ما عندنا بنات يسوقن.....؟؟؟؟

الموضوع في ',, البُريمِي للِحِوار و النقَاشْ ,,' بواسطة الحلوة دوووم, بتاريخ ‏23 أوت 2008.

  1. الحلوة دوووم

    الحلوة دوووم ¬°•| عضو مميز |•°¬

    سؤال للبنات والشباب ... بس للبنات أكثر


    أرجو النقاش فيه بحيث انه ( النقاش لا يفسد للود قضيه ) ..





    الحين .. يا بنات .. لو ياكم النصيب ..

    والريال .. والنعم فيه .. ادب اخلاق دين .. مكون نفسه .. راتب يعني فيه الحمدلله كل شي اوكي ..

    وقالج .. باخذج ع سنة الله ورسوله .. وانتي وافقتي ..

    بس قالج بشرط ..


    [ ما عدنا بنات يسوقن سيارات .. ولا عدنا بنات يشتغلن ]


    ها الكلام مشهور اتوقع في اغلب الجبايل ..


    الحينه .. ما اتوقع الحياه ترحم .. يعني .. اتوقع الليسن ضروري للبنت والولد ..


    يعني الحينه ابا اخذ رايكم يا شباب وبنات ..




    الشباب اذا يا حد وقال لخواتكم هالشي ..

    شو بيكون رايكم = ) ..

    وإذا انتو تقدمتوا لوحده تسوق شو ردت فعلكم؟

    والبنات لو انحطو فهالموقف شو رايكم ..؟؟
     
  2. سعود الظاهري

    سعود الظاهري :: إداري سابق ومؤسس ::

    يسلموؤ خيتو ع الموضوع لانه صدق موضوع

    يستحق النقاش فيه


    الليسن والشغل مب شي ضروري اذا كان الريال مقتدر

    يعني شحقـه تبين الليسن خلي ريلج يوديج وييبج ملزوم بج

    والحين بنات هذا الزمن يشتغلن حق الخقة مب الكل المعظ الوحدة تفصل ثلاث عبي في الشهر والعباة 800 وألف
    يعني الراتب ماتستفيد منه وغير العطورات الشنط والمنكير والبدكير والروج والخرابيط

    بس المشكلة
    زمان اول راح وخلـص
    الحين اللي يتقدم للبنت اول شئ يسئولنه قبل كل شي البنت موظفة .. الاخلاق مب مهم عنده يعني مايسألوا عن الاخلاق
    بس مايمنع أنها تاخذ ليسن لاقدر الله هو محد أو شي وكان الولد مريض
    يعني في هذي الحالة بتقدر تودية المستشفا أو أنها تيب عباتها من الخياط مايمنع هذا الشي أذا كان هو هب موجود أما تعطيها سيارة وتقولها وين تبي تسيري سيري عيل زوج شو هي ماخذتنة تفق برزة
    والسموحة
     
  3. دلوعه ابوها

    دلوعه ابوها ¬°•| عضو مميز جدا |•°¬

    ااا

    زمان اول راح وخلـص
    ............. الصراحه انا اشوف اليسن مب ضروري للبنت.................
     
  4. الكعبية

    الكعبية ¬°•| مراقبة سابقة |•°¬

    صح انه الليسن ضروري

    بس اذا الريال ما بيقصر هذا شي عادي

    وبنستغنى عن الليسن

    اما اذا الريال عياز

    هذا بيكون اول شرط عندي

    ههههههههه
     
  5. دايم الشوق

    دايم الشوق ¬°•| مُشرف سابق |•°¬

    بالفعل الليسن ضروري للبنت وللولد ,, لكي نواكب متطلبات الحياة ,,,

    في زمننا هذا ,, تحدث اشياء كثيرة ,,, وظروف الحياة ومتطلباتها ,, تجبر كل منا على فعل أشياء لا يريدها ,,,


    مجرد مداخلة ؟,,


    يسلموا ع الموضوع
     
  6. حشيمة القلب

    حشيمة القلب <font color="#DA0202"><b> ¬°•| إدارية سابقة |•°¬<

    بصراحه الليسن ضرروي بس وقت الحايه طبعا ... لو الريال مقتدر وحالته زينه اوكي ماعندي مانع خلها تولي السواقه ليش اضيع نصيبي عشان اهو رافض اني اسوق عادي يمكن مع مرور الايام اقدر اقنعه واسوق اذا رضا كان بها مارضى عادي شو اسوي اذبح عمري

    لا سمح الله اذا سويت حادث بسيط منو بيكون معاي ؟ و جيه ولا جيه مجبوره ارمس الريال اللي داعمني أو الشـــرطة ومب حلوه فحقي فانا اقول يازين الريال اللي يمشي حرمته ويوديها المكان اللي تباه ..... بس وقت الحايه للطوارئ تسوق

    اما عن الشغل انا اقول نشتغل بمكان فيه حريم ماعنه نادر نحصل مكان فيه حريم بس الحين كله مختلط واذا مايباني اشتغل مب مشكله اذا اهو مكفي وموفي ^_^

    و أنـــا إذا قالوولي ماسوق و لا أشتغــــل ما بمانــــع يعنــي عادي لأنه يمكن لمصلحتـــي

    ومشكووووره فديتج ع الموضوع

     
  7. فراولة

    فراولة ¬°•| عضو مبتدى |•°¬

    بالفعل الليسن ضروري للبنت وللولد ,, لكي نواكب متطلبات الحياة ,,,

    في زمننا هذا ,, تحدث اشياء كثيرة ,,, وظروف الحياة ومتطلباتها ,, تجبر كل منا على فعل أشياء لا يريدها ,,,

    مثل ما قال دايم الشوق ,,,

    احياناً ظروف ومتطلبات الحياة تحتاج انه الواحد يكون عارف كل شيء ,,,


    تسلمين خيتوه
     
  8. الحلوة دوووم

    الحلوة دوووم ¬°•| عضو مميز |•°¬


    تسلم يا الظاهري وانا وياك في كل كلمة قلتها....
     
  9. الحلوة دوووم

    الحلوة دوووم ¬°•| عضو مميز |•°¬

    أحترم رايج....
     
  10. الحلوة دوووم

    الحلوة دوووم ¬°•| عضو مميز |•°¬

    مشكورة على المرور الطيب...
     
  11. الحلوة دوووم

    الحلوة دوووم ¬°•| عضو مميز |•°¬

    تسلم اخويه ع المداخلة وان شاء الله دايما تنور مواضيعي....
     
  12. الحلوة دوووم

    الحلوة دوووم ¬°•| عضو مميز |•°¬


    مشكوره وانا اوافقج في الرأي ....
     
  13. الحلوة دوووم

    الحلوة دوووم ¬°•| عضو مميز |•°¬

    مشكورة ع المرور وان شاء الله تكوني عضو مستانس ويانا في المنتدى ودايم اطلي على مواضيعنا....
     
  14. الغافري

    الغافري ¬°•|عُضوٍ شًرٍفٌ |•°¬

    للظروف احكام ولكل حادثة حديث ............. شئ يخص الخلق أنا ما بتدخل
     
  15. الحلوة دوووم

    الحلوة دوووم ¬°•| عضو مميز |•°¬

    Thank you.....
     
  16. إبن البريمي

    إبن البريمي ¬°•| عضو مبتدى |•°¬

    والله إنك عجبتني في ردك بس بسأل سؤال بسيط للبنات بنج و بين نفسج ما تريدين تسوقين بالذمة ؟
    على فكرة هذا الرأي شخصي و اللي مايريد يسوق ماله خص في الناس و بعدين إنت يابطل ياللي كل شي عندك عيب ياخي افترض إنك ساكن في مكان بعيد و مكان عملك بعيد و محد يقربلك في المنطقة و لاسمح الله انك مرضت أو صار شي طارئ ما كنت بتتمنى لو كانت الزوجة عندها ليسن و تسوق؟؟؟
    إقنعني بعد لو إن زوجتك تشتغل مدرسة قبل ما تتزوجها كيف يعني بتشرط عليها تترك عملها يعني من إنت عشان تفرض سيطرتك على الناس ياخي البنت اللي تريد تحافظ على عفتها و شرفها بتحافظ و بتكون مصونة و العكس صحيح يعني الليسن مب عيب العيب في سؤ إستخدامه يعني مب شرط إن اللي عندها ليسن بس تلف و تحوس في الشوارع و البنات غير عن الشباب و ياخي لا تحكمون حكم تعسفي و صدق إنتن يالبنات تريدن الرجال يفرضون عليكن رأيهم في كل صغيرة و كبيرة و حكمكم مب شرط يكون صحيح لأن مب كل الناس فاضيين في كل وقت و مب كل الناس تشتغل في نفس المكان اللي ساكنين فيه ألهلهم و أقاربهم يعني اللي متزوج و ساكن في مسقط و محد عنده من أهله الليسن مب ضروري للزوجة ؟ أنا أشوفه ضروري و لازم بعد في حالة المرض و الاشياء الطارئة و ليس للف و الدوران ..... مواضيعكم اللي فيها حرية شخصية و اللي تمس الناس بتجريح بحكم إنكم نحكمون و تنظرون بعين وحده رجاءا لا تحطوها مع إحترامي لكاتبة الموضوع ليش تريدين رأينا و بعدين تأيدين هذا و هذا خلاص ياخي هذي وجهة نظرج و احتفظيبها و السموحة إذا كان كلامي فيه يزعل
     
  17. الغافري

    الغافري ¬°•|عُضوٍ شًرٍفٌ |•°¬

    شكرا

    لا تعليق

    كل زوجين يتفاهموا وحرين في أنفسهم

    ي

    هذا شئ راجع لها يلي تسوق

    .

    لا تعليق .........

    أنا أشوف محد قال شئ كل شخص براية في الحياة
     
  18. كبـــــــريـاء

    كبـــــــريـاء ¬°•| مُشرفَة سَابِقِهْ |•°¬

    الليسن اصبح امر ظروري لكل امرأه عامله ،، وانا اؤيد المرأه في هذا 100%
     
  19. الحلوة دوووم

    الحلوة دوووم ¬°•| عضو مميز |•°¬


    ما قصرت....
     
  20. الحلوة دوووم

    الحلوة دوووم ¬°•| عضو مميز |•°¬

    مشكورة فديتج على المرور .... واحترم جهة نظرج 100%
     

مشاركة هذه الصفحة