شكوى لصالحب السكناااااات

الموضوع في 'كلية البريمي الجامعية |BUC' بواسطة روح القوافي, بتاريخ ‏23 سبتمبر 2012.

  1. روح القوافي

    روح القوافي ¬°•| عضو مبتدى |•°¬

    بسم الله الرحمن الرحيم

    السلام عليكم ورحمة الله وبركاته

    ودي هالرسالة توصل لصاحب الكليه وهو المسئوول عن سكنات الطالبات

    يااا جماااعه السكنات كثير وسخه وفوق هذا كله مافي ماااي ف السكنات ما اعتقد هذا الحال يرضي احد

    نحن ندفع لهم بيزات علاقل يحللون البيزات اللي نعطيهم اياهم

    ولا احد يقول ان الشيخ ما يعرف بهذي المشكله اذا هو صاحب الكليه والسكنات ما يوقف على شغله ويراقبه ويهتم منو راح يهتم المشرفات ولا منو بالضبط

    نتصل على السكن وكله تعذر ونتصل على رئيسة المشرفات ف السكن ما ترد على وين نتصل وحق منو

    يعني نحن الحين من امس لحد اليوم ولحد هالوقت بالذات مافي عندنا ماي وكثير امور متعلقه بالماي

    كل احد يتخيل نفسه يجعد يومين بلا ماي شو راح تسووون

    حتى الدكان نريد ناخذ منها ما موجوده ونسال المشرفات عن رقم الدكان الخارجي ما يعرفون منو اللي يعرف

    يا عالم بس ودي حد يرد علي... صلاه طول اليوم مب قادرين نصلي

    بس خبروني شووووو الحل فهالسكن وادارته
     
  2. طالبة بكلية البريمي

    طالبة بكلية البريمي ¬°•| عضو فعّال |•°¬

    وعليكم السلام ورحمة الله وبركاته
    اهلا اختي
    اختي انتي طالبة سنة أولﮯ??
    وبعد شو اسم السكن اي واحد??
    عجيب اليوم كانوا يمدحون في السكنات و ....الخ
    ::s23::
     
  3. همس الشوق

    همس الشوق :: الفريق التطويري الأخباري ::

    اليوم خبروكم ااي حد عنده مشكله يخبرهم ولا يتردد قابلو العميد او استاذ يعقوب مثل ما قالوا اليوم لا تترددون ,, وان شاء الله خير
     
  4. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    مباشرة أختي الكريمة رفعي الأمر للمعنيين وإذا وصلت الأمور إلى طريق مسدود أنصحك تخلي أحد من أهلك يتواصل مع هيئة حماية المستهلك، وتحفظوا على بيزاتكم
     
  5. ورد نيلوفر

    ورد نيلوفر ¬°•| عضو مبتدى |•°¬


    !!ّ!!

    أي سكـن بالضبـط !!

    يا ويلنـا .. لازم ناخذ احتياطاتنا بـصدق !!

    اتصلـوا بـ مسؤولة السكنـات أم عبد الله وبتوافيكم إن شاء الله

    الله يعينكم ويعين الجمـيع ان شاء الله
     
  6. روح القوافي

    روح القوافي ¬°•| عضو مبتدى |•°¬

    انا سنه خامسه اختي
    وسكن دار الخليج

    بعد عذاب يومين رجع الماي

    بس هم يعرفون طالبات بيداومن ليش ما مجهزينالسكنات

    اختي يمكن اللي مدحولج السكن هذا سكن غير دار الخليج
     
  7. مجروحة المشاعر

    مجروحة المشاعر ¬°•| عضــو مــهــم|•°¬

    السلام عليكم ورحمة الله وبركاته

    اختي شكلج سنة اولى

    لانه امس مرت علي نفس تعليقاتج

    بس ترى الانسان ما يتحمل كل شي فوق طاقته

    وفي مشرفات يداد ما يعرفون كل شي عن السكن

    حالهم حالكم

    و انا ف السكن من 3 سنوات و مرتاحه الحمد لله

    بتخرج احين و ما اشتكيت من شي

    اذا انتي مب عاجبنج شي تبى انتي تقدري تغيرين هالشي قبل اي حد

    و بعدين عشان الماي

    السكن كان في فترة صيانة لمدة 3 شهور تقريبا

    ف اكيد كان مسكر من السطح و انا نفس الشي رحت الشقة ما فيها ماي

    و مثل ما انتي تدفعين وايدين يدفعون وانا وحدة منهم

    بس من ناحية النظافة ترى ف البداية هو من الشخص نفسه

    اذا كان نظيف ف بيت اهله ف يثبت هالشي ف المكان الي يقعد فيه

    و انا اقولج في وايد بنات وصخات

    بس انتي مب لازم تكوني مثلهم

    و السكن مب مقصرين موفرين عاملات نظافة يوميا يكونن موجودات

    و اذا على ام عبدالله رئيسة السكنات ما ترد

    ترى ضغط عليها خاصة هذا الاسبوع

    و اظن لو كنتي موجودة امس كنت بتشوفين الحال كيف كان

    يعني تخيلي اعطيج نسبة تقريبية قولي 800 طالبه تسجل حق السكن

    و المشرفات مب مقصرات بس زحمة وايد و ضغط عليهم يتحملون شي فوق طاقتهم


    السموحة منج شكلي طولت عليج


    بس حبيت اوضح لج الصورة
     
  8. طالبة بكلية البريمي

    طالبة بكلية البريمي ¬°•| عضو فعّال |•°¬

    صحيح كلامك اختي مجروحة المشاعر
    البارحة والله رحمتهم
    زحمة عجيبة وكل ضغط عليهم
    لازم الواحد يساعد الطرف الثاني عشان الامور تكون في السليم
    يعني ابتداء من امس نعتبر السكنات مثل بيتنا
    ونحافظ عليه
    انا لسه بالبلاد بسير السكن بالجمعة
    اتمنﮯ لكم التوفيق
     
  9. ملاك بدنيتي

    ملاك بدنيتي ¬°•| عضو فعّال |•°¬

    صح والله نحن بعد جيه صادفنا ف سكن دار الخليج 2 الا همو سكن السفير
    يوميم ماشي ماي وعقب حضرتهم ردوه ققق3
     
  10. ملاك بدنيتي

    ملاك بدنيتي ¬°•| عضو فعّال |•°¬

    وبعدين غير السكنات سالفه الباصات
    نحن انخلص الساعه 2محاضره والباص ايينا الساعه 3 وشي
    والله اني امس اوصل السكن وياذن العصر
    صح فيه باص بس واحد مايكفي ولا 2 ماشاءالله طالبات وايد
    شو ذنبنا نحن نيلس نتريا هالكثر
    ياخي وفروا ع الاقل 3 باصات موجودات الساعه2
    والله مذله هالباصات:ش9:
     
  11. ملاك بدنيتي

    ملاك بدنيتي ¬°•| عضو فعّال |•°¬

    عاد باجر الاربعاء انشاءالله وباص اللي بيودينا لبلاد ايي الساعه2
    ونحن ايينا باص الكليه 3
    عزالله نزلنا البيت:imua30:
    ياخي شوفولنا حل
    وبعيد الشر ماشي غير نقليات العيسائي
    دورولنا باصات اذا السالفه فيه نقص باصات :imua3:
     
  12. مزيوون العين

    مزيوون العين ¬°•| عضو مبتدى |•°¬

    ياختي مايصير جييي

    في جهة مسؤووله اسمها شؤون الطلاب هم راح يحلون اي مشكله تواجه الطالب

    انتي راجعي الجهة او ادارة الجامعه وهم راح يحلون مشكلة السكن

    انا ماعرف الوضع شقاايل عندكم ف الجامعه او بخصوص سكنات الطلاب ... الخ

    ع العموم ربي يوفجكم
     
  13. طالبة بكلية البريمي

    طالبة بكلية البريمي ¬°•| عضو فعّال |•°¬

    أنا فـﮯ السگن:ش1:
    أنزل كل أسبوعين أو ثلاثة أسابيع:imua31:
    الحمدلله علـﮯ گل حال
    بالتوفيق
     

مشاركة هذه الصفحة