ثَرثَرَة طفله ( يمّه لـآ تزعلين )

الموضوع في ',, البُريمِي لـ القَصائد المنقولة' بواسطة إحسآإسي غير, بتاريخ ‏9 يناير 2013.

  1. إحسآإسي غير

    إحسآإسي غير ¬°•|مشرفة طٌـلبـِة الْـمٌداِرًسَ |•°¬

    ثَرثَرَة طفله ( يمّه لـآ تزعلين )

    يمه بقول لك شي بس لا تعصبين..
    يمه كتابي بالمدرسه نسيته..!

    ونسيت الالوان ودفتر التلوين..
    و دفتر الأملاء بالغلط شقيته ..!

    و المريول يالغاليه لا تنسين ..
    بالالوان و المزيل وسخته..!

    وانا مع صاحباتي المزايين..
    يمه صبعي بالمقص جرحيته ..!

    بس صدقيني ترى مايعورالحين ..
    لاني في المدرسه بالماي غسلته..!

    و نشفته وحطيت صبغة الايدين ..
    وبلزقه الجروح و الكلينكس لفيته..!

    اكلت العلكة وجبنه لوزين ..
    و العصيرما عجبني طعمة ورميته ..!

    ايه يمه ابله العربي الي تعرفين ..

    يمه الجوال منها سرقته ..!

    قريت الرسايل ا لمرسله و الجايين ..
    وفيها كلام من كثره ما فهمته ..!

    بس والله يايمه تصدقين..
    بسرعه وبدون ما تحس رجعته ..!

    يمه وبقول لك شي بس ابوي لا تخبرين ..

    شعري امس بالمكوى حرقته ..!

    و روجك الوردي الي تحبين..
    يمه خذته معي و في الباص ضيعته..!

    تكفين يا يمه لاتزعلين ..
    لاني روجة الباربي و العطرلك شريته ..!

    يمه اسناني تعورني من الصبح للحين..
    وضرسي الي يتخلخل بالغصب قبعيته ..!

    و غسلت فمي و بالماي وللحين..
    القطن بفمي من الصبح ما شلته ..!

    يمه حصة القران تدرين..
    والرياضيات والعلوم ما حضرته ..!

    جلست العب في الساحه مع صابرين..
    وضيعت شرابي وللحين ما شفته ..!

    ورحت مع احمد للمدرسه تصدقين..
    وكل الي نسيته من هناك جبته ..!

    ردفني بالسيكل وسرعنا مثل المجانين..
    و شرابي الوردي وربي لقيته ..!

    وفي طريقنا واحنا ع المحل مارين ..

    وقفته و من يده للمحل نزلته ..!

    وهذا الكتكات و السنكرس لا تزعلين ..
    و االببسي والبونتي لك شريته ..!

    وترى نص الكتكات لي لا تفرحين ..
    و البونتي والسنكرز لك مابغيته ..!

    وهذي هي اللصقه و غرشة الايدين..
    وترى من غرفة الارشاد سرقته ..!

    يمه تعبت من الحكي وبنام هالحين ..
    وبكره اكمل لك الي سويته ..!

    اووه صحيح الحليب الي شريتين ..
    تراه انكب بالمطبخ ما غسلته ..!

    و صج الكريم و علبه الفازلين..
    و المشط و الشرايط بالكبت خشيته ..!

    واخوي الصغير يبكي من جيت للحين..
    مو راضي يسكت بالعصا طقيته..!

    يمه تكفين بالزعل لا تعاقبين ..
    لان ابوي توي من شوي راضيته ..!

    هذا يايمه الي صار لا تكفين..
    لا تزعلي ترى الزعل عمري ما قويته ..!

    ودخلت الطفله في عالم الحالمين ..
    والدموع الي بعينها ما نسيته..!

    نامت الطفله و هي تتمتم الى الحين..
    يمه السمك ترى للقطو حطيته ..!

    يمه المريول اغسليه لا تنسين ..
    و علي واجب لبكره ما حليته ..!


    اخذت يمه نجمتين بالدين ..
    و اختفى صوتها والباقي ماسمعته..!

    مسحت دمعتهاو قبلت الجبين ..
    و شعرها المنثور بيديني جمعته ..!

    طفلتي جننت من البشر ستين..
    و الميه الحين اتوقع وصلته ..!
     
  2. ˇعنودْھَہ ♡

    ˇعنودْھَہ ♡ ¬°•| مشرفة الِضِيافَة والترحٌيبْ |•°¬

    صح لسان هالطفله ..
    يعطييج العافيه ع هالنقل الرائع ..
    ،
    تحياتي لج
     
  3. إحسآإسي غير

    إحسآإسي غير ¬°•|مشرفة طٌـلبـِة الْـمٌداِرًسَ |•°¬

    صح بدنج ، الله يعافيج .. منوورهـ خيتو
     
  4. المزن

    المزن ¬°•| مشرفة الأُسرَة و الطفل |•°¬

    صح لسان قايلها ..
    قصيدة وااايد حلوة ومعانيها مؤثرة اعتقد انها تحكي ان امها ماتت ^^">>> بدا التفلسف
    مشكورة حبوبه ع الانتقاء النااايس ربي يحفظج
     
  5. وحداني ذق

    وحداني ذق ¬°•| عضو مميز |•°¬

    تسلمي خيتو ع" النقل الطيب
     

مشاركة هذه الصفحة