{ مسجد الريال بيته ,,~

[ذات أثر]

السلام عليكم ورحمة الله وبركااتهـ،،

شحااالكم حباايبنا \؟؟ ان شااء الله طيبين ،،

اليوووم فيه موضووع يطق على راسي ،، خصوصا كل رمضان يمر عليه ،،

السالفة وما فيها هي عن الصلاة ،،

أخواني كل يوم يروحون المساجد ،، و المسجد زين يكمل سطر ونص ،،

لكن فرمضان تلقووونه مترووس ،، لذلك أنا استغرب ،،

هذيــــلا وين كانوا قبل رمضان ؟؟

أيضاً في شباب يصلون ،، حرام نقول عنهم ما يصلون ،، لكن صلاتهم في البيت ،،

ليــــش ،، الله أعلمــ،، كأنهم رافعين شعار ،،

{ مسجد الريال بيته ,,~

حبيت اناقش موضوع الصلاة

سواء للريال ولا النساء ،،

ليـــــش الناس ما تذكر تصلي غير فرمضان

و ليش الرياييل ما يروحين يصلون فالمساجد ؟!!

هل للأب و التربية لها دور في هذا ؟؟

اتنمى منكمــ،، التفاعل

و السموحة

بقلم : خافق احساس

!!​

 

[الفلاحي صاحي]

الجري وراء المادة والتسويف من أهم الأسباب هذه الظاهرة وحتى يوم الجمعة مع الصلاة الجمعة ينترس المسيد كامل ماشاء الله وارجوا من جميع ا لمسلمين الهداية وشكرا اختي الموضوع وايد مهم وموجود في واقعنا لأسف الشديد.....
ولاتحرمينا من المواضع الهادفة مثل هذه وتمس الواقع الموجود في الساحة...

 

[قطوة البريمي]

ف البدايه اسالتج ف محلهااا

لانه انا بعد فخاطريه ليش جذاااا الرياييل

المهم وهاي اجوبتي ع اسالتج من رايي

ليـــــش الناس ما تذكر تصلي غير فرمضان

لانه رمضان هو الوحيد اللي يذكرهم بربهم احس وبالصلاه ..

و ليش الرياييل ما يروحين يصلون فالمساجد ؟!!

والله شو اقولج .. لانهم ما تعودو يسيرون المسيد .. لان الواحد اذا تعود يروح المسيد يصلي ما بيوده
القول ع اللي يصلون اليمعه والعيد ورمضان بس ف المسيد الله يهديهم بس..هل للأب و التربية لها دور في هذا ؟؟

أكيد .. لانهم اذا علموهم من هم صغار ع الصلاه بيسيرون ع نفس النهج ...
ولكن اذا كبرو بدون نصايح .. عاد ما بتنفع ذيج الساعه اي نصيحه .. اذا ما تعلمو من هم يهال ع اللصلاه

اشكرج ع الطرح الغاااوي خافق

 

[حشيمة القلب]

ليـــــش الناس ما تذكر تصلي غير فرمضان ؟

مثل ماقالت قطوه لان رمضان اهو الوحيد يذكرهم بصلاتهم بس اكيد في ناس تصلي دوم

وفي ناس ماتصلي ع طول


و ليش الرياييل ما يروحين يصلون فالمساجد ؟!!


لانهم خلاص تعودوا يعني من صغرهم مايروحون يصلون بالمسيد عاد يوم كبروا بيروحون ؟
بيروحون يوم يومين ثلاث وعقب ردت حليمه ع عادتها القديمه والحياه ماشيه


هل للأب و التربية لها دور في هذا ؟؟




اكييييييييد طبعا لو انهم علموهم من يوم صغار ويعودونهم ع روحة المسيد عشان يصلون
جان ماوصلوا لهذا الحد المشكله اهم يشوفون اعيالهم مقصرين بحق الله ولا يقولون لهم شي
طبعا مب عامة الناس البعض منهم بس مانقول غير الله يهديهم


يسلمووو فديتج ع طرحج الغاوي

 

[ذات أثر]

متابعين

ولنا باكــ،،

!!

 

[الفلاحي صاحي]

وأكيد الأهل لهم دور كبير
ف لأب الذي يصطحب ولده ويعوده ويعلمه قراءة القران والسنة النبوية يتعود الصلاة في المساجد...

 

[بنت البريمي]

ليـــــش الناس ما تذكر تصلي غير فرمضان

والله يمكن يحسون اكثر روحانية وأنه شهر عبادة مب جنه الصلاة مفروضة عليهم كل وقت ..

و ليش الرياييل ما يروحين يصلون فالمساجد ؟!!

يمكن يتكاسلون يسيرون وخلاص تعودوا أنهم يصلون ف البيت .. واذا دقت فراسهم ساروا المسيد ...

بس انتي سألي أخوانج أول أيام رمضان أوووووووف يا الزحمة أونه وايدين وآخر رمضان ما يحصلون حد الا قلة هع هع .. الله يهديهم بس ..

هل للأب و التربية لها دور في هذا ؟؟


أكيد لهم دور ودور كبير بعد فالاب لازم يكون قدوة حق عياله ويعودهم على هالشيء من يوم هم صغار ..


تسلمين خفوقة ع الموضوع الكشخة ..

 

[احلى حنين]

اسأله حلوه وواقعية ...

بصراحة أنا اخواني يصلو بس يتأخرو في البيت عاد طبعا الصلاة فايتنهم بس لما يكون ابوي في البيت يخطفو يترابعو المسيد ,,,, استفر الله كأنه ابوي ربهم

وعاد الي قبل الأخير من اسبوعين ياي من ألمانيا ويقول يصلي والحالة وما يندرابه عاد

لكن انا استغرب نفس الشي من الشباب يهتدو في رمضان ويصلو لكن بعد رمضان
ترد حالتهم رقاد وتاخير

شو نقول الله يهدي الجميع..

تقبلي مروري

 

[شيخة المزايين]

لي عودة~~ قريباااا

 

[السَعيدي]

العياذ بالله

من الناس الي ما يصلون غير في رمضان
سبحان الله

كان الله يغفل عنهم في غير رمضان

نسو بأن الفرق بين المسلم والكافر هو الصلاه

لقول رسول الله:
((الفرق بيننا وبينهم الصلاه ، فمن تركها فقد كفر))

وللأسف انا شخصيا اعرف شباب ربعي ما يهتمون بالصلاه وتمر عليهم اوقات الصلاه وكان شيء لم يكن

وبالنسبة لصلاه المسجد فانا اعتقد بان للأب دور كبير في هذا

فلو كان عود ابنه منذ صغره على الصلاه في المسجد ما كان الأبن ليترك صلاة المسجد ابدا



اشكرج على طرح الموضوع الجميل

تحياتي لج

 

[ذات أثر]

لي عودة ،، اتابع الردود

و السموحة

!!