مشكلة السكن وإرتفاع الأجارات في محافظة البريمي والسبب وافدوا دولة الامارات

الموضوع في 'مركز أخبَار وقَضَايَا مُحـَافَظة البـُريمِي' بواسطة سحاب, بتاريخ ‏17 سبتمبر 2008.

  1. سحاب

    سحاب ¬°•| عضو جديد |•°¬

    السلام عليكم ورحمة الله وبركاته

    ماذا نفعل نحن ابناء المحافظة وابناء السلطنة اذا وافدوا( الأجانب) الامارات من العين ودبي يسكنون في البريمي ومستعدون لدفع اي مبلغ للحصول على شقة او بيت ونحن العمانيين نبحث على سكن ولا نجد . لا بل نجد انا اصحاب العقارات يرفعون من قيمة الاجار من 60 ريال لشقة الى 120 ريال وامكن بعد ما يجدد العقد وامكن يخرجك من السكن والسبب هم الوافدون من الامارات والتي تكاد تفوق رواتبهم 1000 ريال . اين نذهب نحن اهل المحافظة الى الشوارع وين المسؤولين وين مجلس الشورى نرجوا من الحكومة الرشيدة التدخل السريع لحل المشكلة ومنع الوافدين الاجانب من السكن في البريمي
     
  2. ذكريات الأمس يا فلان

    ذكريات الأمس يا فلان ¬°•| عضو مبتدى |•°¬

    عفوا اخي فأسلوب طرحك لم يعجبني أبدا...

    في البدايه زيادة عدد السكان بداية خير لنا ...ولكن عملية طردك للوافد من البلد يعني عدم إحتمال المعيشه في ذلك البلد اذا كنت من سكانه..يعني طرد الإقتصاد وإلخ..
    فعلى حسب اعتقادي الذين يعانون من هذه الأززمه التي سوف تحل بإذن الله : العزاب الذين يشتغلون في البريمي وطلبة الكليات ....ونسبه قليله من المواطنون المقبلون على الزواج.
    أما المواطن فيملك بيت ملك والحمد الله ...



    ولا أعتقد أن حكومتنا الرشيده ستجد حلا للمواطن متجاهلة المقيم فيها من الجنسيات الأخرى...
    رغم أن المقيم يملك مرتب أكبر فهو أيضا يسعى للعيش كما أنك تسعى للعيش..


    أتمنى طرح المشكله مع إيجاد حلول مناسبه ترضي الطرفين لها...أو الإكتفاء بطرح المشكله فقط..
    لتصل لمهتمين ...والناس ما تشل بخاطرها علينا نحن أهل البريمي الأوفياء والكرام.


    وبالفعل نطالب الحكومه بدعم اساسات البناء للمواطن الذي يحاول ان يبني مباني خاصه أو تجاريه...وذلك لمصلحة البلد.



    وشكرا لطرحك على هذه النقطه المهمه.
     
  3. السَعيدي

    السَعيدي <font color="#ff0000">¬°•| إداري سابق|•°¬</span></

    اشكرك اخوي على الطرح
    وما اضن السبب الرئيسي لغلا الاجار هو الوافدين

    لان اصلا عدد الوافدين قل بعد وضع القانون الجديد في الحدود تاريخ 15\7\2008م

    ولكن زيادة الكثافه السكانيه في البريمي
    وتوافد الناسمن كل مكان للسكن في المحافظه
    هو اكبر سبب من وجهة نظري

    وكل هذا خير ان شاء الله
     
  4. قلب الأسد

    قلب الأسد ¬°•| عضــو شرف |•°¬

    والله سمعت وش تقولون


    وشفت وعايشت الوضع

    انا الحين اكثر من اسبوعين ادور شقة لي ما محصل

    او حتى بيت شعبي


    والوقت يداركني


    الحين مو مشكلة القيمة ؟؟

    المشكلة وين ؟؟


    وجاري البحث ..

    الحين ما نعرف شو الحلول


    اذا ما حصلت .. بروح العين اسكن ؟؟

    ما شي حل غير هالشيء


    لان فشهر 2 لازم كل شيء عندي مرتب ؟. والوقت يداركنا

    ما بقينا مكان ما دورنا

    ؟؟


    لمنو بنشتكي

    ولو اشتكينا ؟؟

    ما اعتقد حد بيسمعنا او بيوفرلنا سكن

    لان السكنات .. مليانه فالاساس


    بس هناك حل واحد

    تدرون وش هوووووووووووو



    لو يسووون اشاعه فالبريمي ان الحدود العين والبريمي بتقفل

    بتشوفون الكل يشرد


    وبعدين نحجز سكناتنا ع راحتنا وباقل اسعار


    هذا الي نحن عايشينه في محاقظة البريمي


    نتعايش مع الاشاعات

    فلحظة باشاعه يكون السوق تحت

    وباشاعه وشرارة .. يولع السوق باكملة


    اخوكم قلب الاسد
     
  5. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    اولا اشكرك ع الطرح


    وبعدين مب حلوه نطرد الوافدين من ديارنا جيه نحن نسيئ لبلادنا بالعكس لازم نوقف معاهم
    لان اهم مساكين ايون عشان يشتغلون ويكونون عمارهم يعني حرام نشتكي عليهم

    مب حلوه اصلا بحقنا وبعدين مب بسبتهم يغلن الاسعار بالعكس الحين كل دوله تطور وتزيد وتغلى من الاسعار هالشي طبيعي يصير بكل الدول يعني في اراضي وشقق وبيوت
    تستحق الواحد يزيد فيها بالسعر لانها نظيفه يعني مب فكل شي نتهم الوافدين يعني اهم السبب

    لا طبعا انت اتشوف هالوافدين معظمهم مايعطون الاجار كامل لان مايسدهم اصلا يعطون شوي
    حق الاجار والباقي يخلونه حق الاكل والشرب انت لو روحت وشفت عيشتهم كيف قلبك بيعورك
    لان كانوا حذالنا ناس وافدين وربي لو شفتهم بتحزن عليهم يعني الحين ترضى تتطرد الوافدين
    عشان غلن اسعار الشقق واهم مالهم ذنب يمكن الريال اللي يمتلك العماره خسران ويبا
    يعوض خسارته فزاد ع الاسعار
    وع ما اظن انت ماترضى ان احد يسيئ ببلادنا ويقولون عمان تطرد زوارها

    الحين لو انت روحت بلادهم واهم قالوا نفس الرمسه اللي قلتها انت شو بيكون موقفك وانت ورايح لبلادهم وتعتبر لهم انت وافد




    ع العموم يسلمووو ع الطرح يعطيك العافيه ولا تزعل من كلامي هذي وجهة نظري

    والسموحه
     
    آخر تعديل: ‏3 أكتوبر 2008
  6. سفير الحب

    سفير الحب موقوف

    والله هالموضوع اللي مبهذل طلاب الكليات والجامعات ..

    الله يكون فالعون ..
     
  7. قلب الأسد

    قلب الأسد ¬°•| عضــو شرف |•°¬

    ونحنا معاهم متبهذلين
     
  8. سفير الحب

    سفير الحب موقوف

    حلوة هاذي متبهذلين !!!
     
  9. دمتم سالمين

    دمتم سالمين ¬°•| عضو جديد |•°¬

    بصراحة أنا من زمان ادور بيت في البريمي وإلى الحين ما حصلت لا حولة والا قوة وأنا أناشد أهل البريمي يالتكرم الوقوف معي فالرجاء من يعثر على بيت بحدود 25 الف ريال عماني له جزاء الشكر والعرفان وإنا لله وإنا إليه لارجعون
     
  10. قلب الأسد

    قلب الأسد ¬°•| عضــو شرف |•°¬

    كلنا نعاني ونشتكي

    يالله وانا تراني شراتكم


    ادور ع بيت او شقة ..

    وامري لله
     
  11. alkabbi

    alkabbi ¬°•| عضو مبتدى |•°¬

    كل المشكله والمصيبه زياادة عدد سكاان البريمي

    لانه اغلب السلطنه الحينه متجهه الها لانها فالخدمات والراحه تقريبا احسن وارخص واهدى منطقه على مستووى السلطنه

    وهالشي فصالحنا
     
  12. سحاب

    سحاب ¬°•| عضو جديد |•°¬

    ج جزاكم الله خيرا على الردود الصريحة ولاكن المشكلة مازالة مستمره والله المستعان
     
  13. مسؤول الطاقة

    مسؤول الطاقة ¬°•| عضو مبتدى |•°¬

    السلام عليكم
    أنا اتفق ويا أخوي ذكريات الأمس يا فلان
    أن أسلوب الطرح فاشل هذا أولاٌ


    ثانياٌ أخوي لو تفهم في التجارة لكان أدركت أنا زيادة السكان في البريمي شيء أيجابي مب سلبي
    لان كل مازاد السكان كثرة السيولة و بالتالي تتطور البلاد


    ليش يأخي ما نتعلم من جيرانا "دبي" مثلاٌ

    يعطوا الوافد كل الحوافزعشان بس يسكن في دبي
     
  14. زهرالصباح

    زهرالصباح ¬°•| عضو مميز |•°¬

    إذا نحن أهل الدار متطفرين من إللي يسكنون البريمي من مناطق عمان الثانية وبعد الوافدين زادوا الطينة بله لا نروم نسير السوق بسبب سواقتهم المتخلفة ننحبس في بيوتنا في إجازة آخر الأسبوع عشان خاطر أهل الباطنة يبون يتشرون من العين عشان الفشخرة بس شو ما عندكم في منطقتكم أكل ولا لبس أو أسواق إستوينا نخاف نخلي عيالنا يطلعون من البيت نحن في حياتنا ما سمعنا عن جرائم القتل إلا يوم البواطن والوافدين سكنوا البريمي بس خلاص لين متى الكل يقعد يتلزج فينا ترى للصبر حدووووووووووود
     
  15. علي بن سيف الساعدي

    علي بن سيف الساعدي ¬°•| عضو مميز |•°¬

    المشكله اللي صارت انه المستثمرين تركوا بناء البنايه كامله واتجهوا الى بناء المحلات عشان الخلو وارتفاع ايجار المحلات واللي دخلها اعلى من الشقق ومنها فايده اكثر من الشقق

    بعد ما تجهز البنايات اللي بالهيلي يمكن بيظهرون بعض اللي ساكنيين بالبريمي
     
  16. سحاب

    سحاب ¬°•| عضو جديد |•°¬

    هذا الي ما عايبنه الموضوع ما ساكن بأيجار واكيد عنده فلوس والا بحس بمعانات الاخرين . بعدين لا تنسون ان العماني ع قد حاله يعني الراتب قليل والمعيشه غالية . ما نريد نقارن العماني بغيره من الجنسيات . وبعدين انا يوم طرحت الموضوع تكلمت عن الاجانب والوافدين مال دولة الامارات نحن ما يخصنا فيهم هم يتحملون مسؤوليتهم نحن علينا بالي عندنا . هم الي مسوين زحمه عند المداخل الي من دبي والي من العين . لا نقدر نسير نقضي مشاويرنا ولا غيره.
     
  17. سحاب

    سحاب ¬°•| عضو جديد |•°¬


    وعليكم السلام ورحمة الله وبركاته
    ايوه اخوي انا ما افهم في التجارة امكن انته افهم عني او عندك عقارات بس الي اعرفه ان ما نريد نصير مثل دبي لأن فيها فسق وجرائم والحرام عندهم اكثر من الحلال . اقول خلنا نفكر في آخرتنان احسن الدنيا ما بتفيدنا ولا المال
     
    آخر تعديل: ‏1 نوفمبر 2008
  18. قلب الأسد

    قلب الأسد ¬°•| عضــو شرف |•°¬

    قاعد اطالع النقاش

    كل ما انتقل من مرور اقول هذا الصح

    ولكـــــــــــــــــن


    خلونا واقعيين بسنا من الي والي والي

    وناس مستثمرين وناس اتجي وناس اتسير


    خلونا فالواقع


    بطرح لكم عدة اسئلة ؟؟



    1. الحين الواحد يوم يدور شقة وما محصل ؟؟ هذا ايجابية اتسمونه ؟؟ او الاجارات توصل 200 ريال للشقة ؟
    2. الحين خلو الوافدين يسكنون البريمي . .. انزين خلوهم يسكنو وتنتعش التجارة ع قولتكم .. بس ما شفتو السلبيات طغت على الايجابيات ؟؟
    30 % من الناس ربحانه .. والباقي .. طايحة فوق روسنا ؟؟
    3. اوين خلو الاماراتيين يسكنون .. فالبريمي .. ما قلنا لا .. بالعكس هم اخوانا واهلنا .. بس يا ليت لو يعاملونا مثل ما نحن نعاملهم بشفافية ( قصدي واضح )
    4. تعالو فالمحلات التجارية .. وين اول .. وين الحين .. الكل قام يستغل ..لا وبفيدكم بشيء .. الفايده قبل او بعد تراها وحده .. بس الهندي الي يشتغل يريد يعوض تكاليف الاجار .. بارتفاع الاسعار .. يعني المشكلة منا وفينا ؟؟
    5. وفي سبب ما اريد اطرق له .. وهو سبب اساسي .. الحكووووووووووووووووووووووووووووووومة وينها ؟؟


    شوفو .. الخليج من بحر العرب الى خليج عمان .. وقارن فالمستوى الاقتصادي والمعيشي والنفسي الى حد ما .. واترك الاجابة لك اخي القاريء .

    وبالفعل صدق من قال : من الصعب حين يبكي الرجال ... من الصعب حين يبكي الرجال


    اخوكم قلب الاسد
     
  19. عبير الورد

    عبير الورد ¬°•| عضو مميز |•°¬

    بصراحـه أنـا مع الأخـت "شامسيه وافتخر"..

    البريمـي صـارت حـق من هب و دب ..

    والا قبـل البريمي ما فيهـا غيـر أهلـها وبـس !

    أمـا الحيـن ناس ايـون من داخل عمان ومن الإمـارات ..

    وأهل البريمـي الأصلييـن ثـلاث أرباعهـم تحولـو العيـن ..

    صـدق أنهـا غصـه !

    والسمـوحه..
     
  20. بنت شيوخ

    بنت شيوخ ¬°•| بنٺ نآڛ مآ ٺندآڛ|•°¬

    باختصار لو نطرد الوافدين اقتصاد المحافظة بيطيح المشكله ان البريمي

    استوت مصدر جذب للكل ما تم حد ما سكنها كل الاشكال والالوان وللاسف
    انه لهم الاولوية في كل شي واهل البلاد الاصليين رايحين فيها :patch_punnch:
     

مشاركة هذه الصفحة