قرنقشوه فرحة الأطفال وذكريات الكبار

الموضوع في ',, البُريمِي للتُراثِ والحَضارات ,,' بواسطة دندونة البريمي, بتاريخ ‏15 سبتمبر 2008.

  1. دندونة البريمي

    دندونة البريمي ¬°•| مُشرفَة سابقة|•°¬

    هلا حبيت نذكر ايام الطفوله لما كنا
    مال قرنقشوه تتذكروها
    بس انا جاليى ارح بس مره وحده
    عاد نريد ردودكم الحلوه
    :patch_lov:


    قرنقشوه يوناس
    عطونا شوية حلواي
    دوس دوس في المندوس
    حاره حاره في السحاره

    :patch_lov:


    قرنقشوه ليلة ينتظرها الأطفال ويستعيد فيها الكبار ذكرياتهم الجميلة
    يحتفل بالقرنقشوه في دول الخليج العربي في منتصف شعبان أو رمضان
    ولكن تختلف في مسمياتها وفعالياتها والأناشيد التي يرددها الأطفال من دولة إلى أخرى.

    قرنقشوه أو القرقشان هو مسمى يستخدمه أهل سلطنة عمان غالبا...
    بينما يطلق عليه أهل الأمارات والكويت والقطر القرقعان وهناك مسميات أخرى مثل : الناصفة , حق الليلة و الكريكشون ...الخ





    في هذه الليلة يخرج اطفال الحارة في مجموعات بعد صلاة المغرب
    ويطرقون على البيوت لجمع القرنقشوه وهو دائما يكون عبارة عن حلويات
    و مكسرات أو دراهم وخمسينات ..يعطيها لهم أهالي البيت..



    وغالبا ما يردد الأطفال الأناشيد ...فقي سلطنة عمان يردد الأطفال




    قرنقشوه يوناس
    عطونا شوية حلواي
    دوس دوس في المندوس
    حاره حاره في السحاره

    واذا لم يحصل الاطفال على القرنقشوه
    يرددون
    قدام بيتكم صينيه
    ورا بيتكم جنيه
    ....*

    في الامارات
    يردد الاطفال في ليلة منتصف شعبان
    وتسمى هذه الليله في الامارات
    من حق الليله

    عطونا الله يعطيك مبيت مكه يوديكم
    عطونا من حق الله ولا بنذبح عبدالله
    عطونا من حق هالليله ولا بنذبح العجيله . . . الخ

    ........

    اما في قطر فيردد الاطفال

    قرنقعوه قرقاعوه
    عطونا الله يعطيكم
    بيت مكه يوديكم
    يوديكم لأهليكم
    يامكه يالمعموره
    يا أم السلاسل والذهب يانوره
    عطونا دحبة ميزان يسلم لكم عزيزان
    عطونا دحبة ليفه يسلم لكم خليفه .... الخ

    ........*

    ويردد الاطفال في المملكه العربيه السعوديه
    قرقع قرقع قرقيعان
    ام قصير ورمضان
    عطونا الله يعطيكم
    بيت مكه يوديكم
    يوديكم لأهاليكم
    ويلحفكم بالجاعد
    عن المطر والراعد .... الخ

    ........

    ويردد الاطفال في دولة الكويت
    قرقيعان وقرقيعان بين قصير ورميضان
    عادت عليكم صيام كل سنه وكل عام
    سلم ولدهم يالله خله لأمه يا الله
    عسى البقعه ما تخمه ولا توازي على امه
    عطونا الله يعطيكم بيت مكه يوديكم .... الخ

    :patch_lov: :patch_lov:



    كل عام وانتوا بخير ...والله يديم علينا الأفراح والمسرات
    وأن شاء الله ما نفرض بهذه العادات التي تعكس حضارتنا
    وتراثنا الخليجي الأصيل ...
    :patch_lov:
    اتمني لكم صوما مقبولا وافطارا شهيا الله معاكموبالتوفيق للجميع
     
  2. دندونة البريمي

    دندونة البريمي ¬°•| مُشرفَة سابقة|•°¬

    امممممممممم بصراحه فجعلان مانسوووووووويها بس فصووور تستوي وانتوا تستوي وياكم؟
     
  3. منوة الروح

    منوة الروح ¬°•| مراقبة عامه سابقه |•°¬

    اليوم ^_^

    هيه نحن نسويها
     
    آخر تعديل: ‏15 سبتمبر 2008
  4. دندونة البريمي

    دندونة البريمي ¬°•| مُشرفَة سابقة|•°¬

    مناااااااااااااوي بتروحي تسويها خخخخخخخ
     
  5. منوة الروح

    منوة الروح ¬°•| مراقبة عامه سابقه |•°¬

    هههههههه لا مب انا
    اليهال

    بس عاده حلووة اليهالو يستانسون ^_^

    وانا اكل حلاوة بس هههه
     
  6. كيـِـآטּ

    كيـِـآטּ ¬°•| مشرفة سابقة|•°¬

    حلو هاليوم.... اليهال يحرقون الجرس.....

    بس عسب الحلويات.... تسلمين غاليتي على الموضوع
     
  7. دبدوبة خصب

    دبدوبة خصب ¬°•| عضــو مــهــم|•°¬

    القرقيعان مال اول مب الحينه اليهال يتشرطون بعد ههههههههه
     
  8. (الكعبي)

    (الكعبي) ¬°•| مُِشْرٍفَ سابق|•°¬

    وحليلهم اليهااااااااااااال
    ذكرتونا أيااااااااام أول
     
  9. جروحــ دفينه ــي

    جروحــ دفينه ــي ¬°•| مٌشرِفة سابقة |•°¬

    اممممممممم

    احلى شي الحلاوه
     
  10. دندونة البريمي

    دندونة البريمي ¬°•| مُشرفَة سابقة|•°¬

    يسلمووووووااااااا عالمرووووووووووور
     
  11. السَعيدي

    السَعيدي <font color="#ff0000">¬°•| إداري سابق|•°¬</span></

    ههههههههههههه

    والله ايام كانت

    بس انا الصراحه ما كنت اسويها

    استحي
    هع هع
     
  12. omani hack

    omani hack ¬°•| عضــو شرف |•°¬

    انا في حياتي مامرت عليه هالسالفه اذكر مره زمان زمان وشاشة الذكريات مشوشه بعد في مجمع الحارثي في مسقط هههههههه

    شكرا لطرحج الموضوع اختي

    تقبلي مروري
     
  13. دندونة البريمي

    دندونة البريمي ¬°•| مُشرفَة سابقة|•°¬

    شو رايكم نسويها هنيه
    بس خسارة طاف يوومها
    قرنقشووه يو نااس ههههههههه
     
  14. بنت البريمي

    بنت البريمي ¬°•| استغفر الله |•°¬

    هههههههههه ..

    تصدقون طوووووووول ما نسويها لا قبل ولا الحين ....خخخخخخخ

    تسلمين خيتو عالطرح المميز ..
     
  15. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    :patch_sal:


    حتى نحن ، بس من Tv نعرفهاااااا
     

مشاركة هذه الصفحة