جمعهم القدر في القبر

الموضوع في ',, البُريمِي لِلقِصَص والرِوَايات ,,' بواسطة (زمن يموت الحب ), بتاريخ ‏13 أوت 2012.

  1. (زمن يموت الحب )

    (زمن يموت الحب ) ¬°•| عضو مبتدى |•°¬



    مرحبا ,,,[​IMG]




    مساعد شخص عصامي بناء نفسه من نفسه عمل اعمال صغيره حتى
    جمع الاموال فمن حمال الاكياس في الاسواق حتى بياع خضار
    حتى مساعد بايع حتى بائع باحد السوبرات حتى ملك المال واصبح صاحب
    لسوبر ماركت في الحي فكر وتزوج من عائله محترمه تزوج ابنة امام المسجد
    رحب الامام به وقبل بتزويجه وكل من يعرف مساعد حضر زواجه وبارك له
    رؤف رحيم يعمل على دفتر الديون ويساعد الفقير والكل يدعي له

    بعد مرور 7 اشهور حملت زوجة مساعد كاد مساعد يطير من الفرحه
    مساعد: الف مبروك يانوف
    نوف:الله يبارك لك يارب
    مساعد : الله يقومك بسلامه ونشوف ولدنا ونربيه احلى تربيه
    نوف: يارب وش تحب تسميه اذا هو ولد
    مساعد: اكيييد بكل تاكيد اسم الوالد يوسف
    نوف: حلو يوسف واذا بنت
    مساعد : اممممم بسميها نوره
    نوف: حلو اسم امي وامك واحد حتى مايزعلون
    مساعد : اي والله ربك جابها تشابهه اسم امي وامك وننفك من العذله
    نوف: ههههههه عاد الولد الثاني بسميه علي على اسم ابوي
    مساعد : يستاهل ان شاء الله تقومين بسلامه وتجبين يوسف وعلي ونوره واخوانهم ^_^
    نوف :ههههه يارب
    مرت ايام وبشهر السابع كانت نوف تعبانه حيييييل
    مساعد :وش فيك يانوف
    نوف: احس اني باموت
    مساعد : بعيد الشر فال الله ولافالك
    نوف: من جد احس روحي بتطلع
    مساعد : قومي اوديك المستشفى قومي
    نوف : مو قادره اعتمد على روحي ابد
    حاول مساعد يشيلها وودها لسياره كان في الخط زحمه ونوف تتالم ومساعد محتار وش يسوي
    ويخرج شماغه وياشر ان في حاله طارئه ,,
    حاولوا الناس توسع من طريقه
    نوف : تحاول استيعاب وش يصير مو قادره
    مساعد : نوف نوف معي
    نوف: ااااايه
    مساعد: يلا وصلنا المستشفى
    نزل مساعد على الطواري يناديهم يساعدونه
    جاء الممرضات يشيلون نوف في سرير الاسعاف
    نوف شبه ماء فقدت شعورها وصار مغمي عليها
    مساعد: دكتور الحق ولي يرحم والديك زوجتي مادري وش فيها
    الدكتور : هي حامل
    مساعد: ايه
    الدكتور : خير ان شاء الله
    بداء الاجهزه والمغذيه والاكسجين يركبونها لها
    رجع وعي نوف صارت تنادي مساعد مساعد
    الممرضه نادت مساعد وقالت المريضه يبي انت
    مساعد قام لنوف بسرعه ..
    مساعد : هلا نوف وش فيك ويمسح دموعه
    نوف: مساعد
    مساعد: لبيه
    نوف : مساعد امانه ولدي عندك لاتخلي احد يحضنه غيرك
    اذا تختار زوجه اختار وحده تحافظ على ولدي امانه يامساعد لاتخلي احد يقسي عليه
    مساعد: الله يكفينا الشر انتي بتقومين بسلامه وبتربينه احلى تربيه بس انتي تحسين
    بالفارق علشان الالم اصبري تكفين
    نوف: هذه وصيتي خل امي تربيه
    مساعد: تكفين لاتكملين
    نوف : طلبتك خله ذكرى بينا احبك يامساعد احبك
    مساعد : يانوف خافي ربي قطعتي قلبي
    ضربات قلب نوف تزيد والتنفس يرتفع وينخض
    الدكتور :لازم نولد المريضه في خطوره عليها
    مساعد : نزل المولود بس نوف لايجيها شي تكفى
    بعد ساعتين خرج المولد وبكائه يعج المستشفى
    خرجت الممرضه مبروك ولد
    مساعد يركض للمرضه ونوف وش صار
    الممرضه هذا ولد مايفرح
    مساعد : انقلعي وين الدكتور
    خرج الدكتور وعلامات الحزن عليه
    الدكتور :مساعد
    مساعد: دكتور نوف وش فيها تكفى رد علي
    الدكتور : لله ماخذ ولله مااعطى هي راحت لربنا
    مساعد: لايادكتور كذاب تقول كذا تلعب معي صح
    مساعد قام يضحك ويبكي ويصارخ نوووف قومي انا استناك قومي
    انا مابي غيرك خلاص مابي الولد قومي تكفين قومي
    جاء ابو نوف وشاله وقام يهديه الله يعوضك خير
    قام العزاء مساعد حالته صعبببه حيل فراق زوجته والمولد من يربيه
    بعد مانتهى العزاء جاء ابو نوف
    ياولدي اذكر الله اخته اصغر منها خذها تربي الولد وتساعدك في الحياه
    مساعد: تحرم على النساء من بعدها
    ابو نوف : ياولدي حرام تحرم شي محلله ربي وبعدك صغير والولد من يربيه
    مساعد : الولد وصية نوف مايربيه الا امها وانا عزاء نوف بقلبي ماينتهي
    ابو نوف : ياولدي حرام الا تسويه ,,
    مساعد: خلاص ياعم خلني بروحي
    مرررت الايام وبداء يوسف يكبر يوم بعد يوم حتى كمل خمس سنوات كل يوم
    ابوه يزوره ويجلس معه لما كبر خمس سنوات اخذ مساعد ولده للبيت
    حتى يقوم رعايته لن جدته كبرت بالسن وبداء المرض عليها
    صار كل فرض صلاه وبكل عزيمه ياخذ يوسف معه
    كبر يوسف ماشاء الله لمن صار رابع ابتدائي
    جاء يوسف عند والده
    يوسف: يبه
    مساعد : لبيه
    يوسف : يبه المدرس يقول عطانا تعبير عن الام وانا ماعرف امي
    وش اكتب
    مساعد: غصت الدمعه بعيونه
    قال اكتب امي اجمل انسانه في حياتي هي دفئ والحنان هي السعادهـ
    هي كنز الحياه اللي فقدته .بسمتها تشفي العليل وبداء يبكي مساعد
    جلس يوسف بحضن ابيه يبه ليش تبكي
    مساعد:فقدتها يايوسف وربي فقدتها
    يوسف : امــــــي
    مساعد : ايـــــــــــــــه امك
    يوسف :ابي اشوفها
    مساعد: شوف حنيتها في كل مكان في هذا البيت شوف لمستها في هذا البيت
    اللي عهدت الله ماغير فيه شي
    يوسف : الله يرحمك ياامي
    مساعد : الله يرضى عليها ويدخلها الجنه
    مرت الليله ومساعد يبكي على نوف ويبكى على الايام اللي عاشها معها
    مرت السنين وكبر يوسف وتخرج من الثانويه
    يوسف : يبه يبه يبه الحق
    مساعد يجري يفتح الباب يبي يلحق على ولده
    وش فيك من يلحقك
    يوسف: من يلحقني ؟؟
    مساعد : تقول الحق
    يوسف: هههههههههه ابشرك نجحت
    مساعد: قل والله
    يوسف:والله يبه نجحت ولا بنسبة 98%
    مساعد يضم ولده الف مبرررررررروك ياولدي ليت امك تشوفك وانت متخرج
    يابوي ادع لها بالرحمه بكل مناسبه تتمنى انها موجوده
    ياولدي امك خذت قلبي وياها
    يوسف : يلا وش تبي اصير كابتن طيار ولاضابط
    مساعد: ودي وظيفتك يابوي تاخذ مكاني في السوبر الوظيفه لاتاخذك مني
    يوسف : يبه الله يرضى عليك وين هذه النسبه وفي الاخير بائع بالسوبر
    مساعد: ههههه امزح وانا ابوك ابي تكون ضابط وضابط كبييييييير بعد
    يوسف : الله يخليك لي يارب
    مساعد: ولايحرمني اياك ياولدي
    كان مساعد ويوسف نايمين بهذيك الليله فجائه صحى يوسف ينادي امه
    يمه يمه شفتك يمه واخير بقول ابوي يجي معنا
    مساعدسمع ولد ينادي امه
    مساعد: يوسف يوسف
    يوسف: هاه بسم الله الرحمن الرحيم
    مساعد : بسم الله عليك وش فيك
    يوسف: امي
    مساعد: وش فيها
    يوسف : ضمتني وتقول لاتبطي علي عجل مشتاقه لك وجيب ابوك معك
    مساعد: كيف امك وش شكلها
    يوسف:وحده طويله شعرها وقام يوصف امه
    مساعد:ايه هذه نووووف مساعد قبضت روحه خوووف من هذا الرؤيه
    يوسف : يمكن تبي لها صدقه
    مساعد : مادري بس انا كل يوم اطلع لها صدقه
    رجع نام يوسف مساعد قام وخذا ورقة وقلم
    وجلس كتب
    بسم الله الرحمن الرحيم
    اكتب وصيتي بعد ماشاف ولدي امه تنادينا في حلمه فاكتب
    جميع مااملك لمن يرثني من بعدي اذا لم يجد فجميعها لكفالة الايتام
    منزلي هبه لوجه الله لعايلة ــــــــــــ
    وسوبر الماركت جميع مافيه يوزع على الفقراء والمساكين
    وسيارتي لوالد زوجتي
    ومن عليه دين فعفوت عنه ومن غلطت عليه يسامحني
    اخذ الوصيه وحطها بجيب ثوبه وقام يصلي الفجر
    يوسف ابوه يفطرون
    يوسف: يبه تراء لازم نصور الاوراق قبل نسافر واشتري بعض الملفات
    علشان اقدم على الوظيفه
    مساعد: طيب اللحين بعد مانفطر نروح سوى
    يوسف : انا بروح مع زميلي عبدالله
    مساعد: كيف اقدر اخليك تروح كل المكاتب على شارع
    واخاف عليك من السيارات
    يوسف: طيب يلا توكلنا على الله
    راح مساعد وولده للمكتبه وقف السياره على جنب دخوا المكتبه
    يوسف :فيه تصوير
    صاحب المكتبه : لا
    رجع يوسف لوالده
    يوسف : يبه مافيه تصوير بروح ا=للمكتبه هذه
    مساعد :اصبر اروح معك
    يوسف مايبي لها يبه خط واحد
    مساعد ماعليه
    وقف مساعد على الخط
    يوسف يبي يعدي الخط لمن وقف عند المكتبه كان واقف رجع راعي السياره ريوس على
    وراء مانتبه له يوسف
    كان منتبه للسياره الجايه اسرع راعي السياره صدم يوسف في بطنه كانت الصدمه قويه
    والسياره المسرعه شالته وطار بعييييد وطاح على الارض ثم طاحت الاوراق الشهاده عليها
    مساعد كان يناظر في ولده وهو يطير جاي يركض يبي يمسك ولده عثرت رجله
    مساعد بداء يزحف يشوف ولده لقى ولده غااااارق في الدم ونص الدماغ براء
    مساعد:يوسف يوسف يوسف ولدي ولدي يوسف انا بوك رد علي
    ويشيل ولده اول ماشال ولده كان دماغه خارج مساعد اصيب بسكته قلبيه
    من فجعة اللي شافه ...والناس حولهم لاحول ولاقوه الابالله
    كان عبدالله زميل يوسف شاف التجمع راح يشوف وش اللي صاير
    عبدالله : وش فيه ياناس
    احد المتجمهرين : حادث مات الولد والابن
    عبدالله حاول يدخل يشوف لمن شافهم قام يصاااااااارخ يوسف لالالالالالالا
    ياعم ويحاول يسحب مساعد لقى روحه فاضت لربه
    جاء الاسعاف يشيل ويمسكون اللي صدمه
    الحي اللي كان ساكن فيه مساعد
    وولده جاء خبرهم كالصاعقه جاء خبرهم وهم يصلون العصر
    جاء عبدالله خبر ابوه اللي تعب وقاموا يسون له عزاء استمر اسبوع عزاء
    عليهم جد يوسف شدة الخبر اصيب بجلطه قام منها الحمد لله
    جلسوا بذكراه في كل مكان وبكل موقف ,,
    مررر شهر والحزن مستمر عليهم اتصل المستشفى على جد يوسف
    المتصل :السلام عليكم
    جد يوسف : هلا وعليكم السلام
    المتصل :انت علي ....
    جد يوسف : ايه نعم
    المتصل : فيه وصيه لقينها في جيب والد يوسف ممكن تجي تستلمها
    جد يوسف : طيب ان شاء الله
    وصل جد يوسف للمستشفى كان متعب وش في الورقه
    المدير :هلا يا علي تفضل
    جد يوسف : هلابك
    المدير : وش يقرب لك مساعد
    جد يوسف: زوج بنتي
    المدير:طيب هذه الوصيه اتمنى توقع استلامها
    جد يوسف مافتح الوصيه حتى جمع الناس بعد صلاة العشاء وقال ياناس اليوم
    اتصل على المستشفى وقال فيه وصيه كتبها مساعد لقوها بجيبه كتبها وحطها بجيبه
    استلمتها قلت مافتحها الا معكم
    جاء شيخ الحي وفتح الوصيه وبداء يقراء عليهم
    السلام عليكم
    اكتب هذه الكلمات بعد ماشاف ولدي يوسف امه تناديه وتقول جيب ابوك ،،،،،،حتى اخر الوصيه

    قاموا الناس تبكي عليه وتترحم عليه سلم البيت لعايلة ____
    كانت العايله فقيره زوجتين وام وعيالهم 24 طفل كان البيت ملكهم
    وقاموا تنفذ الوصيه ,,,,


    (زـــــمن يـــــــموت الـــــــــحب )

    اترك لك اثر ليدعو لك وليس يدعون عليك ,,
    عامل الناس كما تحب ان تعامل ,,



    اتمنى تنال اعجابكم [​IMG]
     
  2. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    ليش ما تعجبني وأنا أحسها الغصة ما تنزل
    بارك الله فيك أخي على انتقائك
     
  3. (زمن يموت الحب )

    (زمن يموت الحب ) ¬°•| عضو مبتدى |•°¬

    تسلم اخوي يعطيك العافيه ^_^
     

مشاركة هذه الصفحة