ختمتها في قلبي

الموضوع في ',, البُريمِي لِـ الصُــور و الطّرائف ,,' بواسطة ونه العوود, بتاريخ ‏26 مارس 2013.

  1. ونه العوود

    ونه العوود ¬°•| عضــو مــهــم|•°¬

    السلام عليكم


    رجعنا لكم بمواقف جميلة :16:...وأنا عن نفسي وانا أكتب كل فقرة "الضحكه ترتسم في محياي"...وبجد ذي المواقف ختمت عليها فقلبي عده مرات..فكانت "ما بين القلب والضحكه"...فإليكم معظمها:




    لما كنت اروح بيت "خالتي" عيالها كانوا يحبوني وايد كنت اول ما ادش من بابهم اييون ويزخون ايدي ويسحبونها بالقووو"معناته تعالي بنراويج شي هههه" ويوم اروح معاهم يحليلهم والله..يعطوني شباصات صغيرة وبألوان حلوة..ويعطوني اشياء كثيرة..وكانوا يقولون لأبوي "خالي خلي عيالك يباتون معانا اليوم"..هههههه"ايام لا تنسى".

    يوم اروح محل النظارات..استحي البس النظارة جدام اللي يشتغلون هناك..وأمي تنازعني تقولي شلي ذا "الشنطوط" هههههه وااااااكككككك حلوة"يعني الغشوة"خخخخ..اقول لها "انزين ماريد خلوني كيفي ههه"...وعاد ذيلاك يضحكون يقولون لأمي خليها ع راحتها هههههه "ويه فشله بجد"..

    أفشل موقف مريت به..يوم كنت فالثانوية كنت سرحانه بأبوي كيف مات وابوي راح خلاص ما بيرجع..والأبله توقفني وتقولي جاوبي عالسؤال وانا اصلاً ما اعرف شو هو السؤال ههههه...اسكت وانزل راسي تحت ^^ "ونعم الأدب".

    لما كنت فالصف العاشر بإمتحان العربي تحديداً..أغمي علي فالصف بالقووو..وفقدت وعيي لدرجه اني ما اتذكر المعلومات..والبنات "حدث ولا حرج" اللي صااحت واللي كانت خايفة وما حلت فالامتحان..واللي خلت الورقة فاضيه هههههه...المهم تالي ودوني غرفه الصحه..ياويلي هناك الابله يالسه تقولي ونه العوود تتذكريني..أول مرة قلتلها ايوا انتي ابله العنووود قالتلي ايوا والمرة الثانيه قلتلها لا ما اعرفج ههههههه..ورسبت فذي المادة خخخخخ.."موقف انساني عظيم معظم الابلوات اتجمعوا هههه وناسه"...

    أحلى موقف جميل وكان يحسسني بالأمان ويعطيني الحنان الكامن...يوم ابوي يقولي تعالي نامي يمي ويقولي ذا المسلسل وايد حلو ههههه ويوم ايي اعلان اروح ابدل للقناه الثانيه..يقولي ليش غيرتيه اقوله اعلان يقولي لا ما اعلان قولي ما تبي تشوفي ههههه..."نقعت فيوزاته"ههههه..

    مره من الايام ابوي كان مريض ومرقد فالمستشفى..وانا أموت فشي اسمه "كورن فليكس" حيل حيل حيل..عاد هم يابوله كورن فليكس..كان يقول لأمي ياليت ونه العوود هني مشان تخلصه ذا كله.."وهو كان يكرهه ما يحبه"خخخخ

    زمان اول قوم 2003 و 2004..كنت يالسه اشرب "داغوس" وكانت يدوووه تشوفوني بنص عين وانا اشرب ابتسملها هههه..قالتلي انتِ تعرفي ها من شو مصنوع...قلتلها لا ^^ قالتلي ذيلا يايبين ناس وذابحينهم والدم مالهم حاطينه فالغرشه هههه..."بدأ مخي يشتغل" قلتلها وشو ذا الفلفل اللي داخله..قالتلي ذا مشان ما يكتشفوه الناس واكككككككككككك
    قلتلها يدووه لا مستحيل اصلاً..وبعد طعمه حلوووو..."والسالفة وما فيها انه هي ما تحب الداغوس هههههه"..أجدادنا سوالف.

    فنفس العام كانت يدووه وابوي يالسين يسولفوا عاد أخوي الصغير يالس وسطهم وحط ايده بثنتينهن على خده..قالتله يدوووه ليش فارش عمرك جي جنك طياره واااااككككككك...وعاد انا ما سلمت منه كل مرة اذكره بالموقف خخخخخ.


    زماااااان أول كان عمي يناديني عايشه..قتله لا انا ما عايشه هههههه "كنت صغينونه" قالي كيف ما عايشه..قتله انا اسمي جي .......... قالي يعني انتي ما عايشه قتله ايوا..قالي لا انتي عايشه قتله يابوي ما عايشه...قالي الحين انتي تكلميني يعني انتي عايشه........ياربيييييييييه ومن ذيج الساعه يالسلي عايشه وعايشه اخر شي ضحكت فويهه قالي والحين انتي عايشه ولا ما عايشه...قتله ايوا عايشه هههههههه.

    رفيج ابوي كلما يشوفني يقولي "هــــا يات السنفورة ههههه" شحالج؟!..اقوله بخير يقولي زين زين..عيل وين اخوج الصغير وعاد اخوي ايي يركض من برا ههههههه عاد تالي يقول تعالوا هني ويوم نتجدم يدخل ايده فالمخبأ خخخخخ وكل واحد يطالع الثاني...جميل الموقف ^^

    مره من الايام ابوي كان يجهز "فناجين وقهوة" وقالي اشلهم واوديهم الميلس وانا يحليلي ما كنت اعرف منو هناك..قبل لا ادخل سمعت صوت "قلت وابوج هناك حد" ما عرفت شو اسوي ابوي ياي للميلس وذاك الريال موجود هناك..واقول لكم طيحت الفناجين وانكسرن..وابوي "نازعني وشوي وبيكفخني هههههه روحي هاتي المخمه خميه كله ذا اللي طيحتيه"..وميته من الخوف فشلت ابوي جدام الريال...^^ ما حلوة ^^





    وبث...من دواعي سروري ان ارسم الضحكه على كل إنسان :eh_s(6):



    أجمل التحايا: ونة العوود
     
    آخر تعديل: ‏26 مارس 2013
  2. دانة غزر

    دانة غزر رئيسة المشرفين إداري

    السلام عليكم ورحمه الله وبركاته
    محلاتهاااا من موواقف
    ان شاء الله حياتج كلهااا فرح وسعاااادة
    ربي يعطيج الف عافيه يا مبدعه
     
  3. ونه العوود

    ونه العوود ¬°•| عضــو مــهــم|•°¬

    آمين...وانتي كذلك "ريمووه"

    الإبداع منج وفيج^^
     
  4. أَعتبرنيْ مرحله ْ..™

    أَعتبرنيْ مرحله ْ..™ ¬°•| عضو مميز جدا |•°¬



    رَاحت أيَام الطَيبين^^
    بَس بخصُوص أنَه لَما أغمَى عَليج وتيَمعَوا عَليج الابلَوات ما أحسْ أنَه موقف انسَانِي ..! بَدل لا يعيدُون لِج الامتحَان يرسبُونج ..؟!
     
  5. أم حمودي

    أم حمودي ¬°•| مُشرفة Our Cafe |•°¬

    هههه مشكورة خيتوا مواقف حلوه ..الله يرحمه ويغمد روحه الجنه
     
  6. ونه العوود

    ونه العوود ¬°•| عضــو مــهــم|•°¬



    رَاحت أيَام الطَيبين^^
    بَس بخصُوص أنَه لَما أغمَى عَليج وتيَمعَوا عَليج الابلَوات ما أحسْ أنَه موقف انسَانِي ..! بَدل لا يعيدُون لِج الامتحَان يرسبُونج ..؟!




    أنـــا ما طلبت إعاده الإمتحان...وين ذيج الساعه عقلي فراسي انا خخخخخ

    كان الفصل النهائى الأول...يلا شديت حيلي فالثاني ^^
     
  7. أمير ورد

    أمير ورد ¬°•| مشرف سابق |•°¬


    ههههههههههههههههه

    حلوووواااات مرة .... الله يعطيك العافية

    إن شاء الله دوووم هالابتسامة الطيبة ....
     
  8. دبلوماسيه البريمي

    دبلوماسيه البريمي ¬°•| عضو مميز |•°¬

    :ش4:ربي يعطيج العافيه تسلمي ع مرورج الرائع
     
  9. المزن

    المزن ¬°•| مشرفة الأُسرَة و الطفل |•°¬

    هههه مواقف
    احس انهن يصيحن !! والله جد هههههه
    يعطيج العافية ع الطرح
     
  10. تمثال التفاؤل

    تمثال التفاؤل ¬°•| عضو مميز جدا |•°¬

    هههه ماشاء الله علييج ..شكلج كنتي مررررره مشاغبه وحرركككات علييج ...

    ربي يحميج ويسعدج ..يا اطيب انسانه ::photo9::
     

مشاركة هذه الصفحة