البنت العربية مظلومة !

الموضوع في ',, البُريمِي للِحِوار و النقَاشْ ,,' بواسطة Hyuoka, بتاريخ ‏15 سبتمبر 2012.

  1. Hyuoka

    Hyuoka 130710

    السلآم عليكم ورحمة الله وبركآته




    البنت العربية مظلوومة !
    و الكل ملآحظ لهذا الشي
    " الالعاب حال الأولاد بس ؟ ، والبنت مالها نصيب يعني ؟! "

    أنا أحس بالقهر ،، اخواني يطلبوا شي أبوي يقول لهم : حآآضر !
    أما أنا ، يقول لي : هذي الاشياء حال الاولاد ، وما اعرف ويش !!

    لكن أنا ألعب شوي مع أخواني ! [ الحمدلله ]



    أسئلة النقاش :-

    1 - الالعاب للأولاد بس ؟ الالعاب القتالية ، يعني مثل call of duty + halo ...إلخ ، ؟!!

    2 - أيش السبب الناس مأخذين فكرة أنه الالعاب بس للأولاد ؟ والبنت تروح تنظف و تطبخ وما اعرف ويش ؟!

    3 - من تحب الالعاب و محرومة ؟

     
    آخر تعديل: ‏15 سبتمبر 2012
  2. ♛[أسطورة]~

    ♛[أسطورة]~ ¬°•| مُراقب قِسم الّتكنِولوجَيا |•°¬

    اممم انا من رأي عادي البنت تلعب ان كان كول اوف ديوتي او هولو او غيرها ....الالعاب لكل حد سواء كانت بنت او ولد كبير في السن او صغير في السن ....لاكن اللعبة يجب انها ما تأثر على شغلك يعني اذا كانت عندك مذاكرة او شغل في البيت ألخ خصلي كل شغلك وبعدها تلعبي على راحتك نحنا نفس الشي اذا عندنا شغل نخلصه ونلعب عادي جداا red-crab3
     
  3. Hyuoka

    Hyuoka 130710

    إحنا أيام الدراسة يشلوا عنا كل الالعاب ،
    بس في الاجازة يعطونا إياهن لكن ما يهنونآ

    أنا مشاركة في منتديات ، و البنات يقولوا نفس هذا الكلام !!
    . ليش ما يخولنا اهلنا نلعب ألعاب حربية !؟
    أوين ،، بس ألعاب طبخ ، تلبيس وما ادري ويش :| :| في Ds + PSP

    أريد أعرف السبب أنهم ما يخلونا نلعب ؟! ليش ؟!
    يا أمهات و يا أباء ^^"
     
    آخر تعديل: ‏15 سبتمبر 2012
  4. قماااااااااري

    قماااااااااري ¬°•| عضو مميز |•°¬

    هههههههههه عيبني موضوعج خيتووو
    تصدقين ان انا احينه مخلصه لاعبه call of duty (MW3
    وعادي الامور طيبه محد يعصب ولا شي بس يمكن لانج طالبه عسب جيه يحاتون دراستج او ان عمرج مب مناسب
     
  5. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    صراحة ما أدري! لأنه عندنا إحنا الأولاد فقط مهتمين بالألعاب وأما شغلات الرسم والطبيخ والأناقة فلغيرهم
     
  6. Hyuoka

    Hyuoka 130710




    هههه ، وآآآو

    لآلآ ما عشان الدراسة ، ترا انا ما العب وقت الدراسة
    أنا شفت في كول أوف دوتي أنه مكتوب +18

    لكن نمشي حالنا عادي
    ما فيها شي


    !! ، في رجال طباخين ،
    و رسامين و في رجال يشتغلون في الكوافيرات و عارضين أزياء وكل شي
     
  7. قماااااااااري

    قماااااااااري ¬°•| عضو مميز |•°¬

    صدقج خيتوو فهالزمن تســـآوى شغل الحريم ويــآ ـآلريــآيل ومــآ احس فيه فرق شرات قبل
    يعني اذا ع القيم ترا هو مكتوب +18 لان فيه قتل ودم و اسلحه عسب جيه
    فـ كلام الاهل لازم يكون مسموع لان هم اللي يعرفون مصلحتج
    غير جيه في العاب ثانيه تقدرين تلعبينها مب شرط هالقيم
     
  8. ابتسم،،فالله ربك

    ابتسم،،فالله ربك ¬°•| عضو مهم |•°¬

    البنات لهم أشياء ثانية مخصصة غير الطبخ والشغل فالبيت ،، وأنا أشوف انه عادي إذا لعبتي عند أخوانكـ ما فيها شيء ،، مع انه أغلب البنات يحبوا حركات الدلع والأناقة ما يهتموا في اللعب خاصة إذا خلصوا مدرسة ..
     
  9. ♛[أسطورة]~

    ♛[أسطورة]~ ¬°•| مُراقب قِسم الّتكنِولوجَيا |•°¬

    كول اوف ديوتي احسهم مزيدين عليها 16+ كفايه لان في العاب اخس منها مثل MAX PAYNE وهذا للكبار مع ذالك معطينه +17 عاد كول اوف ديوتي 18 صراحه ماتستاهل ....لكن من ناحية كونك بنت ماتلعبيها انا ما اشوف شي يمنع تراها لعبه بشرط ما تأثر على دراستك ....وترا شي CALL OF DUTY في ال PSP وشي MW3 على DS:ش4:
     
  10. miss 6air

    miss 6air ¬°•|مُشِرفَة سَابقة |•°¬

    موضوع حيلو !

    بس ما عندنا حد مهتم بالالعاب غير اخوي الصغير !

    يمكن لان اغلبية البيت بنات ،

    موودري !
     
  11. شعشبونه

    شعشبونه ¬°•|Her Highness|•°¬






    وعليكم السلام ورحمه الله وبركاته

    ~> شعشب الملقوفه اتت :icon_smile_big:

    عزيزتي الجميله ka24


    انتي خصصتي الظلم ل الـ games

    يعني انا اعيش في بيت جميل مع عائله جميله وندرس في احسن المدارس في ظل رعايه شامله
    بس اذا ما خلوني العب العاب الكترونيه بصير مظلومه ؟ ليش اللي قبل كله وين راح ؟


    لكل انسان نظرته هم يشوفون ان البنت انسبلها تلعب العاب ثانيه غير الالعاب الاكشن والعنف
    لان طبيعه الانثى كائن رقيق بس ها لا يمانع ان تلعب البنت العاب الاكشن او اللي تسمونها ( العاب الاولاد)

    التفلسيف على اصوله ماشاء الله علي ::GHG::

    اوكي وشسمه ومن الناحية الاخرى ، اظني انه بعض الشباب يغارون من البنات
    لان عندهم اشياء يسونها خاصه فيهم ف الشباب بعد يبون شي يكون خاص فيهم
    عشان جي ما يبونج تلعبين العابهم ::GHG::

    وحان لوقت كي اجاوب أسئلتكي




    وشكرا جزيلاً على هذا الموضوع الشيق الجميل :icon_smile_big:
    وادري اني غثيتج بفلسفتي الجميله :imua21:
     
  12. أبو سليمان

    أبو سليمان ¬°•| One of a kind |•°¬

    في رأيي.. صحيح انه نلعب وكثير من وقتنا يروح في اللعب.. (وننسى انه بنكون محاسبين على هالوقت).. بس ما احس انه من الصحيح انه هذا اللعب ينقلب إلى قضيه.. اللعب للتسليه.. للابتعاد عن واقع الحياه.

    :ش5:
     
  13. طبيعي مني يغارون

    طبيعي مني يغارون ¬°•| عضو مبتدى |•°¬

    الســــــلاآآآمـ عليكمـ ,,


    ثانكسـ خيتؤؤؤ ع الموضوع المطروحـ ..



    بس أنا لا أعتقد انـ هذا الأمر من الممكنـ أنـ يتحولـ إلى قضية تناقشـ ..

    لأنـ مثل ما ذكرتـ اختيـ ((شعشبونهـ )) أن الأهلـ إذا منعوك من لعبـ هذهـ اللعبهـ لا تتحولينـ إلىـ (( فتاة عربيه مظلومهـ )) .. في أمور أهم من الألعابـ إذا منعنا منها فيـ هذهـ الحالهـ سيتحولـ الأمر إلى قضيهـ تستحقـ النقاشـ ..


    بالنسبهـ ليـ الحمدللهـ ألعب وأهليـ مو مانعيني من هالشيء للهـ الحمد .. بسـ كبرنا و صرنا شوي بعيد عن هالأمور خخخخخ ..


    احمـ احمـ (( أنا بعد شكليـ تفلسفت بزيادهـ خخخخ )) ..::s29:: ..



    خالص احتراميـ ..
    خيتكـ ::
    طبيعي مني يغارونـ
     
  14. امواج القدر

    امواج القدر ¬°•| عضو مبتدى |•°¬

    امبيه انا واخوي العود كنا نلعب لعبه الضرابه بس هو دايما يجتلني ولعبت مغامرة سونيك سوبر ماريو :biggrin: ماحد حرمني اذكر ابوي يشاركنا ف لعب عوين بدور الي يخسر دور ثاني بس اخواني ههههه مايلعبون العاب البنات عونيج تلبسها وتمكيجها وغيره ::ص5::
     
  15. أحذر كل الحذر

    أحذر كل الحذر ¬°•| عضو مميز جدا |•°¬

    البنت العربيه بعد
    لا صراحه ضلم
    وين حقوق الانسان
    وين هيات الامم المتحده
    وين السلطات
    فيه بنت بهلعمر ماتلعب بليستيشن
    انتي كيف متحمله هلعيشه
     
    أعجب بهذه المشاركة أبو سليمان
  16. المزن

    المزن ¬°•| مشرفة الأُسرَة و الطفل |•°¬

    لا اله الا الله
    ي خيتي عاد سويتيها مظلومه عسب لعبة!!
    ربي يهديج ..
    يعني تركتي كل شيء ويتي عند الالعاب
    خخ يعني حبوبه هذا م يعتبر ظلم
    ممكن تقولي تحيز لجانب الذكور بس مب ظلم مره وحده ؟!!
    صراحة م اقدر اجاوب على اسألتج لان م عندي اجابات لاني هب مهتمة بها الاشياء ^^
    بالتوفيق
     
  17. ونه العوود

    ونه العوود ¬°•| عضــو مــهــم|•°¬

    أنزين سأليهم ليش ممنوع؟؟

    وانتي مظلومة عالألعاب لكن أنا مظلومة من إظهار مهاراتي فمشاريع بسيطة..كنت م اريد أقول لكن غصبن عني:ashamed:..شكرا لج
     

مشاركة هذه الصفحة