كيف تتصرف ؟؟!!

الموضوع في ',, البُريمِي للِحِوار و النقَاشْ ,,' بواسطة عايش يومه, بتاريخ ‏7 أوت 2012.

  1. عايش يومه

    عايش يومه ¬°•| عضــو شرف |•°¬

    السلام عليكم ورحمة الله وبركاته ...

    موقف ممكن يصادف اي احد فينا !! الا وهو انك تتفاجأ انك نسيت المحفظة ولكن بعد فوات الاوان .. يعني مثلا انت في محطة البترول وبعد ما عبيت بترول تدور المحفظة وتتفاجأ انك ناسنها على التسريحة في البيت !! كيف تتصرف ؟

    او مثلا كنت في الحلاقواول مرة تحلق عنده يعني بالعربي مش عميل ، والحلاق زحمة وانت مخلص ما شاء الله حلاقة راس ولحية وتدور محفظة الفلوس "البوك" ما تحصلها !!

    كيف تتصرف ؟؟

    او حتى البنت في الصالون ايام عيد وعاد انتن تعرفن الصوالين ايام العيد زحمة على الاخر وانتي ياييه من وقت وماشاء الله ما شيء في الصالون يسوونه ما سويتيه من حناء وتسريحة وبدي ومكي وكل هالسوالف وبعد ما خلصتي تتفاجئين انك ناسية المحفظة !! شو تسوين ؟

    ومواقف ومواقف يمكن الواحد يتفاجا فيها انه ناسي محفظة الفلوس .. كيف تتصرف ؟​
     
  2. وحي القلم

    وحي القلم ¬°•| عطاء من نوع آخر |•°¬

    بصراحة مثل هذه المواقف الواحد ما يحسد عليها :imua54: ,,, مرة كنت واقف في المحطة في بركاء على ما اذكر كنت جاي من مسقط ,,, ووقفت بالجانب الثاني سيارة صالون فيها عائلة اب وزوجته ودرزن اولاد هههه ,,, وخبصة وربشة في السيارة حد يصيح وحد يشكي ويحد يبكي والاب مسكين مشتت مرة ما عارف ويش يفعل بهم ,,, قال للعامل عبيء بخمسة ريال ,,, بعد ما خلص اسمعه يقول لزوجته هين المحفظة ههههه ,,, قالت معك ,,, طبعا كانت النوافذ مفتوحة ,,, قالها انا ما قلت لك تجيبي المحفظة من فوق التلفزيون قق18:dunno: بصراحة انا كنت اسمع الموقف ,,, صارت حشرة في السيارة ,,, طلعت من سيارتي وجيت خلف السيارة وضربت السيارة من الخلف وشاف علي قلت له ممكن لحظة لو سمحت ,,, قبل عن ينزل طلعت خمسة ريالات واعطيتهم العامل,, لما جائنا قلت خلاص انا اعطيت العامل توكل ,,, قال يا اخي ما يصير وام العيال ما جابت المحفظة ,, قلت الله يهديكم صوتكم واصل اخر المحطة انا سمعت كل شي ,,, توكل روح جيب محفظتك ,, قال طيب خبرني برجع لك المبلغ عطني تلفونك ,,, قلت له هذه هديه للصغار مش لك هههه كان متاسف كثير ,,
     
  3. بن الريان @

    بن الريان @ ¬°•| عضــو شرف |•°¬

    معي وحدي السالفه وحي القلم ههههههههه :409:

    ساير مسقط من طريق الرستاق المهم قلت بأسحب فلوس من نفس المكان
    عبيت بترول وأنا ناسي أفتكر شئ فلوس ب المحفظه ولما خلصت النعم سود وجهي
    قالي الموظف أخوي روح ويوم تمر مره ثانيه
    ورديت يجي عشرة كيلوا للسوق ذيك الحين وسحبت فلوس وأنه ولد عرب منا وفينا والنعم فيه بصراحة على ثقته ناولته لفلوس وتركلي أثر بعمق أصالته وهو منا وفينا ذاك لموظف وأخوي الأمور طيبه أهم شئ النيه يا صاحب الطرح حتى لو توكل ف الرمضان وأنت نسيان الله غفور رحيم ويوم ما تكون نيتك ما غاويه السموحه كلكم ولا تضحكوا علي يجيله الأنسان ساعات ويتدوده
     
  4. دموعي حروفي

    دموعي حروفي ¬°•| عضو مميز |•°¬

    هههههه مواقف لابد منها
    أنا دومي أشتري أكل من الفير وأجمع كل الأكل وبعدها أتذكر ان محفظتي م فيها فلوس ومرات عاد أكون محاسبة بس أرجع نص الأكل لابد من الاحرااج::s16::وأشرد بعدها وراي سيد من البنات هههه
     
  5. عايش يومه

    عايش يومه ¬°•| عضــو شرف |•°¬

    هههه ضحكني رب الاسرة .. اتخيل شكله وهو يشوف على ام عياله والود وده ذيك الساعه هههه لاتعليق لانه نحن بطبيعتنا نفرح اذا لقينا حد نعلق عليه اخطائنا ههه .. عاد بيذلها ذل لانها نست المحفظة فوق التلفزيون هههه.. مب كانه هوه الغلطان

    بس عن جد تصرفك نبيل وما هو غريب عليك وحي القلم.. بصراحة احسنت التصرف في هذا الموقف
     
  6. عايش يومه

    عايش يومه ¬°•| عضــو شرف |•°¬

    هههه ضحكتني بجملة اسود وجهي .. اتخيل نفسي مكانك هههه بصراحة موقف لاتحسد عليه ..

    بس الحمد لله انه الموظف كان مواطن منا وفينا مثل ما تفضلت ..ماشاء الله عليه .. رغم انه ممكن هوه يخسر وهو الله اعلم براتبه كم اذا كانت تثقته في شخص غيرك ما طلعت في محلها

    شكرا على هذه المداخلة بن الريان
     
  7. عايش يومه

    عايش يومه ¬°•| عضــو شرف |•°¬

    ههههه ... هذا من اصعب المواقف اذا كانت زحمة هههه .. عاد يكفيك نظرة الواقفين هههه لاتعليق

     
  8. حكاية روح

    حكاية روح ¬°•| سَحَابة صَيفْ |•°¬

    السلام عليكم ورحمة الله وبركاته ،،
    الموضوع رائع ماشاء الله وفكرته ،، طيبه
    ،
    قريت الردود وصراحه مما ضحكت بأكثريه ههههه

    واتذكرت موقف صار انه حرمه كانت لازم تدفع مبلغ 10 دراهم بس يعني ريال
    فالموف يقولها لازم تدفعي هذي سياسة المكان
    وهي تقول انه ولدها يا انه زوجها ما بيي الحين بيتأخر وهي ماعندها البيزات ولازم تروح ،،
    الموظف كان يستفز بصراحه وهي ع الله تحاول فيه لكن هو لا حياه لمن تنادي
    وخصوصاً انها حرمه كبيرة سن ,, و10 دراهم لو 100 بعد بقول لكن 10 دراهم
    المهم بعد ماصار الموظف يتمادى بأكثريه اتقدمناها على نية ندفع هالعشر دراهم
    لكن للأسف ماشي خرده -_- ~ فـ عطيناه 100 درهم اخذ الـ 100
    بدال لا ينهى الموضوع وخلاص العالم واقفه عشان 10 دراهم
    قام بعده يكمل يناقش ويكلم الحرمه ويلوح بالـ 100 بدال
    لا اييب الخرده قام بعده كمل يكلمها موظف لاتعليق عليه
    عقبها بشوي في احد هزبه وقام راح اييب خرده والحرمه خذت اغراضها وتوكلت
    ،
    المؤسف بالامر انه بالاحيان مافي موظفين مثل اللي صادفه بن الريان ،،
    /
    /
    موقف آخر احد الله يذكرها بالخير طالعه مع اهلها السوق
    ومارين ع الاخضر واليابس وشارينه حق العيد على ما اظن
    فصار انه عند الحساب ،، طلع المبلغ فوق اللمت المحدد الليي شله بوك بزود
    فوقتها وقفوا كلهم عند الحساب ما ردوا الأغراض
    اتصرفوا بطريقة ثانية -- راح اخوهم يسحب بيزات :eh_s(6):
    طبعاً قدام الكل ماشاء الله ،،
    ،
    ،
    عايش يومه يعطيك العافيه ع الطرح . . مثل هالمواضيع
    تعطينا فرصة لـ استدراك المواقف من خلال مواقف الآخرين نستفيد
    ،
    يختم بـ يستحق المشاهده
    ودي وعبير وردي
     
  9. miss 6air

    miss 6air ¬°•|مُشِرفَة سَابقة |•°¬

    آنـــا هآااي صصارتـلي ،

    كَنت ذاج اليوم نآسيه بوكـي ع السرير ورحت محاضراتي
    وآنا راجعه مريت الفير آشتري

    وشريت وشريت وشريت ،
    ويوم آني خلصت محآسبه ، آدور البوكـ م الشنطه وآتاارييه محدد

    بس الهنديه لي تحاسب مآقصرت
    قالتلي روحي ويوم تيين مره ثانيه هآاتـي البيزات

    بسس آم الفشله كآانت , ,
     
  10. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    موضوع جميل جدا يسبر أغوار النيات والمواقف
    ما أذكر صار عندي مثل هالمواقف ولله الحمد ولكن الخير في الناس مو معدوم
    قصة يخبرني بها أحد الناس يقول أنه كان يشتغل في محطة وقود وفي ليلة ع الساعة 2 صباحا جاءه شاب بدا عليه آثار الضرب. قال له: أخي أنا ما عندي محفظتي ولا فلوسي وعندي مشكلة وأريد منك تعبي وقود ب ريالين وأوعدك.... صاحبنا قاطعه وقال لها لا تكمل وروح استريح. صاحبنا عبا له السيارة وذهب

    بعد يومين لما جاء صاحبنا للعمل استدعاه المسؤول الهندي ووجد في المكتب شخصان عمانيان. فقام أحدهما وصافح صاحبنا وقال له: أنا أشكرك ع شهامتك مع أخوي والله يكثر من أمثالك وأنت ما لما جاك ما طلبت منه إثبات ولا سألته عن اسم وأنا الآن اطلب منك تطلب ال لي تبيه ولا تستحي أيا كان. صاحبنا قال: أطلب بس الريالين حق الشركة. فقال له: لا تستحي اطلب ال لي تبيه. فقال: الريالين لا غير وما أريد غير سلامتكم
    يقول صاحبنا أنه في آخر كل شهر كان المسؤول الهندي يأتي له ب100 ريال ويقول له هذه مرسلة لك. ويقول أن الشاب الذي أتاني تلك الليلة عرف فيما بعد أنه ابن نائب محافظة مسقط

    هل جزاء الإحسان إلا الإحسان
    والحمد لله رب العالمين
     
  11. المزن

    المزن ¬°•| مشرفة الأُسرَة و الطفل |•°¬

    onion head3 كم من المواقف المحرجة صارت معنا onion head3
    اذكر كان اخوي ماخذ كل الفلوس قال بروح ايب شيء من هالمحل وبرجع
    وحضرته ×× تاخر واحنا حاسبنا ومايكفن الفلوووس انسحبت اختي من وراا ورااحت المحل وتاخرت هي الثانية وكانت في عائلة مصرية والحرمه تتحرطم اوين ليش احنا وااقفين ساعة بعد طول انتظار رجعوا اخواني ودفعنا بعد ماكان في احرااج
    ...........
    صرااحه لو الموقف صار في مكان قريب من بيتنا كنت بتصل باحد من الاهل يجيب لي الفلوس ××
    لكن عااد لو كان المكان بعيد >< او زحمه
    هذي عاااد اووم الورطة :DSS:
     
  12. عايش يومه

    عايش يومه ¬°•| عضــو شرف |•°¬

    حكاية روح مشكورة على هذه المداخلة المميزة مثلك دائما ..

    من خلال هذا الرد في المشهد الاول نستفيد انه الواحد يتحذر وما يخلي نفسه في موقف محرج وخاصة اذا كان الموظف مثل ماذكرتي في القصة !! وفي نفس الوقت اذا كنت موظف الواجب احترم الناس واراعيهم سبحان الله كل انسان معرض للنسيان وهيه كل ابوها 10 دراهم !!!
    الواحد يحاول يخلي الناس تدعي له ما تدعي عليه !!!

    اما المشهد الثاني وانا اقراه اتضايجت هههه فما بالك عاد انا اكون خلف هالعائلة انتظر حضرة سي السيد الين يرجع ويحاسب !!! هههه

    انا عن نفسي اذا رحت السوق وشفت الاغراض وايد افتح البوك واتاكد من المبلغ اللي عندي وبعد ما اتاكد اقول للمحاسب وقف الحساب مثلا عند مبلغ معين عشان ما اتورط

    وحلو الواحد بعد يتاكد من وجود الفيزا كرت او بطاقة السحب في المحفظة تراها تنفع في مثل هالاوقات

    مشكورة على الختم مشرفتنا المميزة
     
  13. عايش يومه

    عايش يومه ¬°•| عضــو شرف |•°¬


    عذر الرجيم يمدحونه في مثل هالاوقات هههههه ، هيه والله فشله عاد جدام الناس وخاصة عاد انتوا في هالسن
     
    آخر تعديل: ‏16 أوت 2012
  14. عايش يومه

    عايش يومه ¬°•| عضــو شرف |•°¬


    مشكور بو رسيل على هذه المداخلة الرائعة واللي اكيد انها من شخص رائع ..بس والله فرحتنا ... حسيت انه الدنيا بعدها بخير ​
     
  15. [ود]

    [ود] ¬| رُوحٌ مُحلِّقَة بَين أسْرآبِ الأمَل ✿ ،

    استمتعت بقراءة مواقفكم :cupidarrow:
    عن نفسي الحمد لله ما صار معاي شي من هالقبيل
    لازم يوم أظهر أشيك على الفون و البوك و أتأكد أن كل شي موجود
    ما فينا عالفضايح هههههههههههه
    لكن لو صار لا قدر الله بكون في قمة الاحراج لكن ما ببين وبتصل بحد من الأهل
    اييب لي الشسمة
    و الأمور طيبة

    شكرًا أخوي عايش يومه موضوعك حماسي
     
  16. мά∂εмσίşάĻĻe

    мά∂εмσίşάĻĻe ¬°•| مشرفة سابقة |•°¬

    ههههههههه
    موضوع حلو بصررراااحه
    لكن الحمدلله انا ما استوتلي مثل هالمواقف
    و لا انحرجت من شي الحمدلله
    لاني لازم انتبه ع كل اغراضي قبل لا اطلع من البيت
    و عسى ما يصير لي من هالمواقف في المستقبل القريب يعني هههه
    اشكرك على الموضوع ابداع
    تقبل مروري:imua40:
     
  17. عايش يومه

    عايش يومه ¬°•| عضــو شرف |•°¬


    هههه حلو نستعرض ردة افعالنا في بعض المواقف ... بس الين الحين ما صار لك ولا موقف !! هههه يعني نقول ان شاء الله في العيد مثلا هههه احلى دعوه صح

    مشكورة على المرور بس خلك قريب .. لانه اكيد بنستعرض مواقف ثانيه
     
  18. عايش يومه

    عايش يومه ¬°•| عضــو شرف |•°¬

    الابداع انتوا اهله يالله ماعليه نقول ان شاء الله ايام العيد ههههه
     
  19. عايش يومه

    عايش يومه ¬°•| عضــو شرف |•°¬

    انا بذكر موقف من ضمن المواقف من زمااااان

    كنا رايحين شباب نتمشى ومرينا قريب بيتزاهت العين وعاد الشباب يالله اليوم عشانا على عايش يومه !! ياهي ورطه انزين فلوسي مايكفن اعرفهم اللي وياي اذا كلوا ياكلون صدق .. وانا بعد كنت يوعان .. قلت لهم عليه لف السيارة .. صاحوا الربع عاش عايش يومه عاش عاش عاش هههه
    المهم دخلنا وطلبنا ما ادري كم وحده من الحجم الكبير بعد سوبر بريم ما اعرف شو اسمها وهات يا شيبس وهات يا خبز بالجبن .. المهم كلنا اكل ذاك اليوم ... على قوله شيبتنا كنتاكي حتى الاشباع .. من خلصنا بعدها سوالف وضحك والشباب مستانسين .. انا رحت اغسل ايدي ومنها على طول وينك يا الباب ههههههه
    اتريتهم عند السيارة .. صح انهم تاخروا بس اخر شيء طلعوا والشرار يتطاير من عيونهم !!! ياهي مصيبة الحين شو اسوي هههه وعاد مب سب انسبيت ذاك اليوم قلت لهم شو اسوي رحمتكم شفتكم يوعانين ههههه

    اعترفت لهم قلت لهم فلوسي ما يكفن المهم مسكوني وفتشوني وما ادري كم لقوا في جيبي وشلوهن وتجاسموهن هههه.. بس اللي متاكد منه انه المبلغ مايكفي نص المبلغة اللي دفعوه هههههه
     
    آخر تعديل: ‏20 أوت 2012
  20. [ود]

    [ود] ¬| رُوحٌ مُحلِّقَة بَين أسْرآبِ الأمَل ✿ ،


    قل أعوذ برب الفلق :imua11:، عايش يومهقق16
    كنت ناوية أسير شمال اليوم onion head2، خلاص هونت عن يستوي لي موقفقق4Red fox4
    ،

    أما موقف البيتزا بصراحة مسكت ، و زين ما سويت :imua20:


    متابعون

    :شش10:

     

مشاركة هذه الصفحة