{ ألوْ (عبَدِ آلله) .. مـْمـْڪَن أشـآرْڪَ ؟ [ نقـآش ]

الموضوع في ',, البُريمِي للِحِوار و النقَاشْ ,,' بواسطة قطوة البريمي, بتاريخ ‏14 سبتمبر 2008.

  1. قطوة البريمي

    قطوة البريمي ¬°•| مُشرِفَة سابقة |•°¬

    ..,|[ السُلام عليكم ورحمهـ اللٌهـ وبركاتهـ ]|,..

    [​IMG]
    .

    .

    (..مرحبااا السااااع..)

    حي اللهـ من يانا..

    كح / كح

    .


    .

    [​IMG]
    .



    المتصـلة : ألو عبد الله ..شحالك عبد الله .. علومك عبد الله .. شو مسوي عبد الله ..
    عبد الله اقولك .. عبد الله شو موضـوع حلقة اليوم ؟

    المذيـع : الموضوع هو : إذا كـآن لديك فرصة واحدة فقط لالتقاط آخر صورة في الحياة .. فكيف ستكون الصورة او أين أو مع من .؟
    المتصلة : امم .. باخذ نظـآرتك عبد الله وبتصور .. ( وتطلق ضحكة شنيعة ) .. انزين عادي اخذ نظـآرتك ؟
    المذيـع : (حليله توهـق .. ) امم عادي ختيه ..
    المتصلة : خلاص عيل متى اييك واخذهـآ ؟
    المذيـع : ( باستغراب ) لا لا انا يخصني .. المهم ختيه الف شكر ع الاتصـآل .
    المتصلة : عبد الله تريـآ .. انته ليش تتعامل جي مع الجنس الناعم ..؟
    المذيـع : نعم ؟ كيف يعني ؟
    المتصلة : لا يعني مب شرات الريـآييل تسولف ويانا وجي ( هاللي ناقص ) ..المذيـع : لاختيه ماشي فرق
    المتصلة : عبد الله انزين بسألك .. انته ليش تلبس نظـآرة ( الله يخس بليسها ع هالسوال العبيط ) المذيـع : ( يبا يصرفهـآ باي شكل ) .. أنا أحول .. فيني احولال .. يعني أشلق
    المتصلة : اويه .. انزين هذا وراثة ؟ ولا من شو فيك ( تبا تطول الاتصال باي شكل )المذيـع : لالا بسم الله عليه هذا مجرد ضعف نظر بسيط بدرجة نص .. من الكمبيوتر .. بعد في شي ثاني ختيه ؟
    المتصلة : متاكد من الكمبيوتر ولا شي ثـآآآنيييي ( وتمـد اليـآء )المذيـع : مع السلامة ختيه ( وجـآن يقطعوون الاتصـآل )



    هـذا اللي سمعـته أمس على إحدى إذاعـآت الراديـو .. مـن إحدى المتصـلات .. في برنـآمج يقدمـه مذيـع راقـي في تقديمـه و أسلوبـه و البرنـآمج يتحدث عن موضوع معين يتغير كل يوم .. و يتصلون الريـآييل يكلمونه يتخبرون عن حاله و يسولفون فبعض الامور بشكل ممتع ويدخل البهجة في خاطر المستمع ..

    .

    .

    ( البنـآت .. )بس نتنـآول الفئة اللي صدر منهـآ الموقف اللي فوق : ( بعـض ) البنات يتصلن اتصالات اقل مايقال عنهـآ سخيفـة .. وحدة تقوله شخبارك انا معجبة فيك والثانية تساله عن امور مالهـآ داعي والثالثة اتم عالقة فيه ويبا يصرفهـآ بس ما يعرف كيف و طبعـآ هذا النوع الاخير طريقة التخلص الوحيدة منه تكون بقطع الاتصـآل !

    و طبعـآ .. يشمل ذلك تمييع الصووت .. و غيره من هالخرابيط ..
    انزين ليش كل هـذآ ؟
    ابا افهـم ليش يتصلن اتصالات مالها هدف .. مجرد مضيعـة وقت وسخـآفة !

    .

    .

    البرنـآمج راقـي .. و مسوينه عشـآن يتواصل المستمع بفكرة مفيدة او كلمة طيبة او اهـداء ..
    بس للاسف مثل هالاشكال اللي تطرقنـآ بذكرهـآ تضيّع الوقت و اتييب العلّة للمذيـع والمستمـع !
    .

    .


    الفكرة هـنـآ :

    × هـل أنت مؤيد لاتصـآل البنـآت في البرامج الاذاعية بدون تقديم شيء يفيد أو يثري النقاشات ؟
    × مآهو السبب في رأيك وراء اتصـآل هالبنات اللي ( ماعندهـن سالفة ) ؟ هل لجذب انتباه مذيع ولا مستمع مثلا ؟
    × وشو برايك الحـل للقضـآء على هالسخافة ؟
    × و اخيـرا .. اي شي فخـآطرك تبـآ تقوله عن هالموضوع .. تفضّل هنـآ :


    .

    .

    ملاحظة :
    [ أنا ذكرت المثال ف الاعـلى .. فقط لتضميـن دليل .. و لكن الموضوع هنـآ يتناول فكرة اتصال البنات ف اي اذاعة كانت و مب شرط تلك الاذاعة بالذات ]:patch_music:
     
  2. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    × هـل أنت مؤيد لاتصـآل البنـآت في البرامج الاذاعية بدون تقديم شيء يفيد أو يثري النقاشات ؟

    سواء للبنت أو الولد اللي ماعنده شي مفيد لايتصل يتم ع الزاويه احسله ويستمع لان ماله معنى لاتصالهم السخيف

    × مآهو السبب في رأيك وراء اتصـآل هالبنات اللي ( ماعندهـن سالفة ) ؟ هل لجذب انتباه مذيع ولا مستمع مثلا ؟

    لجذب الانتباه طبعا وللمياعه مافي رقيب و لا حسيب عندهم .. استهبال استعباط عقل اصغر من النمله تفاهه ماعندهـن شي مفيد أو هـادف
    مجرد حزمـة من التفـاهـات نرشهم بف باف احسن عشان نقضي عليهم خخخخخخخ



    × وشو برايك الحـل للقضـآء على هالسخافة ؟


    السخافه هاي اذا بتخلي الشخص يوقف عند حده هو المذيع يكون جدي ويكون شوي شديد واظن لو يستخف المذيع لازم يستخفن البنات بعد
    بس البنات اهم اللي يغيرون من طبعهم مثل ماقال الله عزو وجل فكتابه :
    [ ان الله لا يغير ما بقوم حتى يغيروا ما بانفسهم ]
    يعني لازم التغيير يكون من عندهم
    نحن كل الي نقدر عليه انا ما نعطيهم المجال للتمادي



    × و اخيـرا .. اي شي فخـآطرك تبـآ تقوله عن هالموضوع .. تفضّل هنـآ :



    احب اشكـرج ع طرحج الموضوع
    وللاسف شو مانناقش و نقـول .... العالم ما يتغير لو بطلعت الروح
     
  3. الربيعي

    الربيعي ¬°•| مشرف سابق|•°¬

    البنت من تسوي ها الحركات تضع من شخصيتها وتكون بلا حياء !!


    والمرأة جمالها في حياءها فإذا لم تخجل الفتاة من مثل هاي الحركات فلا جمال لها ولا أنوثة !


    تكون قد باعت شيئا ثمينا تملكة الفتاة بيدها ألا وهي انوثتها وحياءها وهن جوهرتان ثمينتان

    يجب على الفتاة بأن لا ظهر جوهرتها لكل من هب ودب فتجعل من نفسها عرضة لضعيفي النفوس

    وما أكثرهم في زماننا ، وللأسف الشديد تكون الفتاة هي من جنت على نفسها بنفسها !!

    إذا لم تصن نفسها ، فتندم حين ولاّت مندم !!

    فالنعف جميعا رجالاً ونساءً ، لينشأ جيل راقٍ عفيف طاهر


    لا جيل الميوعة والمجون العري والفسق والعياذ بالله


    يسلمووو ع المضوع المهم
     
  4. احلى حنين

    احلى حنين ¬°•| عضو فعّال |•°¬

    × هـل أنت مؤيد لاتصـآل البنـآت في البرامج الاذاعية بدون تقديم شيء يفيد أو يثري النقاشات ؟

    لا,, لان يمكن يكونوا اشخاص في انتظار الاتصال لشي مفيد ..
    × مآهو السبب في رأيك وراء اتصـآل هالبنات اللي ( ماعندهـن سالفة ) ؟ هل لجذب انتباه مذيع ولا مستمع مثلا ؟
    لجذب انتباه المستمعين..× وشو برايك الحـل للقضـآء على هالسخافة ؟
    انا افضل فصل الاتصال بسرعة

    × و اخيـرا .. اي شي فخـآطرك تبـآ تقوله عن هالموضوع .. تفضّل هنـآ :

    موضوع حلو وطرح اكثر من رائع
    مشكورة اختي ..
     
  5. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    × هـل أنت مؤيد لاتصـآل البنـآت في البرامج الاذاعية بدون تقديم شيء يفيد أو يثري النقاشات ؟


    طبعا لا ،،


    × مآهو السبب في رأيك وراء اتصـآل هالبنات اللي ( ماعندهـن سالفة ) ؟ هل لجذب انتباه مذيع ولا مستمع مثلا ؟

    الاثنين معــــــــــــــــا ،،


    × وشو برايك الحـل للقضـآء على هالسخافة ؟

    ما شيء حل غير ان الاهل يراقبون عيالهم !!!!!!
     
  6. قطوة البريمي

    قطوة البريمي ¬°•| مُشرِفَة سابقة |•°¬

    اشكركم ع ارائكم وردودكم الكووول
     
  7. الكعبية

    الكعبية ¬°•| مراقبة سابقة |•°¬

    × هـل أنت مؤيد لاتصـآل البنـآت في البرامج الاذاعية بدون تقديم شيء يفيد أو يثري النقاشات ؟

    لااااااا أويد وبشده اذا كان الاتصال عشان الدردشه والسوالف

    × مآهو السبب في رأيك وراء اتصـآل هالبنات اللي ( ماعندهـن سالفة ) ؟ هل لجذب انتباه مذيع ولا مستمع مثلا ؟

    طبعن جذب انتباه المدذيع والمستمعين

    × وشو برايك الحـل للقضـآء على هالسخافة ؟

    امممممم اول ما يرن التيلفون ويسمعون صوت بنيه يسكرووونه ههههه

    × و اخيـرا .. اي شي فخـآطرك تبـآ تقوله عن هالموضوع .. تفضّل هنـآ :

    كل بنيه تحط عقلها فراسها بسسسسس

    والسموحه
     
  8. خافق احساس

    خافق احساس الفرَيق الإدِاري إداري

    الموضووع خشخة وداخل مزااجي ^^

    ربي يحفظكمــ،، مرور

    و لنا باااكــ،،

    و السموحة

    !!
     
  9. قطوة البريمي

    قطوة البريمي ¬°•| مُشرِفَة سابقة |•°¬

    فراولة شقيه .. صدقتي انه المذيع هو الي يقدر يمنع هالاتصالات البايخه...

    الربيعي ..
    كلامك ما علي رمسه فكل كلمة قلتهاا..

    احلى حنين .. أفضل حل قلتيه ولله لووووووول

    كبريا... بس الاهل مابيراقبون عيالهم فكل مكالمه ...

    الكعبيه .. حشى هب حل عاد يسكرونه اول ما يسنعون صوت بنية هههههههه

    خافق احساس .. نترياا رايج هنيه
     
  10. بنت البريمي

    بنت البريمي ¬°•| استغفر الله |•°¬

    × هـل أنت مؤيد لاتصـآل البنـآت في البرامج الاذاعية بدون تقديم شيء يفيد أو يثري النقاشات ؟
    لا أكيد ما أؤيد هالشيء .. لانه سخافة ..
    × مآهو السبب في رأيك وراء اتصـآل هالبنات اللي ( ماعندهـن سالفة ) ؟ هل لجذب انتباه مذيع ولا مستمع مثلا ؟
    ما عنهن سالفة بس مياعة وجذب الانتباه ...
    × وشو برايك الحـل للقضـآء على هالسخافة ؟
    انه اذا دقتلهم بنت ومن بداية ما تتكلم سمعوها كيف تتكلم وانه سخيفة يصكرونه فويها خخخخ ..
    × و اخيـرا .. اي شي فخـآطرك تبـآ تقوله عن هالموضوع .. تفضّل هنـآ
    أصلا البنات ليش رازات بويهن ويتصلن مب لازم يدقن ويسمعن الأوادم صوتهن ..


    تسلمين فديتج ع الموضوع ..
     
  11. خافق احساس

    خافق احساس الفرَيق الإدِاري إداري

    بااكوووو ،، احمــ،،

    والله الموضووع هذا عايبني لوول ،،

    صرااحة مثل هالنوع من البنات يقهرني ،،

    وبييبن لي جلطه صرااحة ،،

    بس اول شيء ارجع الاسباب التالية ،،

    - البنت اللي تسوي مثل هالحركات ،، صراحة بنت ما عندها سالفة ،،
    و اكيد تعاني من فراغ عاطفي ،، عيل شو هالرمسة اللي صرنا نسمعها فعلا ،،

    خلونا نضرب مثال ،، برنامج الميدان ،، و البنات اللي يدقون تلفونات ،،

    ممكن اكلم فلان ،، عقب .. والله انا صراحة معجبة فيكــ،،

    اشوف ويه المذيع يقفط ،، وهي ولا عليها ،، عاااادي ،،

    الحياااء عندها منفسخ ،، ما ادري وين سااار ،،

    اتم اتغصص انا ،، ( علما انا ما اتابع برنامج الميدان ،، بس مرة كنت عند الاهل ،، وكانوا حاطينه )

    المهم ،، بعد انا صراحة الوم الاهل ،،

    لانه صار عندهم واايد اشياء وهم يدرون وساكتين ،،

    يعني البنت هذي على بالها يوم تكلم المذيع ،،

    بيي يخطبها مثلا ولا شو تفكر ،،؟؟!!

    استغرب صراحة من هذيلا الحالاتــ،،

    و على العموم اسال من الله الهداية لجميع ااخواتنا واخواننا

    و ربي يقزيهم على حسن عبادته ،،!

    و السموحة
     
  12. قطوة البريمي

    قطوة البريمي ¬°•| مُشرِفَة سابقة |•°¬

    بنت البريمي ...واذا البنيه يكون عندها مشكله وتريد حلول لهاا ... ما تتصل ..

    يسلمي هالمرور
     
  13. قطوة البريمي

    قطوة البريمي ¬°•| مُشرِفَة سابقة |•°¬

    خافق احساس .. كفيتي ووفيتي يالغلا
     
  14. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    الوو قطوه


    كل شي في الدنيااا له دربين واحنااا نختار الدرب فيه


    شراا المنتديات

    يعني اناا اختار ادش اتعرف ولا افيد الناس واستفيد منهم


    الله يعطيج العافيه


    لا تعليق غير الي قلته


    احترامي


    سويرة
     
  15. قطوة البريمي

    قطوة البريمي ¬°•| مُشرِفَة سابقة |•°¬

    أم أحمد .. اسعدني مرورج الغاوي
     

مشاركة هذه الصفحة