لو انتي ....

الموضوع في ',, البُريمِي لِـلخَواطِر ,,' بواسطة علمني كيف أخونك, بتاريخ ‏17 سبتمبر 2008.

  1. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬

    لو انتي...

    لو انتي شمس .. فالشمس كل يوم تطل وتغيب ..
    ومن غيرها أقدر أعيش ..
    ولو أنتي القمر .. فالقمر ساعات يسامرني ويغيب ..
    ومن غيرة أقدر أعيش ..
    ولو أنتي الدنيا .. بعتزل دنياي
    وأقفل علي أبواب وحدتي ...
    وبقدر أعيش ..
    ولو أنتي الماي .. بعطش أيام ..
    ورغم الضمى ..
    بقدر أعيش ..
    بس انتي الهوى اللي أتنفسة ..
    ومن غيرك...
    مقدر أعيش ...



    سلامة جروحك ...
    ليت جرحك ينزف بدمي ..
    وسلامة أوجاعك ...
    ليت الآه تصرخ بفمي ..
    ياالي الألم حدّر ادموعك ...
    تفداكِ عيني .. وروحي..
    عليكِ أتسمي ..
    ياراس مالي بهاالدنيا..
    حبيبتي .. وطفلتي .. وأمي ..



    ما تصورت يجيني يوم وتهجريني
    وتنسين عهد الهوى مابينك وبيني
    ماتخيلت انه في شي بهاالدنيا ممكن يبعدك
    وبغير الموت ماظنيت اني ابفقدك
    غريبه .. وشلون خنتي وعودك
    وذبحتي طير الحب
    بعد ماغرد على غصنك وعودك ...


    أنا مرضى أكون لك حبيبٍ وقت ماتبغين
    ووقت ماتبغين ... تنسين حبي ..

    أنا مقوى أحب بعضك .. وتحبين فيني بعضي !
    إما كلك بقلبك وعقلك تجين ..
    أو أني أرحل بعزتي كلي ..

    وشلي بحبيبةٍ تحتاجني لحظات ..
    وباقي الوقت تكتفي بظلي ..!!



    ليتني لاجيت أبكتب ..
    أنسى طيفك لو دقيقة ..
    ليتني لاجيت أحبك ..
    أنسى أني كنت أحبك ..
    وأخترع في الحب
    100 طريقة وطريقة !!



    لا..لا.. تحبسين الصرخة
    في غفلة أحلامي..
    لا.. وش تفيد الصرخة
    في لحظة إعدامي..
    الموت أصبح قدر.. والفرقه أكيدة
    وبالقلب باقي جرح
    للعشق ضامي ...

    ألهث من ورى ظهر القصيدة ..
    وأجري أشرب ظما الخوف
    خوفي عليكِ ..
    خوفِك يزيده..
    وأنتي و أنا نعشق الخوف

    غيرتك تسعدني
    يا كل عمري وهناتي..
    غيرتك تسعدني
    يا أغلى من روحي لذاتي..
    ولو ماهي غيرتك
    مالها معنى حياتي،،،

    لا تسأليني عن اللي جرى أمس ..
    يومٍ ما شفتك فيه .. ما أحسبه من حياتي !!

    تبقين.. أنتي الأمل
    تبقين.. بسمه يحويها الخجل
    تبقين.. لو دمعي أنهمل
    تبقين انتي الأمل
    تبقين فرحي .. وجرحي
    لو ما أندمل
    تبقين أنتي الأمل
    تبقين أنتي بقلبي
    وبقلبي لك دايم محل
    تبقين.. وأنتي الأمل

    أبتدينا بلقا ... وانتهينا بوداع ..
    بسمة شفاتك كانت لقا ..
    ودمعة عيوني صارت وداع ...

    وأقول آيه .. اجرحي .. مجبور أنا جرحك أشيله ..
    مجبور أعيش ودمعتي فعيني ..
    والحسرة تكويني ..
    خسارة ضاع الهوى .. واللي بقى ..
    جرحك .. بقلبي أشيله !!

    في الماضي .. كنت أبي أكبر ..
    بسرعة أكبر ..
    والحين .. كفاية يا عمر تجري
    ...كفاية سبقت الريح

    قالوا وقالوا .. وسمعتهم يقولون أكثر..
    عني وعنك.. دايم كلامهم يكثر..
    قالوا تحبه..
    وقالوا هو بعد أكثر..
    يعشقها موت ..
    وهي عمره وروحه وأكثر..
    وأنا وأنتي بس نطالع
    مابيدنا غير السكوت..
    وقولنا جعلك تموت..
    يالحاسد لك الله هو أقوى منك وأكبر..
    وسمعتهم دايم ..
    عني وعنك كلامهم يكثر..!

    حبيبتي لا تسأليني في غيبتك شلي جرى وصار
    ترى الزمن وقف ..
    وما جادت الأيام بشي جديد !

    ويلي من هواكي ... نساني أنساكي
    حتى أنتي ما نسيتي

    حسبي على من حرمني سماع صوتك ..
    بعد الوصل ياكامل الزين
    مابقى غير المراسيل !!

    منيتي أنعم بهمسك ونبرة حروفك ..
    وكلمة أحبك من فمك ..
    تبري العليل !!

    مساء الحب يالدنيا ...
    وشلونها محبوبتي وياكي !!
    تراها دايماً تشتكي منك ...

    وأشوفك اليوم سعيدة وفرحانه .. يادنيا
    والبسمة تزهاكي !!
    يحق لك .. مادام ... محبوببتي...
    راضية عنك ....
     
  2. السَعيدي

    السَعيدي <font color="#ff0000">¬°•| إداري سابق|•°¬</span></

    سلامة جروحك ...
    ليت جرحك ينزف بدمي ..
    وسلامة أوجاعك ...
    ليت الآه تصرخ بفمي ..
    ياالي الألم حدّر ادموعك ...
    تفداكِ عيني .. وروحي..
    عليكِ أتسمي ..
    ياراس مالي بهاالدنيا..
    حبيبتي .. وطفلتي .. وأمي ..



    ما شاء الله عليك

    فعلا احسنك الاختيار
    اشكرك على اطلاعنا على هذه الكلمات الجميله
     
  3. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬

    شكرا اخوي على الرد الطيب
    وكل هذا يطلع من ابداعاتكم وارائكم
    ان يشاء الله نشوف منك الاحسن في
    منتديا الغالي
     
  4. دبدوبة خصب

    دبدوبة خصب ¬°•| عضــو مــهــم|•°¬

    صح لسانك اخويه الصراحه ابداااااااااااع
    تقبل مروري ,,,
     
  5. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬



    شكرا على مرورج الطيب
    ان شاء الله نشوف منج اليديد في
    منتديا الغالي
     
  6. دانة غزر

    دانة غزر رئيسة المشرفين إداري

    اخوي

    علمني كيف أخونك

    صح لسانك وعظم الله شانك

    وبصراحه الكلمات في غاية الروووعه

    والجمال فسلمت اناملك على هذه الابداع


    وبنتظار كل جديد منك
     
  7. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬





    شكرا اخوي على مرورك الطيب
    ان شاء الله نتواصل معكم بكل يديد في
    منتديا الغالي
     
  8. دلوعه ابوها

    دلوعه ابوها ¬°•| عضو مميز جدا |•°¬

    سلامة جروحك ...
    ليت جرحك ينزف بدمي ..
    وسلامة أوجاعك ...
    ليت الآه تصرخ بفمي ..
    ياالي الألم حدّر ادموعك ...
    تفداكِ عيني .. وروحي..
    عليكِ أتسمي ..
    ياراس مالي بهاالدنيا..
    حبيبتي .. وطفلتي .. وأمي ..

    صح السانك اخوي وتسلم ع الكلمات الجميله
     
  9. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬


    يسلم ردج الطيب
    وتسلمي على الاطلاع المميز
    ان شاء الله نشوف منج اليديد في
    منتديا الغالي
     
  10. ورده جوريه

    ورده جوريه ¬°•| عضــو مــهــم|•°¬

    تسلم ع الاختيار الحلوووو
    الله يعطيك العافيه
     
  11. دايم الشوق

    دايم الشوق ¬°•| مُشرف سابق |•°¬

    اختيار موفق ,,, وانتقاء اكثر من رائع ,,,

    تميز ف الإنتقاء وفي الذوق العالي للخواطر ,,,


    مشرف القسم


    دايم الشوق
     
  12. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬

    شكرا على الردود الطيبه منكم
    ان شاء الله في ميزان حسناتكم
    ان شاء الله نشوف منكم الاحسن في
    منتديا الغالي
     
  13. من لي غيرك

    من لي غيرك ¬°•| عضو مميز |•°¬

    ابــــــــــــــــــــــــــــــــــداع ماشالله ^^


    صح لسانك
     
  14. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬

    صح لسان قايلهااا
    وشكرا على الرد الطيب
    ان شاء الله في ميزان حسناتك
     
  15. الولاء الأبدي

    الولاء الأبدي ¬°•| عضو مبتدى |•°¬

    شكرا جزيلا لك على الخاطرة الجميلة ....
     
  16. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬

    شكرا على الرد الطيب
    وشكرا على تواجدك على صفحتي هذي
    ان شاء الله نشوف منك الاحسن في
    منتديا الغالي
     
  17. الولاء الأبدي

    الولاء الأبدي ¬°•| عضو مبتدى |•°¬

    خاطرة مرة روعة .... وفقك الله ...
     
  18. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬




    شكرا على الرد الطيب
    وشكرا على تواجدك على صفحتي هذي
    ان شاء الله نشوف منك الاحسن في
    منتديا الغالي

     

مشاركة هذه الصفحة