ممكن ادخلون شويه

[كلي غلا]

لسلام عليكم

خاطريه افتح محل في البريمي بس مب عارفه شو اسوي

عندي مبلغ تقريبن 50 الف دراهم

واريد اسوي مشروع يدخل فلوس ويكون خاص حق النساء

نصحوني مب عارفه شو اسوي :bangin:​

 

[غازي]

انصحج بمحل عبى الحريم وشغلات الحريم

اهم شي الموقع وعاد وين بتلقي الموقع

كلة خلو

يعني 50 الف زين اذا بتكفي حق خلو المحل

دام الرقابة والضمير معدوم فالبلاد

وذا لج بارض اشتري وعرضي بالنت بلا محل ولا عوار راس

والشغلة الثانية

المبلغ حلو الي عندج

تقدري تشتري في الاراضي وتبيعي

يبالة شوية صبر

 

[مطلع]

أختي انصحج بمحل عبايات مشروع حلو بس يباله شويه صبر وكفاح

خذي محل ف مكان حلو ومرتب واهم شي ديكور للمحل وروحي دبي او شارجة هاتي لج

القطع وموديلات حلوة ومري هناك مركز بوهيل وشوفي الموديلات اليديدة

وحطي لج بداية خياطين 2 وحطي لج شويه اعلانات بس اهم شي انتي تتابعين المحل

ودامج حرمة اكيد لج ذوق بالعبايات والموديلات الحلوة واليديدة

وإن شاء الله ربنا يوفقج​

 

[أم حمودي]

للاسف ما عندي خبره فهالجال

 

[سنفورة]

انا مع الاخ مطلع .. وربي يوفقج اهم شي الشكل الخارجي وربي يوفقج

 

[حكاية حرف]

مرحبا اختي

بالنسبة للمشاريع النسائية الناجحة في البريمي

1- خياط عبايا ولا خياط ملابس نسائية

( لانه في العيد أزمة عندنا ف تفصيل الملابس من كثر الزحمة )

2- صالون نسائي ولازم فيه عاملات شغلهن ضبط عشان ينجح المشروع وسعره رخيص وبيدخللج ذهب

3- محل جلابيات وقطع .

4- محل اكسسوارات وهدايا وملابس جاهزة .

وربي يوفقج إن شاء الله
​