1. عمـر الكعـــبي

    عمـر الكعـــبي ¬°•| عضو مبتدى |•°¬

    قصيدة رثاء فالأخ المرحوم : ((ذياب محمد سيف الكعبي))

    يا ذياب فارقت الأهل واللآبه


    والحزن نار ويالعرب شبابه



    ###
    والقلب من بعد الفراق الصادم



    متحطم ومتشتت وما شابه
    ###



    يا ذياب ياللي بك مكارم عدّه



    أعّدادها للحاسبه ما تابه
    ###
    سيرك على مسرى التقى والعفه



    وبرّك على أهلك تفوح اطيابه
    ###



    والطيب ياللي منك ماخذ طيبه



    قسوة زمانك يالخوي ما عابه
    ###



    متّحشم ومتواضع ومتنومس



    طلق الحجاج وبسمتك سلآبه
    ###



    ما شمت عن محتاج يبغي فزعه



    وبيت الكرم متفتحات أبوابه
    ###



    يا ذياب قلبي منفطر يالغالي



    والعين بدموع الحزن سكابه
    ###



    الليل مسدل ثوبه المتشائم



    وصارت جهاتي الأربعه تتشابه
    ###



    مثلك ترى نادر ويصعب فقده



    وماني مصدق موتته وغيابه
    ###



    ياليت لو حلم ويجيني نادي



    وصحى على وقع النداء وحيابه
    ###



    لكن بوآقعنا رضينا والله



    والحمد واجب يالعرب نسعابه
    ###



    ذي سنة الفرد الحكيم الخالق



    والموت درب وكلنا نبلآبه
    ###



    يالله عفوك عن عزيز وغالي



    ويارب يؤتى باليمين كتابه
    ###



    يالله مسكنه العلا فالجنه



    معى محمد وآلـــهِ وصحابه
    ###



    يالله ألهم لآبته مع أهله



    الصبر والسلوان في ما صابه




    عمــــ الكعــــــــــــــــــــــبي ـــــر@
     
  2. miss 6air

    miss 6air ¬°•|مُشِرفَة سَابقة |•°¬

    الله يرحمـه ويغمد روحـه الجنه ،

    أبيات جزلـه ومعبره

    صح لسسانكـ أخوي . .
     
  3. شيخة شملات

    شيخة شملات ¬°•| عضو مميز |•°¬

    ربي يدخله الجنه يارب
    شكرا اخي كلامات جدا جميله
     
  4. بن الريان @

    بن الريان @ ¬°•| عضــو شرف |•°¬

    الله يجبر الخاطر ويسكنه فسيحه جناته ويلهم ذويه الصبر والسلوان وأنا لله وأنا أليه راجعون
    نشاطركم الألم الغالي لا أراكم الله مكروه
     
  5. بو جسيمـ

    بو جسيمـ ¬°•| شاعر |•°¬

    صح الله لسانك يالشاعر

    وربي يرحمه ويطيب ثراه

    بياض ويه ما عليك زود . نتريآ الزود يالخوي
     
  6. بنت السنافي

    بنت السنافي ¬°•| عضو مبتدى |•°¬

    الله يرحمه ويغمد روحه الجنة يارب

    ابيات مؤثرة فيها من الحزن الكثير

    صح لسانك يا اخوي
     
  7. كبرياء دمعة

    كبرياء دمعة ¬°•| عضو مثالي |•°¬

    ربي يرحمه ويغمد روحة الجنه
    بصراااحة كلمااات معبره ومحزنة
    صح لسانك أخووي
     

مشاركة هذه الصفحة