ريم والصرصار (قصة حب)

بقولكم قصة صارت لوحدة اسمها ريم ويدلعونها ويقولون لها يا عنز ( اجل لو اسمها مزنة وش بيدلعونها )
المهم هذي يا حبايبي يا حلوين البنت اللي هي عنز كانت راجعة للبيت بعد يوم حافل بالاثارة ( وشو الاثارة لا تسالوني )
وكانت تعبانة مررررة وتدور الفراش يوم دخلت الغرفة وانسدحت على الفراش الا وتلقى ذاك الصرصور اللي متعلق على سقف غرفتهاوقامت تصارخ ( وانا )
انا والى هنا دوري خلص خل عنز تكمل لكم الحكاية
عنز تتحدث لكم :
يالله وش اسوي اصحي الشغالة والله اللي هي بتصفقني طيب اقوم اخوي لالالالا اخوي اصلا اردى مني
خلاااااص يا بنت ماراح يسويلك شي ذا الصرصور اصلا هو مو فوق راسي كلها دقايق وبضف خشته اللي كنها صرصور ( ههههههههه طيب هو صرصور اصلا )
والله ونمت وقمت اليوم الثاني الا والله حالة الصرصور بمكانه ما تحرك ايه والله النشبة

المهم ماهمني الصرصور ورحت اتروشت وزينت نفسي وطلعت بس اني نسيت اقول للشغالة عليه
ويوم رجعت البيت بعد يوم حافل مثل امس الا الصرصور مكانه ماتحرك ( الظاهر ان عنده كساح والا روماتيزم ) وبيني وبينكم ناظرت فيه وقلتله خير يا طير ( اوما طير ) وشفيك جالس عندي ؟ متطاق ويا زوجتك ولا وش السالفة ؟؟
وبيني وبينكم مرة ثانية صار ودي اسال عن الصراصير بس اني مستحية المهم رحت دخلت على النت وجلست ست ساعات متواصلة وهذا اللي فوقي ماتحرك ومن الزهق قلت خلني اروح اجيبلي فشار اتسلى عليه ويوم جبته وجلست الا مالقيت ان الصرصور طاير وجا على الكيبورد حقي
وقلت بصوت عالي يا مـــــــــامـــــــــا
<=============
دخل علي اخوي وقالي انتي مهبولة وش ذا الزعاق
عنز : تخيل ذا الصرصور صارله يومين جالس مكانه ماتحرك
اخو عنز : صرصووووووووووور طع فرررررر
( يعني سكر الباب وهرب )
قمت من الكرسي وخصرت للصرصور وقلتله : خيرررر وش تبي الحين صارلك فوق يومين ولا جيتك وانت تجي وتخوفني بذا الشكل
وعطيته ظهري ومشيت الا واسمع صوت غريب في الغرفة جلست ادور يمكن الراديو ولا سماعات الكمبيوتر مالقيت شي
وبعدين سمعت شي يقولي لو سمحت انتي يا الشيخة !
قلت يمكن من الخوف صار عندي تهيوأات <==== شلون تكتب ذي
بعدين ناظرت في الصرصور الا والله الصرصور يأشر ويقول لو سمحتي يا الشيخة مرة ثانية
انا انهبلت قمت افرك في عيوني واحك اذاني وقلت للصرصور : انت تكلمني ؟؟؟؟
الصرصور : لا اكلم خيالي ايه اكلمك
عنز : صرصور وتتكلم وشلون محولينك زي ياسمينة اللي في السندباد
الصرصور : ماشاء الله عليكي تنكتين
عنز : الحين وراك جاي على كمبيوتري

الصرصور : شوي شوي علي انا بقولك كلمتين ناشبة في حلقي وبمشي على طول
عنز : هات اللي عندك خلصنا
الصرصور : انا مستغرب صارلي يومين في غرفتك ما حاولتي تضايقيني ولا تقتليني ليش ؟؟؟؟؟
عنز : وش بيني وبينك يا خوي علشان اقتلك
الصرصور : هذا اللي مجنني يعني فصيلتكم دايم تقتل الصراصير بانواعها يعني مثلا صراصير العبيطة مابقى منها الا اثنين او ثلاثة والصراصير المجنطة مابقى منها الا واحد وخمسين صرصور والصراصير المقلعة انقرضوا تماما
وانتي ماسويتلي شي هذا اللي انا مستغرب منه !
شوي ويدخل الصرصور يده تحت جناحه ويطلع بكت مالبورو احمر وقال :يضايقك لو اولع سجارة
عنز : لا خذ راحتك يا عيوني بس انت عارف انه يضر بالصحة
الصرصور : اكيد مايضر كثير لانهم يكتبون التحذير بخط صغير وبعدين انا بزنس مان يعني بدل ما احرق باعصابي احرق بالسيجارة ولا ؟
عنز : ماشاء الله عليك
الصرصور : ماعلينا المهم نرجع لموضوعنا وممكن اسال سؤال ؟
عنز : ايه تفضل
الصرصور : انتي مرتبطة ؟
عنز : هههههههههه ليش تسال السؤال هذا سؤالك غريب بصراحة
الصرصور : لا بس انتي دخلتي مزاجي وودي اتقدم لك
عنز : انا بصراحة متفاجئة كيف ماقد حصلت
الصرصور : اذا انتي ماعندك مانع نخليها تحصل يكفي اني تارك اعمالي وشغلي علشان اتابعك واشوفك وانتي دخلتي مزاجي مرة وصدقيني ماراح تلقين واحد يحبك بكثر ماحبك انا
عنز : شوي شوي انت مافكرت حنا شلون راح نعيش
الصرصور : زي اي اثنين يحبوا بعض وامي تجي عند امك ويتكلمون وابوي يشوف ابوك ونتزوج وماله داعي حفل كبير لانه راح يكون احراج بالنسبة لي يعني مثلا انا عندي جزيرة في مالديف نروح نقضي شهر العسل هناك ولا من شاف ولا من دري
قطبت عنز حواجبها وباعلى صوت مسياااااااار لا يا حبيبي انا بنت حمايل ولاني بايرة
الصرصور : يا حبيبتي يا عنزتي انا احبك والله ولا تفهميني غلط انا اكبر اخواني وعمري الحين ثلاثين سنة وتوني ماتزوجت واخيرا لقيتك انتي بس ان بحكم اعمالي ما ودي يصير في ازعاج وناس رايحة جاية
عنز : اووووووووووه معليش اجل انا فهمتك غلط ارجوك سامحني وبعدين انا بعد اخيرا لقيت الشخص اللي يحبني بهالقوة انا فعلا حبيتك حبيتك
الصرصور يرفرف جنحانه وبطير من الفرح : عنزتي حبيبتي انا ماني مصدق انا في حلم ولا في علم
عنز : انا كنت فاقدة الامل اني القى واحد فيه الشروط اللي تناسبني وكنت ابغى واحد رومانسي يحبني وكاش ومايهمه كلام الناس وكنت اتمنى انه يكون طيار ومن هواياته التسلق والجري وكنت ابغى الفرق يكون بيني وبينه 8 سنوات انت فيك كل المواصفات اللي ابغاه في فارس احلامي
الصرصور يسال وهو فرحان : تبين سكن مستقل ولا مع اهلي ؟
عنز : لا ياعيوني عادي حنا بنات حمايل وماتفرق معنا هالاشياء المهم اكون جنبك
الصرصور : طيب انا اصلي كل صلواتي في المسجد ومعليش على هالسؤال انتي تصلين ؟
عنز : اذا ماكنت اصلي وش الفرق بيني وبين الكفار صبعا اصلي صرصوري
الصرصور : طيب الحمد لله وانتي وش تشربين ؟ انا احب عصير العنب الاحمر
عنز : الله انا اموت في عصير العنب الاحمر
الصرصور : وش تحبين تاكلين ؟ انا احب الاكل الايطالي
عنز : كنك جالس تتكلم عني انا اموت بالاكل الايطالي
الصرصور : انا شفتك تدخلين على النت انا دايم ادخل النت
عنز : حتى انا ادخل النت قولي قولي وش ايمييلك
الصرصور : بعدين اقولك و وش تحبين من العطور ؟ انا دايم احط عطر اترنتي
عنز : الله من احلى العطور اللي انا احبها بصراحة واحب بعد دهن العود
وفجاءة شافت عنز يد تمتد من وراها وماسكة علبة ويطلع منها رش
كانت يد اخو عنز ومعاه البف باف واختلطت الاصوات صوت الصرصور المختنق وصوت عنز المنتحب
عنز : يا مجرم وش سويت ؟
اخو عنز : مو انتي قلتيلي ان في صرصور في غرفتك هذاني قتلته الشرهه مو عليك الشرهه على اللي يسويلك شي
عنز : صرصوري حبيبي انا كنت عارفة فرحتي ماراح تكتمل انا كذا راح اعيش حياتي تعيسة دايم
الصرصور : عنن...ز.تي حبي..بت..ي انا الحمد لله اني قدرت اعيش اللحظات هذا معاكي وهي احلى لحظات عمري دونت فور قت مي . واغمض عينيه وانتقل الى رحمة الله
وزعقت عنز والدموع تنهمر من عيونها وحتى رجولها
عنز كانت مقهورة من اخوها عمره ماساعدها في قتل صرصور ولا دخل على غرفة فيها صر صور ويوم
يقتل قتل حبيبها
عنز ماتتخيل انها ممكن تلاقي واحد يحبها مثل ذا الحب وبالقوة هذي
ومالقته الا في فصيلة الصراصير
قصة ماساوية تقطع القلب

 

عنز : الله انا اموت في عصير العنب الاحمر
الصرصور : وش تحبين تاكلين ؟ انا احب الاكل الايطالي
عنز : كنك جالس تتكلم عني انا اموت بالاكل الايطالي
الصرصور : انا شفتك تدخلين على النت انا دايم ادخل النت
عنز : حتى انا ادخل النت قولي قولي وش ايمييلك
الصرصور : بعدين اقولك و وش تحبين من العطور ؟ انا دايم احط عطر اترنتي
عنز : الله من احلى العطور اللي انا احبها بصراحة واحب بعد دهن العود

 

يسلموووو ع المرور اخوي

 

هههههههههههه

صدق انها عنزة

يحليلها العنزة اخوها جتل حبيبها لوووووول

يسلموووو

 

ههههههههههههههه


عاد ما لجو غير هالأسم يدلعوها​

 

هههههههههههه
تسلمون ع المرور الغاوي وكونوا دوووم بالجوار