توفيت أمه فكتب هذه القصيدة ..!!! الندم ما يفنعك يا فلان

الموضوع في ',, البُريمِي لِـ/ للشٌعرٍوالْقصِيْد,,' بواسطة دبدوبة خصب, بتاريخ ‏19 سبتمبر 2008.

  1. دبدوبة خصب

    دبدوبة خصب ¬°•| عضــو مــهــم|•°¬

    السلام عليكمممم,,,


    اقرو وياي اللي كتبه هالشاب المتهوراللي تعرض حق حادث وياه أمه فتوفيت وبقي هو علي قيد الحياه وكتب القصيده هذي:


    يواسيني وانا الميت وحالي يجبر الدمعات

    تسيل من الذي فيني ويبكي وهو يواسيني

    وانا ابكي واتنهد وارسم بالحزن لوحات

    يجبروني عشان امشي ورجلي ما تمشيني

    قتلت رعايتي بيدي قتلت الحب والرحمات

    حرمت النفس من حقها وانا ابكيها وتبكيني

    وكنه حلم قدامي يقيدني من الصرخات

    ابي اصحى ولكني عجزت القى ال يصحيني

    فداك القلب يايمه ومهما قلت من كلمات

    صغيره في كبر حقك بس اتمنى تعذريني

    نهبت الفرح من بيتي صحيح اني خسيس الذات

    صحيح اني ولد طايش وكل ما أسمعه فيني

    تجول عيونهم فيني تفصل مني قياسات

    وتشيح وجوههم عني وكني غيرت ديني

    يظنوا حزنهم اكبر وهم اصحاب هالمأساة

    وانا اتحدى اذا فيهم ربع ما يحترق فيني

    نقص قدري بعد موتك وغابت نشوة اللذات

    وصار الهم عكازي اباكيه ويباكيني

    عطيتيني بدون حساب ولا سمعتك تقولي هات

    وانا اشرب حيل من دمك ودمك ما يكفيني

    يايمه ارجعي كافي ابجلس معك لو لحظات

    واقبل ايدك ورجلك وافرش لك رمش عيني

    يايمه ما تحملهم يقولوا فات ما قد مات

    تعالي غيري هالقول واطيعك باقي سنيني

    واترك عادة التدخين وانفذ ما تبي بسكات

    واصلي الفجر في المسجد قبل منتي تصحيني

    يايمه ارجعي تكفين وطفي شمعة الآهات

    ابيك انتي ولا غيرك على موتك تعزيني

    وضميني وداويني مثل ما كانت الهقوات

    ما ابي احدن يواسيني ابيك انتي تواسيني

    دخيلك بس لا تبكي اذا شفتي بي الدمعات

    انا مقوى ابكيك اذا انتي تبكيني


    أسال الله أن يغفر لها ولجميع موتى المسلمين وهنياً لمن كانت امه على قيد الحياة ليخدمها ويفديها بروحه وأقول لصاحب هذه القصيدة ألان إنتهى الأمر وبقي عليك الدعاء لها في كل وقت وكل صلاة ولا تنساها من الصدقات فهذا هو برها بعد وفاتها منك ... ومن هنا أنادي كل عاق لوالديه أن يراجع نفسه ويعود لهم ويبرهم فطاعة الوالدين مقرونة بطاعة الله .
     
  2. أبو سلطااان

    أبو سلطااان مؤسس و رئيس الفريق التطويري إداري

    يعطيج العافيه أختي عالقصيده الرأئعه ...
    الله يرحم أمه و يرحم أموات المسلمين و يحفظ أمهاتنا جميع ...
    و الأم لا يعوضها شيء بهذه الدنيا و من فقد أمه فلا بد من إكرامها بالدعاء لها و التصدق
    و فعل الخير عنها ...
     
  3. دبدوبة خصب

    دبدوبة خصب ¬°•| عضــو مــهــم|•°¬

    ابو سلطان صح بدنك اخويه
    والف شكر لك ع المرور ,,,
     
  4. عنقود الأمل

    عنقود الأمل ¬°•|عضوة شرف|•°¬

    قوية كلماته ومعبره
    صراحه الواحد مايحس بقيمة الشي إلا إن فقده
    الله يحفظ لنا امهاتناوابائنا مهما كانوا يمكن في لحظة يقسون مع ذلك هم الرحمة بنفسها

    اشكرج على هالقصيدة بارك الله فيج
     
  5. الشاعر

    الشاعر موقوف


    صح لسان الشاعروصح بدنج يالدبدوبه

    اختيار المواضيع الحلو دليل على رقي الشخص نفسه
     

مشاركة هذه الصفحة