اعتقادات الشواب والعيايز

الموضوع في ',, البُريمِي للتُراثِ والحَضارات ,,' بواسطة الخزامى, بتاريخ ‏7 جوان 2012.

  1. الخزامى

    الخزامى ¬°•| عضــو مــهــم|•°¬

    اعتقادات الشواب والعيايز

    تعالو نشوف علوم اول :

    - بوبشير، وهو حشرة ضعيفة وطويله و عندها اينحه طوال، كانوا يعتقدون إذا جافوه يبشر عن ضيف ياي أو عمل ناجح او المطر بينزل .
    -ام النقيع هي حشرة من الخنافس، كانوا يمسكونها بإيدهم ويتمنون أمنية إذا نقعت بتتحقق الأمنية وإذا لا ما بتحقق.
    - الطيطار إذا ظربناه وانقطع ذيله لازم ينحط على الذيل شيء لأنه يدعي على أهل البيت. منو خاطره في طيطار مقلاي ولا مشواي على الطريقة الافريقيه.. شو لاعت جبودكم ؟
    - هاي حق اهل البحر بس إذا بتاكل السمجة لازم تقطع راسها قبل ما تبتدي فيها.

    - تعالو يا الشعراء هاي لكم اصحاب المهياوه ما يخصهم : يقولون اللي ياكل لسان الذبيحة يستوي شاعر.
    - الماي مب زين ينشرب حزة المغرب، لأنه يمرض.

    - يوم بتي ترقد لا تحط الماي عند راسك لأنه يخف نظر العين. حطوه تحت المخده

    - كانوا يقولون الرقاد العصر يقصر العمر.

    - النعال ( عزكم الله ) مب زين يتم مجلوب، لأنه يدعي على أهل البيت أو تستوي مشاكل وضرابه ووتكفيخ .ويقولون حرام اتم الجهة السفلية من النعال
    مجابلة السما لان فيها الله...(انزين والوصخ المكود ع الارض...ما يجابل السما؟)

    - كانوا يدخنون بالشبه لأنه يطرد الحسد.

    - كانوا يقولون إذا رفت العين اليمين خير، وإذا رفت العين اليسار شر.

    - إذا كفك اليمين حجك يعني بتعطي حد فلوس، وأذا اليسار بتقبض فلوس(( أظني كل حد بيتمنى ا يده اليسار تحجه)).

    - إذا خشمك حجك يعني بتسلم على شخص ياي من بعيد.

    - إذا ااذنك انسدت يعني حد يطريك يا بالخير أو بالشر.

    - أذا كان شخص طالع وزقريته أو قلتله لا تطلع (( يعني تنعبه - تزقره بلهجتنا )) مب زين، لأنه يمكن يستويله شي.


    - الياهل ( الطفل ) لازم يحطون في منزه ( مهده ) سجين وملح وقرآن، عشان يحفظه الله بالقرآن، والسجين والملح عن الجن. طبعا اليوم يحطون حق الياهل النيدو والسيريلاك


    [​IMG]
     
  2. إحسآإسي غير

    إحسآإسي غير ¬°•|مشرفة طٌـلبـِة الْـمٌداِرًسَ |•°¬

    السلام عليكم و رحمة الله و بركاته
    يسلمو نقاء ع المعلومات عن المعتقدات الاوليه و حسيت ان بعضها لليوم و بعضها منقرضه و ضحتني شوي هع
    كل الشكر ع الطرح المميز
     
  3. آـْآڼۧـْثـْﮯ خَـْرآـْآفـّـۧيـْﮧ

    آـْآڼۧـْثـْﮯ خَـْرآـْآفـّـۧيـْﮧ ¬°•| عضو مميز جدا |•°¬





    جمييل مآقد طرحته
    آنآملك المبدعه
    دليل على ذوقك المتميز
    تسلمين على الطرح المتميز
    لا عدمنآ طلاتج الدآآيمه
     
  4. حنآيآ

    حنآيآ ¬°•| عضو فعّال |•°¬

    معتقدآت غريبه بعض الشيء!!...

    شكرآ ع الطرح ..
     
  5. ν̵̵̵м̨нخَг̵̵

    ν̵̵̵м̨нخَг̵̵ ¬°•| مشرف سابق |•°¬

    شيبنى الاولين محد احكم منهم
    بسس اعتقد هاي خرفاتهم
    [​IMG]
     
  6. أرمينا

    أرمينا ¬°•| عضو فعّال |•°¬

    يسلموووووووو على الموضوع
    سالفة الحشرات أول مره أعرفهن !!!
     
  7. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    اثنتان شدتا انتباهي

    سالفة الحسر أم منيقع، لما زمان في المزرعة وخاصة ايام الجداد، كنا نمسكها بس عشان نسمع صوتها لا غير، وما أدري عن قضية المعتقد، وما اسمعت أحد معنا يطريها
    وأما نومة العصر فما تزال مستنكرة عندنا بس تخف مع الوقت
     
  8. miss 6air

    miss 6air ¬°•|مُشِرفَة سَابقة |•°¬

    يسسلمووآ

    معلومات مب كلها يديده

    الاغلبيه أعررفهـا

    أختي دوم تاكل لسان الغنم واسمنها شاعره
    بس انا ما احبه وبعدد شاعره هع

    آمآيه بعدد تقول لآ تلبسوا القميص جلب لآ ينجلب حظكم

    ويوم تدخنا بالبخور تدخنا من جدام ومن ورا
    أونه تقول عن ما يباج ولد عمج هههه

    سسوالف شياب :ast7y:
     

مشاركة هذه الصفحة