الجنة تحت أقدام الفلبينيات!!

الموضوع في ',, البُريمِي للِحِوار و النقَاشْ ,,' بواسطة بنت العرب, بتاريخ ‏26 يناير 2008.

حالة الموضوع:
مغلق
  1. بنت العرب

    بنت العرب ¬°•| مشرفة سابقة|•°¬

    الجنة تحت أقدام الفلبينيات!!
    الاول :: لا حول ولا قوة إلا بالله لا حول ولا قوة إلا بالله

    الثاني:: أشفيك شو صاير عسى ما شر

    الاول :: أبد ياخوك .. اليوم انا خاطف في الفريج سمعت صراخ وحده (( بنتي بنـــــتي ))
    ولما سألت اشفيها البنت ؟؟ قالوا لي البنت ماتت .

    الثاني :: انزين عادي الموت حق على كل إنسان صغير وكبير .. لكن ليش الأم تصارخ جذيه.

    الاول:: لان الخدامة أذبحت البنت في غياب الأم

    الثاني :: الخداااامة أذبحت البنت في غياب الأم !! شقايل وكيف ؟؟؟

    الاول :: ابد الام الصبح تشتغل وتخلي بيتها وبنتها في يد الخدامه .. والخدامة ما
    يحترق قلبها على البنت فلما صارخت واذتها بالصيح اذبحتها عشان تفتك من
    صياحها وطلع حرة امها في بنتها .
    * * *

    أنا لله وانا إليه لراجعون .. ياناس هذي مب أول ضحية من اليهال اللي يموتون
    ويشوهون على يد الخدم ياما سمعنا عن ضحايا وعن حوادث كل وحده تقطع القلب أكثر
    من الثانية .. من ياهل فرته الخدامه في الغساله لين مات .. ولا فرته في الثلاجة لين تيبس
    ومات .. وغيرها وغيرها من الحوادث اللي من تسمعها ما تقدر تمسك نفسك من الصياح....
    لكن شو السبب ؟؟؟ من المسؤول ؟؟؟!
    طبعا الام هي المسؤوله الأولى الاخيره عن اللي صار عيل تخلي عياله في يد الخدامه عشان الشغل ..
    منو الاهم عيالها ولا الشغل ؟؟ اذا قلت لها هالكلام بتقول لك مثلي مثل الريال لي دور في المجتمع .....

    طبعا انتي لج دور فالمجتمع لكن مب جذيه أنتي دورج الأساسي تربية الأولاد وإعداد
    جيل مثقف وصحي يحافظ على قوة بلاده ويدافع عنها.. والشغل شي ثانوي بنسبه لج ..
    وما يكون ألا في وقت الضرورة ....

    تصرخ وتقولك انت من اللي يبون يلسون الحريم بالبيت وما تباهم يشتغلون .. لازم نثبت لناس
    ان دورنا مب تربية الاولاد دورنا اكبر من جذيه بوايد نحن على اكتافنا بيقوم المجتمع
    نحن نخلص فالعمل اكثر من الرياييل ...
    تستغرب شقايل تخلص في عملها واهي هامله اهم شي .. بيتها وزوجها وعيالها اللي
    ما تعرف عنهم شي .. عيالها اللي يمكن ينحرفون وسبب ان الأم آخر من يعلم عن
    أخبارهم ومخلتنهم حق الخدامه..



    نرد ونقول منو الأهم الشغل ولا العيال...؟؟!


    من شريط بصراحه
     
  2. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    هلا الروح وتسلمى ع الموضوع الممتاز ،،،

    هل الاهم الشغل ام العيال ؟ اذا تبين الصراحه الأثنين مهمين :

    1. الشغل يدعم مكانة المراه في المجتمع وتكون مسؤاله عن نفسها بحيث انها قادره على ادارة امور حياتها بشكل افضل من المراه الغير عامله كذلك ان العمل يعزز ويقوي قراراتها في احوال كثير وتكون قادرة على مواصلة حياتها بشكل افضل ونظرة الرجل اليها تكون مختلفه كذلك ،،،

    طبعا في حلول كثيره تقوم بها المراه العامله ومن الواقع بخبرج مب من الخيال يا الروح :

    ع سبيل المثال : المعلمات عندهن شغالات لكن في حركه يعملنها وقت الدوام انهن يخلن عيالهن مع ام الزوج ووياهم البشكاره واحيانا عند ام البنت ،،

    كذلك : في حالة ان الام العامله في منطقة غير منطقتها تحط ولدها في حضانه لحد ما توصل الى البيت ،،، وتخلص الدوام ،،


    في حلول كثيره لازم ما نعقد الموضوع اما الحالات اللى نشوفهن هذا جراء اهمال الام والاب كذلك الاب مسؤال عن ابناءه،،،

    يعني احيانا بالفطره الام تحس ان هذي البشكاره شرانيه ع طووووووووووول توديها المكتب وتجيب غيرها ،،، اما بعض الامهات ما يهتمون ابد بعيالهم وهذي هيه النتيجه ،،،


    وسمحولى طولت وياكم
     
    آخر تعديل: ‏26 يناير 2008
  3. (الكعبي)

    (الكعبي) ¬°•| مُِشْرٍفَ سابق|•°¬

    لاحول ولاقوة الابالله العلي العظيم
    أنا اقول التربية افضل من الشغل
     
  4. بنت العرب

    بنت العرب ¬°•| مشرفة سابقة|•°¬

    كبرياء صح كلامج وعيبتني وجهة نظرج بس بعده وجود الأم شي ضروري خاصه لليهال
    وأذا تعودا على شي صعب انج اتغيرين هالعاده
    وتسلمين يالغاليه على ردج ومرورج الحلو
     
  5. بنت العرب

    بنت العرب ¬°•| مشرفة سابقة|•°¬

    رايي من رايك ياخوي الكعبي
    وتسلم على مرورك
     
  6. نبض الخفوق

    نبض الخفوق ¬°•| عضو مبتدى |•°¬

    هالهخدامه يبالها حد يشوىتها بوووووووووز عالملعب
    يسلمو
     
  7. AL W$WAS

    AL W$WAS موقوف

    يسلمووووووووووووو بنت العرب

    الجنة تحت أقدام الفلبينيات!! لاحووووووول
     
  8. أبو سلطااان

    أبو سلطااان مؤسس و رئيس الفريق التطويري إداري

    أنا بتكلم بصراحه و اعلم أغلب النساء لن يعجبهم ما سأقوله ...
    مكانة المراءه محفوظه و قدرها أكبر من ما تتخيل ليس بعملها و وضيفتها و مسماها الوضيفي و لكن بما تملك من دين و أخلاق و ما زرعته و علمتة سواء لطفلها أو زوجها أو مجتمعها من قيم و مبادي نبيله ..
    و أغلب من يعملن ليس للحاجه و لكن لو طرحنا السؤال رد الكثيرات ما بتم بين أربع جدران و شو أسوي بفراغي نست إنه لزوجها لطفلها لبيتها حق بهذا الوقت المستقطع بعملها ...
    تعمل 8 ساعات ترد تعبانه يأخذ قيلوله ساعتين و ثمان ساعات بالليل بقت 6 ساعات لطفلها لبيتها لأبو عيالها أتراه هذا الوقت كثير ...
    و متى تجلس مع طفلها متى تزرع فيه هذه القيم النبيله ...
    انا رأي إذا لم تكن الحاجه ماسه و الضروف مهيأه لعملها فلا داعي لتتعب نفسها و تقول بكد على البيت الرجل هو المسؤول عنها و عن بيته و ما يحيرني تلك من تقول سأساهم مع الزوج تجدها تأخذ على راتبها من الزوج لملابسها و زينتها لأنها لن تداوم بنفس الملابس و لا بد من التغير بشكل يومي و طبعاً الزوج بيدفع لأن لها الحق يصرف عليها و لكن ليس له الحق بوقتها !!!!
    أنا أتحدث عن كثير من العاملات و ليس الكل و أغلب قضايا الطلاق بفئه العاملات ...
     
  9. مشاغب

    مشاغب ¬°•| <font color="#040000"> زçـــيم </font><font

    الله يرحمها

    وشنو سو بافلبينيه
     
  10. غيَّث

    غيَّث ¬°•| ɢʜᴀɪᴛʜ |•°¬

    العيال أهم .

    الشغل للرجال فقط .

    .

    أحترامي

    .



    عزآف
     
حالة الموضوع:
مغلق

مشاركة هذه الصفحة