{ كر،،،ــوناتــ،، خافق احساس ،، حياكمــ،،~

الحالة
مغلق و غير مفتوح للمزيد من الردود.

ذات أثر

الفرَيق الإدِاري
طاقم الإدارة
إنضم
13 يوليو 2008
المشاركات
30,989
الإقامة
وَ كَيْفِ لِرَاحِلْ أنْ يُقِيمْ ؟!
11_61.gif


السلام عليكم ورحمة الله و بركااتهــ،،

مرحبــــــــــــــــــا الساآآآع ،، لكل من يا و حدر ،، قربوا حياكمــ،،

شحاالكمــ،، أعضائنا المبدعيــــــــن ،، ؟ شحال عربانكمــ،، ؟

كيــــــــف المطابخ وياكمــ،،؟ منو ما تدخل المطبخ بتنضرب بعصى هع ،، هع

11_72.gif


احمــ،، اليوم يبنا لكمــ،، أكله يديدة ،، هالمرة معجناتـــ،،

مثل ما مبين من العنوان راح نخبركمــ،، اليوم طريقة [ الكرسوناتــ،، ] بالطريقة الخفوقية !!

أمي تسميهن [ تواير ] هع هع ،، بعرفون الحين ليش لوول ،،

نبدأ بسم الله الرحمن الرحيم ،،


{ المقاديــر ..~

3 أكواب + نص كوب طحين

ملعقة صغيرة ( ملعقة شاي ) خميرة

2 ملعقة صغيرة ( ملعقة شاي ) بيكنج بودر

نص ملعقة صغيرة ملح

نص كوب حليب دافئ

ربع كوب زيت

ربع كوب سكر

بيضة مخفوقة

ثلاثة ارباع كوب ماء ( على حسب العجينة .. ممكن تزيدون او تنقصون )


{ الطريقة ..~

1-تخلطون [ الحليب + الماء + الزيت + السكر + البيضة ] في صحن خاص للعجن ،،

مثل هالصورة تقريباً

suae-cf5cb6e7d5.jpg


2-في وعاء آخر ضيفوا [ الطحين + البيكنج بودر + الخميرة + الملح ] ،، واخلطوه جيداً

suae-bcb074cf39.jpg


3-الحين عندنا خليطين الاول [ سائل] والثاني [ جاف ] ،،

نبدا الحين نضيف كمية صغيرة من الخليط الجاف للخليط السائل ،،

و نخلطه جيداً ( يعني جنة نسوي كيكة ) ،، طبعاً بخلاط يدوي ،،

suae-18d84c0388.jpg


4-استمروا في اضافة الخليط الجاف إلى الخليط السائل ،،

وخلطوها بخلاط يدوي ( واذا تحبوا كهربائي مب مشكلة )

و كملوا خلط لينتشوفونه بدا يستوي سميكــ،،، ( غليظ ) ،،

( 1 )

suae-0b7466b768.jpg


( 2 )

suae-1f1f8c25c5.jpg



5 – الحين خلوا الخلاط اليدوي فصوب ،،

و راح نبدا نشغل ايدينا ( غسلوهن قبل لا تنسون ) ،،

وضيفوا الخليط الجاف ،، وبدوا عجن ،،

suae-81de82b899.jpg


لحد ما تحسونها بدت تستوي اوكيه ،،

suae-09caf9639d.jpg


ملاحظة : اذا كانت الخليط وايد لينة تحسون فيها ماي ضيفوا زيادة طحين ،،

ولكن اذا كانت اوكيه بس تلزق ،،

بللوا ايديكم بزيت ( يفضل زيت زيتون ) وكملوا عجن ،،

لحد ما تكون اوكيه ،،


6- خلوها تتخمر لمدة ساعة تقريباً ،، وبعدها راح تلقونها تخمرت وصارت بهالشكل ،،

suae-812ac43a6b.jpg


7 – نجهز صحن الفرن ،، بحيث ندهنه بشوي زيت علشان العجينة ما تلزق يوم نطلعها ،،

suae-1dbf2a1a74.jpg


8 – نقص العجينة لنصفين متساويين تقريباً ،، ( شغلوا عندكم هندسة الدائرة هع )

suae-ec9973ba99.jpg


9- نشل النص الأول ونفردة بحيث يشكل دائرة كبيرة نوعا ما ،،

suae-ee8c013d6a.jpg


suae-ba632cc079.jpg


10 – نييب سكين حادة ( استخدم مالت الذبح انا ) ونقطعها إلى اربع ارباع مثل اللي بالصورة

suae-f18b6925d2.jpg


11- نقص العجينة ( كل ربع إلى اربع قطع ) بهالطريقة علشان نبدا نحشي الكرسون ،،
( ممكن انها تكون خمس ،، مب مشكلة )

suae-eb4771f72f.jpg


suae-6d882e4630.jpg


12 – تييبون صبعكم الابهام وتسوون حفره خفيفة علشان مكان الحشوة

( انا استخدمها علشان تكون الحشوة وايد داخل ) ،،

suae-66569541d6.jpg


13 - نحضر الحشوة ،، اي شيء تبونه [ انا استخدمت هنيه الزعتر والجبن ] ،،

ممكن تستخدمون دياي ولا لحم ولا لبنة .. الخ ،،

suae-03e1d83894.jpg


suae-0b8ae3eb1f.jpg


14- نشل شوي من الحشوة ونحطها في الحفرة ،، بهالطريقة ،،

suae-88bd24b20d.jpg


15 – نلف العجينة لين ما تستوي عندنا كرسونه شكلها حلو !!

suae-ad943abad5.jpg


16 – الحين صارت عندنا كرسونة ( تاير ) ،، بتطالعون الطرف النهائي مال الكرسونه ،،

خلوه ويهه على الصحن مال الفرن ،،

suae-71625244c4.jpg


17 _ كملوا لف القطع الباقية بنفس الطريقة ،،

suae-c7752817d2.jpg


18 – بعد ما تخلصون صافينهم فالصحن ،، ندهنهم بشوية زيت للمعه اونه ،،

فيه ناس تستخدم بيض ،، وفيه ناس تستخدم خلطة ( بياض البيض + ملعقتين كبار حليب + ملعتين كبار زيت )
وكلُ له طريقته ،، اختاروا اللي يعجبكم ،،

طبعا نبا نفرق اذا كانت هذي جبن ولا زعتر ،، فاحسن طريقة تستخدمون السمسم ،،
( يفضل استخدام الحبة السودة للتعربف بالجين ،، والسمسم الابيض للتعريف بالزعتر )

suae-dc4c2d6afe.jpg


19 – انا هنيه استخدمت السمسم الابيض ،، لانه ما عندي غيره ^^ الحين بتطالعون الصورة ( اللي فيه سمسم زعتر )

suae-ffca6d92d9.jpg


20 – فروه بالفرن لين يصير لونه ذهبي ،، و بعدها طلعوه من الفرن ،،

suae-15c1a36105.jpg


21- بعد ما تطلعوهن من الفرن حطوهن فورهن نشاف ( مال الزيت ) علشان ينزل الزيت منهن ،،
ويكونن ناشفات ،،

suae-73298fa45c.jpg


{ الشكل النهائي ،،~

هذا هو الشكر النهائي لكرسوناتنا ( مدهونات بزيت فقط ) ،،

suae-2cb9ddde05.jpg


هذيلا كرسونات مدهونات ببيض ،،

suae-4428cf862a.jpg


و بالهنــــآ و الشفاء ،، نلقاكمــ،، ويا أكلة ثانية من مطبخ ( خافق احساس )

أظني راح تكون ( المعكرونة بالبشيمل الكذابة ) << على كيفها مألفة اسم !!
عاد هي راح تعذبني من الخاطر !!

تقبلوا منّي كل الود / خويتكم : خافق احساس ،،~

أي سؤال انا موجودة

و سموحتكمــ،،
!!

11_59.gif
 
التعديل الأخير:

كبـــــــريـاء

¬°•| مُشرفَة سَابِقِهْ |•°¬
إنضم
13 يناير 2008
المشاركات
2,664
الإقامة
بـــــلا وطن ،،،
خفوووووووووقة تسلمي ع هذا الابداع ( تصوير+ وطبخ ) ف نفس الوقت ،،،

الصراحه لازم يعطونج وساااااااااااااااااااااااااام (شرف ف الطبخ) ها هاه اه ا
 

ღ أ”أ£أ¦أژ ღ

زائر
يعيني ع الإبداع

يوعتيني خخخخخخخ

مشكورة و الله يعطيج العافية
 

ღ أ”أ£أ¦أژ ღ

زائر
يعيني ع الإبداع ^^

يوعتيني خخخخخخخ

مشكورة و الله يعطيج العافية
 

جروحــ دفينه ــي

¬°•| مٌشرِفة سابقة |•°¬
إنضم
10 أبريل 2008
المشاركات
2,386
الإقامة
..فــي جروحي ..
ما شاء الله عليج دومج مبدعه ,,

ويعطيج العافيه على الشرح المفصل والصور ,,

وننتظر الزود منج ,,
 

gmar

¬°•| مراقبة قسم سابقة|•°¬
إنضم
17 أكتوبر 2007
المشاركات
1,370
مبدعة حقاً...

عمل متقن وأكثر من راااااائع.....


سلمت يمناكِ غاليتي .... خافق احساس ...

واشكركِ على تفاعلكِ الملحوظ ومشاركاتكِ الجميلة ....
 

قطوة البريمي

¬°•| مُشرِفَة سابقة |•°¬
إنضم
18 يوليو 2008
المشاركات
7,113
العمر
33
وااااااااااو
شهيتيني والله بالاكله الطيبه

يسلمووو ع الطرح
 

حلم الحلا

¬°•| عضو مميز |•°¬
إنضم
6 سبتمبر 2008
المشاركات
241
مـــُـــا شـــاء الله عليج اختي ..^^
 
الحالة
مغلق و غير مفتوح للمزيد من الردود.
أعلى