السموحة مدرانا و مسؤولينا!!!

الموضوع في 'مركز أخبَار وقَضَايَا مُحـَافَظة البـُريمِي' بواسطة ابومحمود البلوشي, بتاريخ ‏6 يناير 2013.

  1. ابومحمود البلوشي

    ابومحمود البلوشي ¬°•| عضــو مــهــم|•°¬

    السموحة ثم السموحة ثم السموحة !! تراني غثيتكم بكلامي .. مخلي نفسي حكيم زمانه .. ما عليه تحملوني... ترى مرات الحماسة تزيد عندي وأخورها !!! .. بس شو اسوي ما أقدر اشوف الأحوال على الناس في مؤسساتكم صعبة , بينما قادرين انكم تغيروا .. واجبنا ننبهكم وعليكم تسمعونا و تقرروا .. لأنكم في خدمة الناس لا في مناصبكم حسب ما أعرف .. ان ما نبهناكم فنكون مثلكم في الهوى سوى .. لكن ننبهكم عشان تنتبهوا و تعطوا الشغل حقه .. لأنكم تتريوا آخر كل شهر راتب و في كل سنة علاوة , وفي كل عدد من السنين ترقية .. فلازم تدفع مقابل هذا كله شي من وقتك وجهدك و أفكارك و علمك المسطر في الشهادات و الدورات و الورش .. لا تغتر بالمناصب تراها زايلة .. فما دام انها زائلة فسوي شي الناس تذكرك بالخير و تتمنى أنك ما طلعت .. و لا تسوي مثل بعض المسؤولين لي يطلع منهم من وظيفته أو ينقل لمكان ثاني يفرح الناس و الموظفين وودهم لو خلوا ذاك اليوم عيد ( عيد الفتاك من مسؤول !!!) .. حتى اليوم ما سمعت ان الناس تمسكوا بمسؤول كبير ليش ؟ لأنه جلس علكرسي مثل غيره وراح مثل راح غيره .. مسؤولين على كراسيهم في الدوائر سنوات وسنوات والشغل بنفس الروتين , فكيف ننتظر التطوير من مسؤول ما همه إلا يجلس علكرسي و يشرب الشاي و يوقع و يتابع مصالحه و مصالح زملائه المسؤولين وهو ما يدري شو الحاصل في أقسام دائرته ؟ اذا شي سوق يبيعوا ضمائر واخلاص وهمة ووطنية فمستعد اني ابيع سيارتي العثرانة واتسلف حتى اشتري وأهدي للكثيرين وأنا واحد منهم !!
    لو كان شي لجان تفتيش ورقابة على عمل المدراء و رؤساء الأقسام ما أعتقد أن مدير دائرة ما يكون همه الخدمة لي تقدمها دائرته لأنه يخاف من العقوبة في حال التقصير أو عدم التطوير ... لكن بما أن الأمر واحد ان اشتغل أو قصر حصل راتبه و ترقيته فما يتغير شي في مؤسساتنا ... ترى تعبنا من المديح في وسائل الإعلام .. وتعبنا من طويل العمر و حاضرين وما يهمك وفالك طيب ..وان شاء الله . نبا شي ملموس على أرض الواقع .. نبا مشاريع مدروسة .. نبا موظفين عارفين شغلهم يؤدنه على أحسن وجه .. نبا اجراءات سلسلة وسهلة .. نبا نقتل شي اسمه الروتين ... نبا نروح دائرة ما يطلبوا منا كل مرة كل أوراقنا الثبوتية وغير الثبوتية ... نبا ربط بالحاسب الآلي بين الوزارات الخدمية حتى ما يتردد الواحد من وزارة لوزارة .. نبا يطلع المراجع من دائرة و علامات الرضى بادية على وجهه... نبا موظف مبتسم ( للكل ما للجنس اللطيف بس !!!) نبا مدير يطلع من مكاتبه و ينزل أرض الواقع ويتابع ميدانيا المشاريع و يسأل الناس عن الخدمات لي تقدمها دائرته ..نريد ونريد ونريد ............
    عاد سمحولي تراني فرغت لي في راسي
     

مشاركة هذه الصفحة