تــذكــروون .. !!

دبدوبة خصب

¬°•| عضــو مــهــم|•°¬
إنضم
22 أغسطس 2008
المشاركات
566
العمر
38
الإقامة
داري دار قابوس
السلام عليكم ,,,



اممممممم ... الذكـريــآآت صفـحـآآت جميلة ورآآآئعة مهمـآآ إمتلئت بالأحزآآن تبقى السعآآدة أجـمـل مـآآ تحتويه هذه الذكريـآآت .... تعـآآآلوووآآ معـي نقلب بعـض من صفحــآآت الذكريـآآت ^^ ..



ذكريات لا تعد ولا تحصى..



تذكرون..


يوم إيّيك واحد ماصخ من العايلة أكبر منك ويقول لك: تبا أرسم لك ساعة وانته تمد له إيدك ويعضّك هذيك العضة اللي تصارخ منها .




‏تذكرون..


يوم كنا نصوّر فوري عند مصوّر الجمعية وطبعاً غصباً عليك الخلفية زرقاء مب بكيفك ولازم تمشط شعرك بالمشط اللي عنده.. كله شعر.. وبعدين يغسل لك الصورة بالآلة اللي عنده أم ذراع والأطراف مشرشرة ‏ويعطيك الصور بعد أسبوع.





تذكرون..


يوم الجمعة ... ‏نقوم من الصبح على شان نسمع أغنية في قصص الشعوب قصائص لا تنتهي
وعالم حلو بهي يسكن في القلوب في قصص الشعوب .





‏تذكرون..


يوم كنا نحط بالفريزر العصير الطويل بونصين أو لبن أب عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.




تذكرون..


يوم كانوا الأولاد يغسلون الحوش بالبروش والصابون قمة الوناسة.. يمسك البروش أونّه بيساعد وآخر شي طايح له سكيتنج على الكاشي والزولية وفي الليل وارمة ريله.





تذكرون..


عزايم قبل والسفرة المفروشة على كبر الصالة اللي على صورة ميوه (‏فواكه) ‏وريحتها لازم مثل ريحة المطبخ وجالسين على الزولية اللي يوم تقوم تلقى ريلك كلها شخوط من الزولية.





تذكرون...

يوم نكسف الدواشق ونسويهم خيم...أو ناخذ التكي ونسويهم بيوت






ذكريات لا تعد ولا تحصى...



تذكرون..


أول يوم دوام بالمدرسة كانوا يسلمونا الكتب كلهم مع بعض وصافينهم من الكبير إلى الصغير وطبعاً الكبير كتاب العلوم وكانوا يربطونهم بحبل عشان ما يطيحون مع 6 ‏دفاتر مجاناً.




‏تذكرون..


المعجون الصغير اللي ريحته تعوّر الراس ووياه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي نفافيخ وطبعا ما تطلع النفاخة لين تطلع بلاعيمك وياها.




تذكرون..


يوم كنّا نشوف افتح يا سمسم ونتأثر بكعكي اللي ياكل بسكوت ونشتري بسكوت كاكاو ونتم ناكل مثله
ويا البسكوت المالح.




تذكرون..


يوم الجمعة ... ‏نقوم من الصبح على شان نسمع أغنية في قصص الشعوب قصائص لا تنتهي
وعالم حلو بهي يسكن في القلوب في قصص الشعوب .




تذكرون..


تيلفون بوقرص اللي يتعب صبوعك وانته تتصل ويا ويلك يطلع الرقم مشغول لأنه ما فيه ريدايل.



‏تذكرون..


يوم كنا نربط الشرشف على رقابنا مثل سوبرمان ونصعد فوق الكبت وانط على الدواشق وآخر شي ناقز غلط ومنكسرة إيدك.



تذكرون..


يوم كانوا الأولاد يغسلون الحوش بالبروش والصابون قمة الوناسة.. يمسك البروش أونّه بيساعد وآخر شي طايح له سكيتنج على الكاشي والزولية وفي الليل وارمة ريله.




تذكرون..


يوم كنا نستقبل الحجاج من زود الفرحة واللهفة على الصوغة وآخر شي كم: مسواك وقحفيتين والكاميرا الحمراء وسيادة وللبنات قطعة خام خايسه وساعة..




تذكرون..
يوم كنا نشوف مسرحيات الأطفال مثل السندباد والزرزور وألف باء تاء اللي فيها عبدالرحمن العقل ويوم الحرامي يكون وراه.. نصرخ من قمة راسنا: ورااااااك وراااااااك وهو يقول وينه وينه يميييييين يميييييين....
‏ياعيني على الاستهبال .



تذكرون..
أيام الدراسة قبل يعني يكون بنشد حيلنا بالدراسة ونشتري قلم فسفوري أصفر وإلاّ برتقالي عشان نظلل على الشي المهم وآخر شي مظللين على كل الكتاب.. وين الشي المهم؟؟ ما أدري!!!!




تذكرون..
أول ما يسرقون الأولاد سيارة أبوهم كانت الريل اليمين على البترول والريل اليسار على البريك من الثوارة .... ‏ولازم طبعاً يمر على الربع في الفريج يصيّح ويلات عليهم....‏ويعطيه بريك وبترول..


تذكرون..يوم كانت جائزة البيبسي سيارة في غطاة الغرشه كنا الظهر نسير وراء الدكان ونبطل الغراش كلها وبعدين نرد نسكرهم أي كلام تشوف الغازات كلها طايرة ومتبخرة ومستوي البيبسي ماي .



تذكرون..
يوم نتضارب مع ولد اليران وتقول له: خوز عن بيتنا وعن رصيفنا..
يقول لك: مب رصيفكم هذا رصيف الحكومة
كلام منطقي, ‏ويتم يمشي جدام البيت ويمر جدام ويقول لك ما جستك ما جستك.




تذكرون..
يوم يسيرون الأولاد السوق ويّا أبوهم يشتري لهم قطع جنادير للعيد ..وآخر شي شاري طاقة كاملة نفس اللون وتشوفهم بأول يوم العيد من الوالد لين الأخو الصغير نفس لون لابسينه كلهم ‏تقول فرقة عيالة.


وللـــه لــو يــآآخذووو نـص عمري عسـب نرجع ذيـج الأيــآآ أنــآآ مــووآفقه ^^..

والسمووووحه
 

غرشوب العين

¬°•| عضو جديد |•°¬
إنضم
17 سبتمبر 2008
المشاركات
8
تسلمي خويتي

ع الطرح الراقي
 

منى الروووح

¬°•| عضو مثالي |•°¬
إنضم
15 يونيو 2008
المشاركات
1,252
الإقامة
دوحة البريمي وسط العز سكناتي
تذكرون..
يوم يسيرون الأولاد السوق ويّا أبوهم يشتري لهم قطع جنادير للعيد ..وآخر شي شاري طاقة كاملة نفس اللون وتشوفهم بأول يوم العيد من الوالد لين الأخو الصغير نفس لون لابسينه كلهم ‏تقول فرقة عيالة.

ههههههههههههههههه
حلوووووووه هااااااااااااي عيبتني
بس مااذكرر
ياختي الاولاد هالايام بطره
كل واحد لووون
واحسن من الثاني
هههههههههه
تقبلي مروري\
منى الروووح
 

السَعيدي

<font color="#ff0000">¬°•| إداري سابق|•°¬</span></
إنضم
21 سبتمبر 2007
المشاركات
9,912
الإقامة
توام
يوم كنا نحط بالفريزر العصير الطويل بونصين أو لبن أب عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.

هههههههههههههههههههه
اكثر شي كان يصيرلي
هع هع

لبن عيران الي لون علبته احمر
ها هاها


يوم يسيرون الأولاد السوق ويّا أبوهم يشتري لهم قطع جنادير للعيد ..وآخر شي شاري طاقة كاملة نفس اللون وتشوفهم بأول يوم العيد من الوالد لين الأخو الصغير نفس لون لابسينه كلهم ‏تقول فرقة عيالة.


هيه اذكر

صدج انه جنا فرقة عياله

لا وبعد ساعه من نلبسها يتغير لونها من الوصاخه
هههههههههههههههههههه



يالله عليج يا دبدوبه خصب
صدج ذكريات

بغيت اصيح


ههههههههههههههههه

والله ايام كانت

مب احين

الف الف شكر لج على الموضوع الفنتك

موضوع يستحق التقليد بالنجوم الخمسه
 

omani hack

¬°•| عضــو شرف |•°¬
إنضم
18 يونيو 2008
المشاركات
2,128
الإقامة
hack Kingdom
يوم كنا نحط بالفريزر العصير الطويل بونصين أو لبن أب عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.


هههههههههههههههه هيه اذكره زين

غربل الله بليسج ههههههههه

اسميج سوالف
 

(الكعبي)

¬°•| مُِشْرٍفَ سابق|•°¬
إنضم
24 ديسمبر 2007
المشاركات
2,229
الإقامة
شمال عمان الغاااالية
وااااااااااااو ووااااااااااو
بصراحة هذي تضرب ف الصميم

تذكرون..


يوم الجمعة ... ‏نقوم من الصبح على شان نسمع أغنية في قصص الشعوب قصائص لا تنتهي
وعالم حلو بهي يسكن في القلوب في قصص الشعوب .
 

جروحــ دفينه ــي

¬°•| مٌشرِفة سابقة |•°¬
إنضم
10 أبريل 2008
المشاركات
2,386
الإقامة
..فــي جروحي ..
هههههههههههه


موووضوع اكثر من رائع

رجعتي ذكريات حلووه

تسلميين
 
التعديل الأخير:

حشيمة القلب

<font color="#DA0202"><b> ¬°•| إدارية سابقة |•°¬<
إنضم
29 يوليو 2008
المشاركات
24,489
العمر
37
الإقامة
°• مِنْ رَحِمْ الحُزنْ أتيتْ .. وسأبقىْ ..! °•

‏تذكرون..


يوم كنا نحط بالفريزر العصير الطويل بونصين أو لبن أب عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.




هههههههههههههههههههههه والله اياااااااااااااااااااااااااااااااام بس حلوووه الصراحه


يعطيج الف عافيه ع الموضوع
 

Silence

¬°•| عضو فعّال |•°¬
إنضم
20 يوليو 2008
المشاركات
112
تذكرون..

يوم إيّيك واحد ماصخ من العايلة أكبر منك ويقول لك: تبا أرسم لك ساعة وانته تمد له إيدك ويعضّك هذيك العضة اللي تصارخ منها .

ههههههههههههههههههههه
معقوووولة ذكرياتنا متشابهة لهالدرجة
بس هالموقف دوووم كنا نسويه خص حق اللي اصغر عنا مستقويين كنا خخخخخخخخخ
 
إنضم
19 يوليو 2008
المشاركات
1,309
الإقامة
Between four walls
‏تذكرون..


يوم كنا نحط بالفريزر العصير الطويل بونصين أو لبن أب عشان يثلج وكل ما تسير تبغي تاخذه تلقى الوالدة منزلتنه تحت وما ثلّج.. يا حسرة راحت الفرحة.

هاي احلى وحدة وبعد ما تتذكرين ايام السمبوسة مالت الدكان لي كلها ذبان ومعاها لبن اب او عيران هذاك لي لون علبته حمرا_

تسلمين على الموضوع الجميل _
 
أعلى