رسالة الى سيادة الرئيس

الموضوع في ',, البُريمِي لِـ/ للشٌعرٍوالْقصِيْد,,' بواسطة جمال نصير, بتاريخ ‏3 فبراير 2013.

  1. جمال نصير

    جمال نصير ¬°•| عضــو شرف |•°¬


    رسالة الى سيادة الرئيس
    يا سيادة الرئيس ...
    يا زعيم ...
    إنت طيب ...
    بس مصر – اللحظة دية- عايزه واحد .. مش رحيم
    عايزة واحد بس راضع.... دم امه
    حد واكل لحم جسمه
    كل حته ف - البلاد دى - جوا دمه
    وال عدى .. وال صاير.. وال جى – يبقى همه
    عيزه قاسى .. ف الصميم
    حد يقطع فى الطغاه
    حد يعصف بالجناه
    حد يبنى بإيد ...وتانية ع السلاح
    حد يمسح ف الجراح
    ******
    انت حالم...
    بس شعبك – بعض شعبك-
    عايزه واحد مش حليم
    يا زعيم ..
    مصر عايزه – بعد ثورة-
    عايزه حد يكون لئيم
    ريح وتعصف بالهشيم ...
    بالجدور السارحة تغرز فى الجحيم
    بس انت ... كالنسيم...
    ******
    يا زعيم ..
    الرياسة مش خنوع
    والقيادة مش خضوع
    الرياسة والقيادة عايزه قلب يعيش ف عالم ....
    تانى ... اكبر م الضلوع
    قلب نابض ... بالصرامة
    بالجراءة والخشوع
    الليالى السودة طالت.. راح تفيدها ايه ... شموع
    والهموم النايحة صالت...راح يفيدها ايه ... دموع
    والطيور الجارحة حامت..
    ف الحوارى .. والمزارع.. والمصانع .. والنجوع
    مين يصيدها .. يا زعيمنا.. الا ماهر
    مين يصيدها ... الا شاطر
    مين يرجع فرح امة .. الا طاهر
    ******
    يا سيادة الرئيس ....يا زعيم..
    إنت مركب وسط بحر
    بس موج البحر عالى .. وانت سهل
    وال سهل عايزله نهر
    بس مصر..!!
    لو ناسيها... بس إسأل قول يا دهر...
    راح يقولك كل حاجة..
    لو ما ردش .. قول يا قهر
    حد شاف ف الدنيا دية .. قد مصر
    انت عاقل.. بس قابلك سابوا تركة م الهموم
    لو توزع .. يوم بيوم
    تكفى عمر...
    سابوا تركه عليك كبيرة
    خلطة ممزوجة بإيد شيطان مريرة
    والحكيم ايه راح يفيده... لو يجادل وسط جهل
    ******
    يا زعيم .. انت عاقل ..
    والحكيم وسط الديابة.. ايه هيسمع
    لو ف ايده الف حكمة .. مش هتنفع
    الديابة عايزه سبع ..
    الديابة عايزه مدفع ..
    لما تسمع صوت أسودها.. لحظة تخلع..
    بس انت .. مش هقولك .. أصل تزعل
    ولا اقولك .. ايه هيمنع
    انت طيب..... بس طيبتك.. مش هتردع
    ******
    يات زعيم...
    انت شعبك ال جابك
    إنت كل الشعب حِسبة .. من حسابك
    انت ملك الكل ... ما نتش ملك اهل
    والطريق الصعب يبدا خطوة صعب
    ثم خطوة .. ثم يبدا ... كله سهل
    يبقى ليه الخوف فى عينك
    يبقى ليه الرعشة باينة فوق جبينك
    يبقى ليه الرعب واضح.. بين قرارك
    انت طيب ... بس طيب دى لحالك
    اما احنا ... ايوا احنا..
    احنا أكبر من خيالك
    احنا اكتر من كيانك
    ******
    يا زعيم ..
    الرياسة مش يا دوب حبة كياسة
    مش يادوب حبة سياسة
    الرياسة عايزة قوة
    عايزة سُلطة
    عايزة قلب يشد بكرة للنهاردة
    عايزة عقل يخش قلب الضلمة يخلق.. الف شمعة
    عايزة فكر يلم نور الشمس .. ثوب
    عايزه غنوة فى القلوب
    عايزة مشرط .. بين ايدين جراح محنك
    عايزة مدفع يبقى جنبك
    طلقة تقتل بيها واحد من عدوك
    طلقة تحمى بيها ارضك
    تحمى شعبك
    تبنى بيها مجد (مصرك)
    ******
    جمال نصير فى 3/2/2013

     
  2. شاعرة الليل

    شاعرة الليل ¬°•| عضو مميز |•°¬

    الشاعر/جمال النصير
    صح لسانك
    ولا غريب علينا تميزك
    ﺷﻬﺎﺩﺗﻲ ﺑﻚ ﻣﺠﺮﻭﺣﻪ
    ﻳﻌﻄﻴﻚ ﺍﻟﻌﺎﻓﻴة
     
  3. جمال نصير

    جمال نصير ¬°•| عضــو شرف |•°¬

    سويقاويه عز.. تشريفك لى يسعدنى .. بارك الله فيك
     
  4. miss 6air

    miss 6air ¬°•|مُشِرفَة سَابقة |•°¬

    أستاذ / جمال نصير ،

    كلماتكـ جميلة ومن رأيي الخاص الرئيس أحمد مرسي أدهآ ان ششاء الله

    تستحق التقييمـ . .
     
  5. جمال نصير

    جمال نصير ¬°•| عضــو شرف |•°¬

    يا سلام .. دا انت تعرفى كمان الرئيس محمد مرسى .. جميل يا طير .. شكرا لك
     
  6. [ود]

    [ود] ¬| رُوحٌ مُحلِّقَة بَين أسْرآبِ الأمَل ✿ ،

    ساسية هذه المرة .. جميل جدا أستاذي
    لابد من قبضة حديدية حتى تعود الامور لأفضل مما كانت
    رؤوس الفتنة تلوح هنا وهناك ..
    نحبها أم الدنيا و دعواتنا أن يعود الازدهار و الرخاء
     
  7. دقات قلب

    دقات قلب ¬°•| عضو فعّال |•°¬

    يعطيك العافية كلمات جميله
    الله يحفظ كل ديار المسلمين
     
  8. جمال نصير

    جمال نصير ¬°•| عضــو شرف |•°¬

    ود.. حقيقة أعجبنى جدا ردك فهو ينم عن سياسية تدرك واقعها برؤية مستنيرة .. وياليتنا نستمع لنصيحتك تلك كى يلتئم الجراح ببلدنا مصر .. شكرا لك
     
  9. جمال نصير

    جمال نصير ¬°•| عضــو شرف |•°¬

    دقات قلب .. مشكور مرورك ويعطيك ربنا كل خير وامن وامان لك ولجميع المسلمين
     

مشاركة هذه الصفحة