تقويم الاسنان ف مجمع ياس (تجارب-اسعار؟؟)

الموضوع في ',, البُرِيمِي لـِ التّجـارَةِ العامة ,,' بواسطة الهايبري., بتاريخ ‏19 سبتمبر 2012.

  1. الهايبري.

    الهايبري. ¬°•| عضو مميز |•°¬

    مساء الخير

    حد جرب يسوي تقويم ف مجمع ياس اللي عدنا ف البريمي ؟؟

    وكيف كانت تجربته من ناحية النظافه وو اذا سوه لكم زين والا مايعرفون؟

    لن مايخلصني اسير العين اسوي تقويم تسد زحمة الحدود وعقبها زحمة العيادات


    اللي جربهم يخبرني .. وابي اعرف اسعارهم
     
  2. مطلع

    مطلع ¬°•| عضو مميز |•°¬

    نصيحة يأخوي لا تروح صوبهم يبوك مايعرفون شي رحت ركبت جسر بعد تنظيف خلوا الاسنان

    بدون شي يغطية وبغيت اموت من الالم ورجعت لهم نص الليل عاد عقب غطوة بكفر لين

    مايخلص الجسر والجسر بعد مب لين هناك مب مرتاحة منه وندمت والله
     
  3. سنفورة

    سنفورة ¬°•| عضو مميز |•°¬

    نصيحة :facepalm:لاتجرب تركب تقويم انا ركبت وعقب ماشليته ماحطولي تثبيت للتقويم وقالولي حتى ادفع معني دافعة مبلغ كامل للتقويم ... وعقب قالولي مايحتاي واخترب علي الفك::s3:: بسبتهم واحين انا اتعالج من سبتهم خارج المنطقة حسبي الله عليهم .... وغالي على الفاضي عندهم ... والحمدلله برحمة ربك اول .. عالجت عند واحد مختص للاسنان والجراحه وعصب علي وحتى قالي اسنانج تبة جراحه للفك وقالي بحاول اعالجها .. اذا الله اراد والحمد الله عالجني ومشاء الله علية ونعم صدق دكتور ... تبة تسير عند مختص جراحة وتقويم مب حياله اي دكتور ... قبل كان عندهم دكتور ايراني ونعم فية بس طلع هو منعدهم من سنين ... غير هاه محد يصلح عندهم .. والله يوفقك انشاء الله ​
     
  4. الهايبري.

    الهايبري. ¬°•| عضو مميز |•°¬

    مشكورين خواتي ع الردود

    شكلنا مالنا غنى عن الدوله المجاوره ^_^
     
  5. aldalal-df

    aldalal-df ¬°•| عضو فعّال |•°¬

    اوكي كيف الاسعار بين العين والبريمي ؟؟
    وفي عيادات غير الايراني ؟؟ في البريمي؟
    انا مرة سالتهم قالو لي ب 800 ريال ؟؟
     
  6. على هونك

    على هونك ¬°•| ألحَزُنِ دَوِلِه وأنآ حآكمهآآ |•°¬

    عيادة المدار بالعين اول جلسة بين الفين وخمسمية لين ثلاث الاف درهم وعاد بعدين كل جلسة بثلاثمية:icon_smile_big:

    العيادة عدال مسجد بن حمودة :1:
     
  7. احــساس انثى

    احــساس انثى ¬°•| عضو فعّال |•°¬

    هلا الدكتور الي كان فجمع الايراني اسمه دكتور فرهاد طلع واااااايد زين وحاليا والي سمعته فالعين شي عيادة صوب العين مول مناك وين بضبط اي عيادة ما ادري

    وسموحه ..
     
  8. طويل العمر

    طويل العمر ¬°•| عضو مميز |•°¬

    حد مسوي تقويم في عيادة بيسان وابتسامته تهد الحيل ماشاء الله وهالشخص يمدح هالعيادة وماعرف العلم عند الله لاني شخصيا ماجربت هالعياده لكني صدق اريد اسوي تقويم وخايف لاني اكره الم الاسنان يا ليت حد يفيد الكل بعياده اسعارها مقبوله وشغلهم عدل ويا ليت ما تكون التجربة فيني ::s23::
     
  9. سنفورة

    سنفورة ¬°•| عضو مميز |•°¬

    انا سويت عند عيادة الحجاز مجابل سوق الحظ بضبط والدكتور مره صدق اخصائصي وجراح اسنان بعد ... نصيحة سير عنده واسعار رخيصة واااايد ... ومشاء الله عليه سريع وصدق بضمير يسوي ويراعي الدفع .. والدفعه الاولى ياخذ اقل شي 1000 وعادي تدفع كل شهر اي مبلغ تروم تدفعه .. سير ولا بتحسف الصراحه منه ... وانت بتشوف كيف معاملته معاك .. مرة طيب .. واللة يوفقك ودعواتك ياخوي
     
  10. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    ما شاء الله عليكم سرني تعاونكم جميعا
    موفقين كلكم لدرب الخير
     
  11. الهايبري.

    الهايبري. ¬°•| عضو مميز |•°¬

    اخت سنفورة جم كامل ؟؟؟ قصدي المبلغ الاجمالي جم يطلع
     
  12. كيران

    كيران زائر

    بيسان وعيادة تسوي بتسأمه هوليود صحيح والا
     
    أعجب بهذه المشاركة طير الحمامي

مشاركة هذه الصفحة