تعال ضم الضلوع اللي عوى ذيبها

الموضوع في ',, البُريمِي لـ القَصائد المنقولة' بواسطة احاسيس الكون, بتاريخ ‏4 جوان 2012.

  1. احاسيس الكون

    احاسيس الكون ¬°•| عضو مثالي |•°¬

    سافر بقلبي وغيب ولا تسافر بعيد
    أزبن ضلوعي ليا جا الليل تمسي بها




    ماعاد يمديك تسري جا ورى البيد بيد
    نوْخ اركاب الغلا تعبت مناديبها



    تعال واحيي العروق الذابلات الهميد
    انعش حنايا الضلوع اللي عوى ذيبها


    لو غربة الشوق طالت شاب حرف القصيد
    والروح شوفك وقربك هي مطاليبها


    روحي وقلبي ضيوفك يالغزال الشريد
    وضيوف الاحباب في حكمة معازيبها


    ذابت عليك المشاعر بين قاف ووريد
    ونور السعادة طفى .. توحش سراديبها


    العمر تنقص سنينه وانت حبك يزيد
    واحلام عمري معك تقبل وتقفي بها


    غربة زماني حزينة والمواصيل عيد
    وسود الليالي ترى الفرقا عذاريبها


    صدق الليالي عنيدة مير راسي عنيد
    والله ماأذل نفسي في هناديبها


    ياليل دوك العذاب وهات صبحٍ جديد
    تعبت أعدي واحول من مراقيبها


    ماكل حيٍ تمنى يوصل اللي يريد
    متى الليالي معك تصفي مشاريبها


    يامنتحي عن عيوني منك وش استفيد
    تعال ضم الضلوع اللي عوى ذيبها

     
  2. ŔξVẼήĜξ

    ŔξVẼήĜξ ¬°•| فنّانُ أسـطوري |•°¬

    رائع جداً
    شكراً على النقل
     
  3. احاسيس الكون

    احاسيس الكون ¬°•| عضو مثالي |•°¬

    مرورك الاروع


    :imua6:
     

مشاركة هذه الصفحة