح تلبس عباتها أو تجلس على الطاولات
    والريايل يوم بدخلوا مابدخلوا يطالعوا الحريم
    داخلين مع أخوهم أو يسلمون على أختهم
    وبالنسبة للعروس في فساتين يديدة تغطي شعرها بالكامل
    والمحتـرم محتـــرم
    اخوان المعـرس ,! صعبـه شوي على العروس..
    بـس أخوان أو خوال العروس بيكون أسهل ,لأن العروس تاخذ راحتها ..

    ويعطيك العافيـــه خيــتـوو..

    دمـــت ودام تــواجدك..

    أخوج الظاهري
     
  3. سفير الحب

    سفير الحب موقوف

    ما أظن هالعادة موجودة عندنا ..

    وأحيانا يدخلوا إخوان العروس يسلمون عليها وبعدها يخرجوا ومن ثم يجي المعرس ويأخذ عروسه ..
     
  4. دانة غزر

    دانة غزر رئيسة المشرفين إداري

    كلام اخووووووووي الظاااااااااهري صح

    بس احيانا يدخلون اهل العروس مثلا

    فجئه من غير محد يدري او حد ايي يقول

    حق خوات المعرس مثلا تري ريايل بيون

    فيوم يدخل تشوفون الكل يركض الى ينخش تحت

    الطاوله والى والى نحن محد خبرهم فالاساس

    ان حد بيدخل والف شكر عالموضوع
     
  5. قطوة البريمي

    قطوة البريمي ¬°•| مُشرِفَة سابقة |•°¬

    انا بعد وياك فكل كلمة قلتها وما اعارض هالفكره ..
    وبعدين شو دراك انه الرياييل داشن يسلمون ع العروس ولا المعرس ما داشين يشوفون الحريم ههههههههترى عادي فيه شباب يسوونها لووووول

    اشكرك ع المرور خيو
     
  6. قطوة البريمي

    قطوة البريمي ¬°•| مُشرِفَة سابقة |•°¬

    هيه صدقتي مرات يدشون بلا احم ولا دستور ..
    مشكورة خيتو ع المرور الغاوي من قلب
     
  7. قطوة البريمي

    قطوة البريمي ¬°•| مُشرِفَة سابقة |•°¬

    هالعادة عند بعض العوايل هب كلهااا ..

    يسلموو ع المرور خيوووو
     
  8. خافق احساس

    خافق احساس الفرَيق الإدِاري إداري

    هلا واللهـــ،،

    والله الموضووع عجوبي من الخااطر ،،

    كح من وين تييبين مواضيعج اعترفي ،،

    المهم قريت الموضوع والردود عقب بعلق لول ،،

    من وجهه نظري هالعادة ما احبها ،، بس فعليلتنا صارتــ،،

    أكثر من مرة !! كح ،،

    يعني مرة العروس كانت تعبانة واخوها دخلها ،،

    خافوها تطيح عليهم و محد يقدر يشلها !!

    و المرة الثانية نفس السالفة ،،

    مممممم احسها مب حلوة أولا لانه الولد شدراه بالزفة ،،

    بيقعد يسحب اخته كح ،، ويربعها وراه ،،

    لووول ،،

    مممممممم بعد فيه ناس عندهم عادة انه اللي لازم يزف العروس يكون خالها او اخوها ،،

    مرة بنت خالتي خلوا خالي يدخلها ،، خخخخ وانا اقوول خالي شو مدخلنه !!

    طلعت عادة عند اهل المعرس ،،

    بعد النقطة الثانية بالنسبة لاخوان المعرس اللي يدخلون يسلمون على اخوهم ،،

    يسلمون عليه براه ويباركوله ،، بالعرس ،،

    و بالنسبة للتصوير مب لازم يصورون ،، واذا يبون يصورون يصورون برا في قاعة ثانية ،،

    لازم قاعة الحريمــ!!

    اعلق على الاعضاء <<< لازم !!


    أنا صراحة ما اعتقد فيه وحدة بتلبس مثل هالنوع !!

    حتى لو مطوعية ،، صح بيكون طويل وساتر احيانا ،،

    لكن تغطي شعرها !!

    ؟

    كح كح مسويتنها هالحركة اكثر من مرة !!

    اذكر يوم عافدين من الكوشه ،، ودخلنا لاقرب طاولة نلبس عبينا !!

    ^^

    صح احيانا يقولون انه المعرس بيي ،،

    لكن ما يوصل الصوت للكل ،، فالحين صاروا يوقفون الاغاني ،،

    ويذيعون الخبر بالمايكــ،، <<< اهم لاانباء لوول !!


    هالحركة شفتها بعد ،، كح

    كنا ننتظر المعرس يدخل بس ما دخل ،،

    العروس هي اللي طلعتــ،،

    قمنا نضحك على بعض ،،

    لانهم الكل يبا يطالع كيف شكل المعرس لوول ،،
    و مشكورة غلاي على موضووعج الخشخة ننتظر منج الزوود

    و السموحة ،،
     
  9. سعود الظاهري

    سعود الظاهري :: إداري سابق ومؤسس ::

    وبالنسبة للعروس في فساتين يديدة تغطي شعرها بالكامل



    أنا صراحة ما اعتقد فيه وحدة بتلبس مثل هالنوع !!

    حتى لو مطوعية ،، صح بيكون طويل وساتر احيانا ،،

    لكن تغطي شعرها !!


    أختي خافق أحساس شي مثل هذيلات الفساتين وبعد جديدة ورااقية

    نفس الطاقية تتلبس في الراس ويوم يكون ماشي ريايل تفصخها


    ماعرف كيف أوصفلكم هذا الفستان

    وعن العروس مايحتاي حد من خوالها أو أخوانها يدخلها

    يخلون الظوء عليها ويبندون باقي الكاشافات في الصالة

    ولي عودة لمشاهدة ردودكم



    عــــــــــني أنا بدخل أنتظر هذي اللحظة يوم العرس خخخحخخ
     
    آخر تعديل: ‏1 أكتوبر 2008
  10. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    انا اقول لو بيدخلون يزفون اختهم الحريم يتغشون وطبعا هالشي بيطلب منهم من عبر
    المكرفون الحرمه بتقول اللي تبي تتغشى تتغشى لان الريايل بيدخلون

    اذا عني خاوتي بيزفوني وخواني بيدخلون عقب يسلمون خخخخخخخخ

    انا ماشوف فيها شي عادي بس اللي تبا تتستر تتستر قبل لايدخلون اول ماينبهونهم


    وهذااااااا ردي واتفق مع الظاهري بعد ماقصر


    والسمووحه


    يسلمووو ع الطرح فديتج
     
  11. أبو سلطااان

    أبو سلطااان مؤسس و رئيس الفريق التطويري إداري

    موضوع مميز ما شاء الله عليج قطوه ...
    بصراحه العروس تستانس بدخول أخوانها ب ليله العمر و لكن لا ننسى فيه حريم و بنات ناس
    و بكامل زينها و عطرها و ما حد يرضى على هله حتى لو تغشن و ما فيه ريال بيدخل وسط
    كل هالحريم بيغض النظر مهما كان متمسك بدينه ...
    بصريح العباره لازم بيشوف و لو وحده من أميه و أنا بعرس أختي ما أقولها أفتخار لأنها كانت تتمنى تشوفني و أنا
    ما دخلت لأني مثل ما أخاف على أهلى أخاف على أهل الناس و هذول ضيوفنا و أمانه بحفلنا فأنا ما أرضاها فيهم
    أدخل بين حريمهم ....
     
  12. الكعبية

    الكعبية ¬°•| مراقبة سابقة |•°¬

    بصرااحه موضوع يستاهل النقاش ..

    انا من رايي انه عادي يزفون اختهم .. انا احسه احلى شي بصراحه يوم يدشون الرياييل ويولون ويرزفون لووووووووول..
     
  13. خافق احساس

    خافق احساس الفرَيق الإدِاري إداري

    أدري شايفة الديزاين أنا !!

    و ما شفتــ،، حد سوا شراته ،، غير الزلماتــ،، لانه عروسهم مختلطة ،،

    بس بعد مب حلوة ،، يقعدون يلبسونها ويفصحونها اميه مرة !!



    مستعيلة الاختــ،، !! << امزح !

    تعرفين لكن ناس عادات وتقاليد ،،

    لكن فيه اشياء تكون دخليه ،، لانه الناس قامو يقلدون ،،

    يعني فيه مرة وحدة زفها اخوها لظرف ميعين ،،

    عاد خلق الله كللللللللللللهم يقلدون الحركة ،، علبالهم شيء مميز ،،



    ههههههه ،، تعيبني يوم المعرس يسويها ،، ولا اخوها !!

    عادي نفر واحد من اخوانها يزف مب عشر ،،



    صح كلامكــ،، نحن يقولولنا ،،

    فلان ما يطالع ،، او ما يهتم ،،

    لكن نتفاجا انه شاف و لاحظ ،،

    و حافظ الشكل صم ،، حتى لو كانت نظرة وحدة !!

    خلونا نضرب مثال ،،

    تلقون واحد ماله خص بالدنيا ،،

    ويوم تصير مناسبة يقول حق خواته : ليش ما سويتن شرات فلانه !!

    بسم الله هذا متى طالعها !!

    ،، والله وايد تصير مواقف من هالنوع ،،

    وانا صار لي اكثر من مرة ،، كرهت عمري من الخاطر ،،

    بس الحين تطورت العزبة ، قاموا خوان المعرس يدخلون ،،

    و العروس مب مغطاية ،، لا بعد يصورون عدال اخوهم ،،

    لي عودة ،، اونه مارين نعقب ،،

    <<<< عايبنها الموضوع جنه مالها !!

    و السموحة ،،
     
    آخر تعديل: ‏1 أكتوبر 2008
  14. قطوة البريمي

    قطوة البريمي ¬°•| مُشرِفَة سابقة |•°¬

    خاااااافق مشكورة ع المشاركة الغاوية وردودج وتعليقاتج الاحلى ع الردود ..
     
  15. قطوة البريمي

    قطوة البريمي ¬°•| مُشرِفَة سابقة |•°¬

    أختي خافق أحساس شي مثل هذيلات الفساتين وبعد جديدة ورااقية

    نفس الطاقية تتلبس في الراس ويوم يكون ماشي ريايل تفصخها


    ماعرف كيف أوصفلكم هذا الفستان

    وعن العروس مايحتاي حد من خوالها أو أخوانها يدخلها

    يخلون الظوء عليها ويبندون باقي الكاشافات في الصالة

    ولي عودة لمشاهدة ردودكم



    عــــــــــني أنا بدخل أنتظر هذي اللحظة يوم العرس خخخحخخ[/QUOTE]

    انا وياك ف انه ما يحتاي حد يدش ويا العروس .. لانه بصراحه نحن البنات مالنا بارظ نروح نتلبس عبي
    وشيل بس بسبة انه حد بيدش ويا العروس .. فما اشجع هالشي ..
     
  16. قطوة البريمي

    قطوة البريمي ¬°•| مُشرِفَة سابقة |•°¬

    صح انه الغشوة تستر البنية .. بس الوحده تبى تقعد بتعديلها لين قبل ما يدش المعرس .. وانه نقعد ويا العروس

    وهيه متعدله .. :patch_rir:

    يعني يوم حد يدش ويا العروس تحس الكل مرتبش ويحاتي شعره ويتلخبط .. ويغطى ودنيا ...

    انا اقول لو يدشون عند المعرس وبس .. ما يدشون ويا العروس ...
     
  17. قطوة البريمي

    قطوة البريمي ¬°•| مُشرِفَة سابقة |•°¬

    امممممممم
    بصراحه عليك راي عاد ما راي هع

    الي يبى يشوف يشوف ياخي .. ترى البنت تقدر تستر عمرها وما تخلي حد يطالعهاا..:patch_sal:
    حرام عليك ليش ما دشيت عند اختك ف عرسهاا اهئ اهئ
    لو انا منها بزعل منك .. لوووووووووووول

    مشكور اخويه ع المرور الغاوي
     
  18. قطوة البريمي

    قطوة البريمي ¬°•| مُشرِفَة سابقة |•°¬

    هيه والله عاد يولة الشباب ورزفهم ما يتعوض ف الاعراس .. لووووووول
     
  19. قطوة البريمي

    قطوة البريمي ¬°•| مُشرِفَة سابقة |•°¬

    يسلمووووووووووووووو ع المشاركة وارائج الغاوية
     
  20. سعود الظاهري

    سعود الظاهري :: إداري سابق ومؤسس ::

    أدري شايفة الديزاين أنا !!
    و ما شفتــ،، حد سوا شراته ،، غير الزلماتــ،، لانه عروسهم مختلطة ،،
    بس بعد مب حلوة ،، يقعدون يلبسونها ويفصحونها اميه مرة !!

    ـــــــــــــــــــــــــــــــــــــــــــــــــــــــــــــــــــــــــــــــــــــــ
    المزاريع والظواهر زلمات ... يمكن فينا عرق وأنا مدري...ــــــــــــــــــــــــــــــــــــــــــــــــــــــــــــــــــــــــــــــــــــــــ


    المعرس لازم مايدخل قبل التأكد ان النساء الاتي لايحللن عليه قد تسترن عنه لأن هذه الليلة(ليلة الزفاف) لاتحل المحارم كما يعتقد البعض من الرجال والنساء ويستغلها في مآربه .خاصتا بنات الحين يفصلن الفستان عاري مرة ماكنة فستان الظهر كله خاري..

    وعاد يوم يدخل المعرس في الصالة ..

    وتبــدأ الأفكــار تتضــارب في خــواطــر الحــريم ..



    البنت 1 :: ياللللله ما حلاته .. يعق الطير من السما .. شوفي خشمه .. شوفي عينه .. شوفي طوله ..
    البنت 2 : ااه يا ريته كان من نصيبي .. ياريتني بدال العروس ..

    البنت 3 : حرام يظلمون هالغاوي ويا هذي (( العروس )) انا احلى عنها ..

    البنت 4 : بيكون من نصيبي ولو اضطريت استخدم العمل ..

    الحرمه 5 : مالت على ريلي .. لو كان من نصيبي كنت برتاح اكثر من هالعيشه

    ويبــدا شغــل الحــسد والنميمــه ..


    أحسن المعرس مايدخل من الاساس
     

مشاركة هذه الصفحة