لبس العباه ف الدول الاجنبية؟؟

الموضوع في ',, البُريمِي للِحِوار و النقَاشْ ,,' بواسطة قطوة البريمي, بتاريخ ‏1 سبتمبر 2008.

  1. قطوة البريمي

    قطوة البريمي ¬°•| مُشرِفَة سابقة |•°¬

    مرحبااااااااااااا

    اممممم
    بدون مقدمات

    اليوم اباكم تناقشوني فهالموضوع؟؟؟:patch_sante:

    بنات ابغي رايكن

    اذا سافرتن برع يعني دول اجنبيه بتلبسن عباه ولا لااا:confused::confused::confused:

    وليش
    وانتو شباب

    شو رايكم بالموضوع


    ابى رااايكم لانه يهمني بصراااحه هالموضوع:patch_punnch:
     
  2. ورده جوريه

    ورده جوريه ¬°•| عضــو مــهــم|•°¬

    اكييد راح البس العبايه
    لاني مستحيل اتخلى عن عروبتي وتمسكي بالعادات والتقاليد
     
  3. الكعبية

    الكعبية ¬°•| مراقبة سابقة |•°¬

    امممممممممم

    بصراحه لا ما بلبس عباه لاني بظهر شاذه من بينهم

    بس بلبس بالطو هو مثل العباه احسه
     
  4. قطوة البريمي

    قطوة البريمي ¬°•| مُشرِفَة سابقة |•°¬

    اممممم

    حلو تمسكج بالعادات خيتو
    :patch_baskt:
     
  5. قطوة البريمي

    قطوة البريمي ¬°•| مُشرِفَة سابقة |•°¬

    تسلمين ع الصرااااااحه

    وانا رايي من رايج خيتوو
     
  6. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    وانا بعد مابلبس عبايه لاني فبلاد برا وهناك حريه
    بس اكيد بلبس شي مستور وبتمسك بعاداتنا ولانسيئ فيها بشي


    يسلمووو قطوطه فديتج
     
    آخر تعديل: ‏1 سبتمبر 2008
  7. (الكعبي)

    (الكعبي) ¬°•| مُِشْرٍفَ سابق|•°¬

    منقووووووووووووود عند العرب نحن لابد أن ن
    تمسك بالدين قبل أن نتمسل بالعاااااااادات والتقاليد
    الكعبي من هنا مر
     
  8. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    اكييييييد الكعبي نتمسك بدينا بس لو روحنا بلاد برا اكيد مابنسيء لبلادنا بالعكس بنلبس شي يرضي الله وبنتحجب مابنفج شعرنا ونمشي شرات الاجانب

    بس بصراحه مابلبس عبايه المهم لابسه شي مستور ويرضي الله
     
  9. قطوة البريمي

    قطوة البريمي ¬°•| مُشرِفَة سابقة |•°¬

    فراولة انا بعد وياج فكل كلمة قلتيها يعني بنلبس لبس مستور

    والكعبي اشكرك ع المشاركة
     
  10. علمني كيف أخونك

    علمني كيف أخونك ¬°•| عُضوٍ شًرٍفٌ |•°¬

    شكرا اختي على الموضوع الطيب
    بس لوتسمحي اتجرع واقول هذا الكلام الذي يرضي الجميع انشاء الله




    إما أن ترفضِ هذا الإستسلام للغرب وتعودِ الى العباية الحقيقة وتلتزمِ بدينكِ وتكسبِ رضا ربكِ وتكسبِ آخرتكِ



    أو ان تعلنيها بكل شجاعة بأنكِ لستِ مقتنعة في الإسلام وتخلعي هذه العباية وترضي الشيطان والغرب وتقبلي أن يكون مصيرك في الآخرة جهنم والعياذ بالله







    قال رسول الله صلى الله عليه وسلم :( صنفان من أهل النار لم أرهما . قوم معهم سياط كأذناب البقر يضربون بها الناس . ونساء كاسيات عاريات مميلات مائلات . رؤوسهن كأسنمة البخت المائلة . لا يدخلن الجنة ولا يجدن ريحها . وإن ريحها لتوجد من مسيرة كذا وكذا )
     
  11. اللوتس

    اللوتس ¬°•| عضو مبتدى |•°¬

    الصراحه انا ما بودر العباه..
    على الرغم من اني ادرس في بلاد لبس العبايه فيها نااااااااااااادر الا اني ما تخليت عن لبسها...
    وتعتبر في النهايه حريه شخصيه ..

    ولكل انسان ما احب...

    يسلمووو ع الطرح ...
     
  12. قطوة البريمي

    قطوة البريمي ¬°•| مُشرِفَة سابقة |•°¬

    علمني كيف اخونك ...... سكت الكلام
     
  13. قطوة البريمي

    قطوة البريمي ¬°•| مُشرِفَة سابقة |•°¬

    اللوتس اشكر مرورج
     
  14. سعود الظاهري

    سعود الظاهري :: إداري سابق ومؤسس ::

    شوفي اختية

    البنت صعب تفصخ العباة لاي سبب من الاسباب

    حتى بنفسها بتكون مب مرتاحة وبتحس أنا مب متسترة عدل


    اما اللي تسافر وتفصخ الحيا شي ثاني
     
  15. قطوة البريمي

    قطوة البريمي ¬°•| مُشرِفَة سابقة |•°¬

    الظاهري بس غير يوم تكون ف بلاد اجااااااانب

    يعني مثلا اللي يدرسون هناك ما يلبسون عبي بس لبسهم فنفس الوقت مستور هب شرط العبااااااااه

    ع العموم اشكر مرورك الغاوي
     
  16. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    علمني كيف اخونك انت قلت كاسيات عاريات هالحديث ينقال حق وحده مب ساتره نفسها مب حق اللي فصخت عباتها وبعدها ساتره عمرها بلبس يرضي الله



    اخوي الظاهري والله مب شرط اللي تفصخ العبايه فاصخه الحيا مثل ماقلت قبل المهم لابسه شي مستوووووور ويرضي الله مب راصه ع عمرها


    وتتمخطر
     
  17. غريب الدار

    غريب الدار ¬°•| مشرف سابق|•°¬

    تسلميـــــن اختي قطوة البريمي عالموضوع...

    سوى البنت لبست عباه ولا غير العباه اهم شي الستر وتكون محتشمه...يعني نشوف بنات البلاد برع مع ازواجهم وعوايلهم والحمدلله ساترات عمارهن ومحتشمات باسلوب ثاني ...

    بس في فالجانب الثاني بنات الله يهديهن بتخلن عن الحشمه والستر بمجرد انهن يغادرن البلاد وهالشي على فكره حتى من الاجانب ينظرون له بنظره ثانيه ...والاجانب اغلبيتهم على فكره بسطاء ويتملكهم الفضول وعندهم جهل كبير بالاديان والثقافات الاخرى فممكن من خلال لبسنا فعلا نلفت النظر بس تكون نتايجه ايجابيه ونوصل الرساله المطلوبه ونعرفهم على عاداتنا وتقاليدنا واوامر دينا الحنيف...

    هالشي اقوله من تجربه في سفرتي الاخيره...الاغلبيه كانو يجهلون بدينا وعاداتنا وتقاليدنا وعن الاسلام وكانت اسئلتهم جدا سخيفه ولكن فعلا كانو مب مطلعين على ثقافات واديان خارج نطاقهم وهذا عطاني فرصه اني اوصللهم ولو جزء بسيط واللي اقدر عليه لدرجه انه احدهم طلب مني نسخه مترجمه من القرءان الكريم...

    السموحه على الاطاله وخروجي خارج الموضوع بس حبيت اوصل الفكره انه ممكن نكون بلبسنا وحشمتنا نوصل رساله...

    تقبلي احترامي اختي قطوة البريمي ...
     
  18. الفلاحي صاحي

    الفلاحي صاحي ¬°•| عضو مثالي |•°¬

    شكرا أممحماس على الطرح الطيب في السفر مب وايد حريم يلبسن العباية ولاكن لبس كما أمر سبحانه في التستر والاحتشام,الى في حريم مايقدرن يودرن العبي وخصوصا من كبار السن.
     
  19. قطوة البريمي

    قطوة البريمي ¬°•| مُشرِفَة سابقة |•°¬

    فراولة شقيه .. كفيتي ووفيتي

    غريب الدار ..
    مثل ما قلت اهم شي الستر

    الفلاحي ولدهاااا... هيه صدقك العيايزة ما يرومن يودرن العبي


    اشكركم ع المداخلات
     
  20. الغافري

    الغافري ¬°•|عُضوٍ شًرٍفٌ |•°¬

    في النهاية اختم موضوعكم وأقول ..... كل نفس بما كسبت رهينة

    (((( رسالتي لكل أخت تبي مصلحتها تلبس العباة أبرك لها ))))))
     

مشاركة هذه الصفحة