الحجاب والنقاب عند النسوان .. ظاهرة تحتاج للنقاش ..

الموضوع في ',, البُريمِي للِحِوار و النقَاشْ ,,' بواسطة سفير الحب, بتاريخ ‏9 سبتمبر 2008.

  1. سفير الحب

    سفير الحب موقوف

    السلام عليكم ورحمة الله وبركاته ..

    كيفكم إخواني ؟؟

    بما إنه هالشهر فيه حملة بلا منقول راح نجيب بعض من الظواهر الاجتماعية اللي تصير في مجتمعاتنا وتحتاج إلى وقفة لكي نطلع برأي أو حل يناسب الجميع وفي حقيقة الأمر موضوعي اليوم موضوع مهم وخطير وهو موضوع الحجاب والنقاب وأرجوكم لا حد يختلف معي خاصة البنات لأني راح أتكلم بصفة عامة وهذا لا يعني أنني أعمم بل أخص شريحة معينة من المجتمع ..

    في الحقيقة اليوم إذا قال الشاب حق أخته أو زوجته أو أحد قريباته يا فلانة صلحي شوي حجابك ترا شعرك من جدام طالع شوي .. والله فهالحالة ودها تجطعه ليش قالها كيه وبتعصب وإحتمال تكرهه ليش قالها كيه لا وبعد بتجول إنه معقد وعصبي مع أنه المفروض هي بنفسها تتحجب زين لإن شعر المرأة عورة ويأخي لازم نغار على محارمنا وأتمنى محارمنا يقدرون هالشي ويفهموا إنا نغار عليهم ..

    المرأة جوهرة المرأة لؤلؤة المرأة ثمينة وإحنا الرجال نحب نحافظ عليها لذلك والله أتمنى من كل قلبي إنه النسوان يفهموا قصد الريال ..

    أما بالنسبة للنقاب فأنا لا أفرضه على النسوان أو حتى على محارمي لإن الرسول (ص) قال : ( ما عدا الوجه والكفين)
    بس إذا الرجال قال حق زوجته إلبسي النقاب أيش فيها وليش ما تلبس يأخي زوجها هو ولي أمرها هو كل شي بالنسبة لها يأخي الزوج حاب يحافظ على زوجته وترا والله تلبسون النقاب أحسن لكم خواتي من القيل والقال ومن الحسد ومن كل شي ..

    من كم يوم جالس أقرأ مجلة الجريمة إنه في حرمة طالبه الطلاق من زوجها عشان إنه منعها من الخروج إلا لما ترتدي النقاب ..

    والله سالفة الناس طلعت القمر والحين بيوصلوا المريخ ونسوانا إحنا مختلفين على النقاب والحجاب ..

    يالله ما بطول عليكم واللي بخاطره شي حول هذا الموضوع يتفضل ويقول ..

    ما كتبت هالموضوع إلا عشان غيرتي على أخواتي المسلمات والله يشهد ..

    تحياتي : فتى الظاهرة ..
     
    آخر تعديل: ‏9 سبتمبر 2008
  2. أبو سلطااان

    أبو سلطااان مؤسس و رئيس الفريق التطويري إداري

    بيض الله و يهك أخوي على طرح الموضوع ...
    و انا عندي كلمتين فقط للنساء (أنتي ثمينة) و نحن نخاف عليج من ما ينقص قيمتج و مكانتج
    و السموحه
     
  3. سفير الحب

    سفير الحب موقوف

    الله يعزك أخوي أبو سلطان ..

    أشكرك على المرور والمشاركة ..

    والله يعطيك الصحة والعافية ..


    أخوك فتى الظاهرة ..
     
  4. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    بارك الله فيك بصراحه موضوع ممتاز

    تصدق انا كنت من النوع اللي ما احب اتغشى ولا البس النقاب يعني كان عمري 18 سنه

    عقب اختي نصحتني قالت انتي كبيره وصرتي حرمه لازم تتغشين او تتنقبين

    ومن هذيج الساعه وربي يشهد بديت اتغشى وطبعا ما اطلع شعري متحجبه بس يوم كنا صغار مثل الهبل شعرنا برا هههههههههههه بس الحين خلاص عقلنا وكبرنا
    كانت تقول الحجاب والغشوه ستر للحرمه بعدين انتي بهالسن الريال يطالع البنت بطريقه وسخه
    ومب حلوه فالاحسن الستر وتعلمت منها وعقب سنتين يعني صار عمري عشرين بديت اتنقب نقاب قطري والحين تعودت يوم غشوه ويوم نقاب والحياه ماشيه
    وبصراحه يوم اظهر مع اخوي اتحجب واتغشى بس ما البس نقاب بس كلما ايشوف شي مني ظاهر يقول حقي عدلي شعرج طلع ولا ولا وانا بالعكس اخذها بروح رياضيه ولا ازعل بالعكس اهو جيه ينبهني وبعدين انا وخواني كلنا متفاهمين وانا مب من النوع اللي يزعل لو احد قالي تحجبي اصيح واصرخ واقول مابظهر حشى وربي بس بصراحه ارتاح يوم اتحجب واظهر
    وياحلاة يوم الاهل يغارون ع بناتهم نحس صج ان نحن مهمين بحياتهم ويخافون علينا....


    ويسلمووو ع الموضوع القيم ^^
    والسموحه ع الاطاله ولي عوده باذن الله
     
    آخر تعديل: ‏9 سبتمبر 2008
  5. دندونة البريمي

    دندونة البريمي ¬°•| مُشرفَة سابقة|•°¬

    موضووع حلو بصرااحه
    مثل ماقلتوا المراة جوهرة ولازم محارمنا يحافظوا علينا ومافيها شئ اذا غطت وجهها لانه فيه ستر اكثر حقها وحشمه والمراه بحجابها او نقابها كالدرة
     
  6. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    صدقج دندونه والله يوم يكون يوم يكون ويهي مكشوف احس عمري فاكهه قاصينها بسجين كلو نصها والنص باقي والذباب ملتم عليها هههههههههههههه بصراحه لاتضحكون يعني الوحده يوم ماتغطي عمرها ولاساتره عمرها الشباب وراها وين ماتروح ...
     
  7. سفير الحب

    سفير الحب موقوف

    شي حلو إنه الواحد يقتدي بمن هو أكبر منه سنا ..

    الله يسلمك أختي ..

    والله يطول بعمرك ..

    أخوك فتى الظاهرة ..
     
  8. سفير الحب

    سفير الحب موقوف

    أشكرك أختي على المرور والمشاركة ..

    والله يعطيك الصحة والعافية ..

    أخوك فتى الظاهرة ..
     
  9. سفير الحب

    سفير الحب موقوف

    عشان كيه حن نباكم تلبسون الحجاب والنقاب لانا نغار على محارمنا ونغار على بنات المسلمين ..
     
  10. منوة الروح

    منوة الروح ¬°•| مراقبة عامه سابقه |•°¬




    انا بكلمك بصفه خاصه فيني

    اول شي استانس اذا شفت اخوي يغار علي
    بس للحين مافرض علي النقاب او الغشوة
    ولا مرة كنا فسوق وقالي ترى شعرج ظاهر
    الحمدالله اطلع من بيتي عارفه اللى علي


    وبالعكس مثل ماقالت اختي فرولة شي يونس البنت
    هذا اذا دل ..دل ع الغيرة الريال يوم يغار ع حرمته
    ولا زوجته حتى ع بنات عمه او خاله .. مافيها شي

    اللى تعصب وتتضايج
    اصلا هيه مافيها غيرة ع نفسها
    ومب حاسه بقيمتها وماتعرف ان البنت كرامة
    وكل شي ولا اخلاقها ومظهرها جدام ربها والناس

    هيه هذي اللى تبى تظهر شعرها وتعيش حياتها ع كيفها
    بدوون لا تنتبه


    .. طبعا النقاب ولا الغشوة اجباري
    بس وجه الحرمة فتنه
    يعني اذا مابتتنقبين ولا بتتغشين
    تحجبي عدل ولا تحطين مكياج فويهج
    وانا امشي على هالمنطلق
    والحمدالله ماعندي اي مشكلة وية اهلي فالبيت

    لان مثل ماتعرفوون حتى النقاب صار فتنه
    عند بعض الحريم .. لابسة نقاب ورسمه العين
    والكحلة .. حدث ولا حرج
    النقاب نتستر فيه .. صار اسلوب من اساليب الجذب
    عند بعض البنات


    فـ الحياه الزوجيه
    الزوجه اذا امرها زوجه لازم تسمع كلامه
    هذا زوجها ومن حقه يتأمر عليها
    لان الزوج يغار على حرمته اكثر من اخته

    واللى ترفض حجه انه معقد او مب متطور
    هذي ناقصه عقل ومبدئ
    واللى طلبت الطلاق ع سبة نقاب
    ماتستاهل تكون زوجه وام ومربيه اجيال
    اذا هذا تفكيرها .. كيف بتربي اطفالها !!




    عذرا ع الاطاله اخوي فتى الظاهرة
    بس موضوع يستحق المرور ...
     
  11. سفير الحب

    سفير الحب موقوف

    أختي منوة الروح أشكرك على المرور والمشاركة ..

    والله يعطيك الصحة والعافية ..

    والله يتقبل منك ..

    أخوك فتى الظاهرة ..
     
  12. سفير الحب

    سفير الحب موقوف

    أختي شامسية وافتخر أشكرك على المرور والمشاركة ..

    الله يطول بعمرك ..

    أخوك فتى الظاهرة ..
     
  13. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    لي عوده للتعليق

    تسجيل حظور


    احترامي


    سويرة
     
  14. قطوة البريمي

    قطوة البريمي ¬°•| مُشرِفَة سابقة |•°¬

    امممممم بالنسه للنقاب انا وياه مب لين ذاك الزود ولا الغشوة

    انا يوم ظهر السوق ولا اي بقعه اتحجب واغطي شعريه ..

    بس ما عندي اشكال اني اتغشى .. ..


    اشكرك ع الطرح
     
  15. الكعبية

    الكعبية ¬°•| مراقبة سابقة |•°¬

    بالنسبه لي انا ما تغشى ولا البس نقاب
    بس مب معنى هذا اني ما تحجب لا اتحجب وما اطلع شعري
    الحمدلله ساتره عمري
    والغشوة لاحقين عليها
     
  16. الفلاحي صاحي

    الفلاحي صاحي ¬°•| عضو مثالي |•°¬

    لي عودة فتى الظاهرة:patch_lov: الموضوع شيق
     
  17. أم أحمـد

    أم أحمـد ¬°•| ~~سُوِيْرِهُ السَّعِيْدِيّ~~|•°¬

    متابعه


    احترامي


    سويرة
     
  18. بنت البريمي

    بنت البريمي ¬°•| استغفر الله |•°¬

    موضوع مميز اخوي فتى الظاهرة ..

    وحلو أنه اريال يغار على اهله .. الصراحة هذا شيء يفرح مب مثل بعض البنات تعصب وتقول أنه هو يتدخل فخصوصياتها لا بالعكس هو يبا مصلحتها ويحبها والا ما بيغار عليها ..


    بالنسبة للنقاب والغشوة أنا اعتبره ستر للمراة ...

    بالنسبة لي الحمدلله ألبس الغشوة ما احب ألبس النقاب .. وإذا طلعت بدون غشوة أحس عمري غير ما أدري كيف لأني تعودت خلاص على هالشيء ..

    تقبل مروري ...
     
  19. سفير الحب

    سفير الحب موقوف

    ننتظر مشاركتك أختي ..
     
  20. سفير الحب

    سفير الحب موقوف

    وأنا أشكرك على المرور والمشاركة ..

    الله يعطيك الصحة والعافية ..
     

مشاركة هذه الصفحة