1. يوسف الكعبي

    يوسف الكعبي ¬°•| شـــاعر|•°¬

    السلام عليكم ورحمة الله


    مشاركة بعد انقطاع عسى ان تنال على إعجابكم



    تلعب علـى الحبلين وش ! خوانه
    ادري وانــا استــغـبى وتتـغـباني

    تلعب بدور العاشـــقه الهيـــمانه
    والعـــب بدور المغــرم الولهاني

    الطـيبه .. والمــؤمنه .. الغلــبانه
    والمنجرح والمنطوي .. الوحداني

    كلما اتصـل قالـت مــعايا فــلانه
    والا بجنب اهلـي و اخـاف اخواني

    والا ردت واشتكت تعبـــــــــانه
    معـــذوره ينطرها الحبيب الثاني

    ما تتصل الا و هـــــي مـــــلانه
    يعني متـــى تحتاجـني .. تلقاني

    وابليس رايـــق واجتـمع بأعوانه
    كم جيــتها رايــق ويا مـحـــلاني

    تبغـي على الـدانه يا لـيلي دانه
    والا على الكاسر او الرحـماني

    تضمي وانا اسقي روحها الضميانه
    واضحك وتضـحك لي ووتفداني

    ما اشوف للغيره احتياج وخانه
    في شـــف من حبيـــته وخلاني

    خليت عيني كنـــــها عمــــيانه
    والضيم لو بحكـي يقص لساني

    لي مثل هذه ما تسـمى انسانه !
    ما تستحق الموقـــف الانساني

    ظنيتها نــبض الـــغلا وشريانه
    لين اشلعت قلبي من الشرياني

    وانا الذي لا من عشق بستانه
    مايزرع الا الـــفل والريحـاني

    واعطيتها وعـد وبنــــى عمدانه
    بأنــــي لها غصبا علــى شيباني

    وغصـــبا علـى واليــها وعربانه
    الا إذا ربــــي .. كــــــلامٍ ثاني

    ما اظن مــن مثلي تقــلل شانه
    واتشمت بجرح الهـوى عــدواني

    واتغيرت .. وآشـوفها بطـــرانه
    وآشوفها يوم اذنبـت تعـــصاني

    تخطي علـــي ما كنها الغلطانه
    وتصـر بالغلــطه وتتحـــــداني

    وآقول صبرج اصــبري يا فلانه
    ان كان ربــي ليومـــها احياني

    انسان مثلي كــان له بأمكانه
    ان يكشف اللعبه ويدين الجاني

    لا غير حكمه شخصي وبرهانه
    ابغي تغص بقسوتي وحقـراني

    بكرا الفضا ما يتســع جنــحانه
    ثم يرتجي قربــــي ويتــرجاني

    مايدري في قلبي انفجر بركانه
    واهتز بضلـــوع الصدر وجداني

    تحسبني الخسران .. يا خسرانه
    بكره تعـرفــي قيمتي بخسراني

    تستنجديـــني واتركج غـــرقانه
    تبكـين لا تخــــلاني لا تخـــلاني

    ثم ابتـسم وآقــــول ياخـــوانه
    مديتــــها مــد النــــظر جنحاني

    ابغـي اشوف بعيـنج الحــــيرانه
    من ذا الذي فينا خسـر له الثاني

    اللي يكيل .. آكيل في ميـــزانه
    وهناك حكــــم العدل والميزاني


    يوسف الكعبي
     
    أعجب بهذه المشاركة المزن
  2. شاعرة الليل

    شاعرة الليل ¬°•| عضو مميز |•°¬

    الشاعر/يوسف الكعبي
    صح السانك ولا هنت
    ﺷﻬﺎﺩﺗﻲ ﺑﻚ ﻣﺠﺮﻭﺣﻪ
    ﻳﻌﻄﻴﻚ ﺍﻟﻌﺎﻓﻴﻪ ﺩﻣﺖ ﻣﺒﺪﻋﺎً
    ﺗﺤﻴﺎﺗﻲ ﻟﻚ__________________
     
  3. miss 6air

    miss 6air ¬°•|مُشِرفَة سَابقة |•°¬


    هالله هالله ي الشـاعر

    آمرره قصصيده عجيبه وبياض الويـه

    وعلى طولهآ مآ مليت قرائتهآ ،

    صح لسانكـ ونتريا الزود أستاذي ،

    وتستآاهـل التقييمـ . .

    ودي / الطـير
     
  4. miss 6air

    miss 6air ¬°•|مُشِرفَة سَابقة |•°¬

    يختمـ بختمـ التمـيز ،
     
  5. ˇعنودْھَہ ♡

    ˇعنودْھَہ ♡ ¬°•| مشرفة الِضِيافَة والترحٌيبْ |•°¬

    بسم الله الرحمن الرحيم
    السلام عليكم ورحمه الله وبركاته
    ،
    اللي يكيل .. آكيل في ميـــزانه
    وهناك حكــــم العدل والميزاني


    ابيآت رآئعه جداً جداً
    صح لسانك آخي الكعبي
    ،
    يعطيك العافيه
    ودي
     
  6. ميروه

    ميروه ¬°•| عضو فعّال |•°¬

    .. يوسف الكعبي ..

    قلمك ينزف بالحزن.. أعجبني بوحك..
    نقشك للكلمات والحروف..
    أبدعت ..

    الطـيبه .. والمــؤمنه .. الغلــبانه
    والمنجرح والمنطوي .. الوحداني


    أستخدامك للكلمات المتضادة رائع جدا..
    أترقب كل ما هو جديد
     
  7. أمير ورد

    أمير ورد ¬°•| مشرف سابق |•°¬

    الكلمات تقف احتراماً وإجلالاً لما كتبت ...

    وبنفس خجوله في التعبير عما طرحت

    الشهادة بالفعل مجروحة ..... والقصيدة راااائعة جداً

    الله يعطيك العافية .... واتمنى لك التوفيق والنجاح الدائمين ...

    الشكر الجزيل لماطرحت
     
  8. بنت المقابيل

    بنت المقابيل ¬°•| مشرفة سابقة |•°¬

    مب غريب عليك الإبداع أخوي يوسف

    دايمااا متميز بأبياتك الجميلة

    لا هنت ولا هان منطوقك الطيب
     
  9. عمـر الكعـــبي

    عمـر الكعـــبي ¬°•| عضو مبتدى |•°¬

    صح لسااااانك شاعرنااا الغالي

    مبدع ومافيك حيله والشعر يفخر بك شاعرنااا

    وقصيده في منتهى الروعه والأبداااع

    مااا فيك حيله وبيض الله وجهك وننتظر جديدك بفارغ الصبر
    تحياتي وتقديري
     
  10. اقصى الشرق

    اقصى الشرق ¬°•| عضو مميز جدا |•°¬

    صح لسانك

    ما عليك زود
     
  11. المزن

    المزن ¬°•| مشرفة الأُسرَة و الطفل |•°¬

    صح لسانك يا مبدع ما شاء الله
    رائع والقصيدة مميزة
    القافية المختارة جميلة
    وماعليك قصور
    ودي ~
     
  12. بن الريان @

    بن الريان @ ¬°•| عضــو شرف |•°¬


    اللي يكيل .. آكيل في ميـــزانه
    وهناك حكــــم العدل والميزاني
    -----------------------------------------

    دور خفى الهوجاس من بلدانه
    تهاوت نيازك من السماء ميداني
    الشاعر القدير بصمه رائعه من بتوقة حرفك الذي نثر فالكل هتف لك وصفق بما وجدت الى الأمام ولا تبخل علينا وتغيب أخوك بو فارس
     
  13. ينزف خفوقي من سبايب سهامك

    ينزف خفوقي من سبايب سهامك ¬°•| عضو فعّال |•°¬

    إبداااااااااااااااع ماشاء الله عليك
    جصيده مثيره بصراحه قمه
    وكلماتك صابت جروحن ف القلب سبايب ناس خوانه
    انتظر اليديد وبتوفيج
     

مشاركة هذه الصفحة