ســـــالـــفـــة نـــــورهـ

الموضوع في ',, البُريمِي لـ القَصائد المنقولة' بواسطة مردك لي, بتاريخ ‏22 يناير 2013.

  1. مردك لي

    مردك لي ¬°•| عضو مثالي |•°¬

    سوالف ربعي البارح شي ن شدني فيها -
    وخلا مارد إلهامي يسجل عندي حضوره -
    جابوا سالفة نوره ف قصه وقلت أبرويها -
    ف صف الثانوي تدرس كما هي عاد مذكوره -
    حكت عنها زميلتها وقالت حق آخيها -
    هناك بنيه بصفي شكلها حيل مغروره -
    فآخر صفنا تجلس ولا حدن يضاهيها -
    دايم تطلع الأولى وع بالي البنت هاموره-
    لكنا نطلع الفسحه وبيت الراحه يأويها -
    قلنا يوم أو يومين ثلاث أيام معذوره -
    ولكن ع الوضع دايم من أولها لتاليها -
    وإحنا نشتري وناكل ونعمل مع بعض هوره -
    بصراحه الشك من يدخل قلوب الناس يعميها -
    ويجعل كل أبونادم يخرج عاد عن طوره -
    بلغنا مديرتنا تشوف البنت وش فيها -
    تبعتها ولا سمعت خرير الماي له دوره -
    دق الجرس طلعت دخلنا وجت تناديها -
    فلانه شفيك !! ميهوده !! تبي تزورين دكتوره ؟
    قالت لا يا أستاذه ! مابي عله وأشكيها -
    لكن عادها دموعي وهي ع الخد منثوره -
    ما ابي حد يلمحني وأنا أهل بعباريها -
    أخجل من زميلاتي وأنا ماني بمضروره -
    وأنا عيني بصيره بس مثلي مقصر يديها -
    ومابي ف عين زميلاتي أهز لوالدي صوره -
    كثر خيرها الدنيا ماجت كيف يبغيها -
    مو ذنبه الحظوظ إن جات ع دربه تطيح معثوره -
    ومو ذنبه أجي أمشي وغيري من يوديها -
    ومو ذنبه بعد نسكن ف حاره شبه مهجوره -
    مو ذنبه وأنا تعودت على الدنيا ومآسيها -
    وياريتك بس يا أستاذه تعرفي القلب ش شعوره -
    إذا غرت فقط دمعه ف عين أمك وشفتيها -
    وأنا دمعة أبو تطيح قدامي بلا شوره -
    هنا تبكي مديرتها وبكوا كل الحواليها -
    خذتها بالحضن قالت أنا بهالبنت مبهوره -
    وأنا كل م اكتب الكلمه تهل دمعه وتمحيها -
    وأردد لعنبو ذاك الفقر وش جابه لنوره -
    ترا كل الشرف ناله ف ذاك الصف كرسيها -
    وشنطة عامها الماضي أم سيور مبتوره -
    وتنورة إختها الكبرى وشيلتها وجوتيها -
    وعبايتها بعد كانت بخيط اليد مقصوره -
    نرى ضحكة عيون الناس ولا ندري بخافيها -
    تبان بسمح المحيا مير النفس مكسوره -
    من العفه ليا تقبل تحسب العز مكسيها -
    وهو ف الواقع الجوهر يعاكس باطن الصوره -
    إذا حط الفقر نابه وش اللي منه يحميها -
    تعزي حالها بالصبر واهي تموت مقهوره -
    سلام الله على نوره وسلام الله ع طاريها -
    وسلام الله على وقت ن تعش بظل دستوره -
    كذا كانت حكايتها ونقصني بس أسميها -
    وعادة شاعر ن مثلي يهمه رأي جمهوره -
    إذا جينا نعنونها !! قولوا !! وش نسميها ؟
    بسيطه !! إفتحوا قوسين وحطوا (سالفة نوره)
     
  2. إحسآإسي غير

    إحسآإسي غير ¬°•|مشرفة طٌـلبـِة الْـمٌداِرًسَ |•°¬

    قق3الله يعين الي حالته مثل حالة نوره و يصبرهم و بصراحه نوره بنت يفتخروبها الاهل .. :004:

    يسلمو ع الطرح ::s17::
     
  3. مردك لي

    مردك لي ¬°•| عضو مثالي |•°¬

    ربي يسلمج من غذابه


    والله يعين جيمع امة محمد
     
  4. وحداني ذق

    وحداني ذق ¬°•| عضو مميز |•°¬

    ماأجمل تلك المشاعر التي

    خطها لنا قلمكِ الجميل هنا

    لقد كتبتِ وابدعتِ

    كم كانت كلماتكِ رائعه في معانيها

    دائمآ في صعود للقمه

    onion head18
     
  5. شاعرة الليل

    شاعرة الليل ¬°•| عضو مميز |•°¬

    الاخ الشاعر..مردك لي
    ﺻﺢ ﻟﺴﺎﻧﻚ ﻭﺳﻠﻢ ﻓﻜﺮﻙ ﻭﺑﻨﺎﻧﻚ

    ﻗﺼﻴﺪﺓ ﺟﺰﻟﺔ ﻣﻦ ﺟﺰﻝ ﻛﻠﻬﺎ ﺣﻜﻢ ﻭﺑﻌﺪ ﻧﻈﺮ

    ﺳﺠﻞ ﺍﻋﺠﺎﺑﻲ ﺑﺤﺮﻓﻚ ﺍﻟﺮﺍﻗﻲ

    ﻟﻚ ﺟﻞ ﺍﻟﺘﺤﺎﻳﺎ ﻭﺍﻟﻤﻮﺩﺓ..
     
  6. مردك لي

    مردك لي ¬°•| عضو مثالي |•°¬

    تسلمووون ع هالمرور
    ربي لا هانكم
    الابداع هوه مروركم ع المواضيع
     

مشاركة هذه الصفحة