ممكن مساعدة

الموضوع في 'جَامعة البُريمي | University of Buraimi' بواسطة طبعي الوفااا, بتاريخ ‏31 ماي 2012.

حالة الموضوع:
مغلق
  1. طبعي الوفااا

    طبعي الوفااا ¬°•| عضو جديد |•°¬

    مرحبااااا
    حبيت اعرف معلومات عن جامعة البر يمي لاني حابة احطها الخيار الاول ف التسجل إذا ما عليكم امر ممكن تفيدووووووووووووني :50399aa2a5b1e0dda15
     
  2. ŔξVẼήĜξ

    ŔξVẼήĜξ ¬°•| فنّانُ أسـطوري |•°¬

    هذا موقعهم الرسمي
    http://www.uob.edu.om/

    وانا عن نفسي ما عندي أبد فكره عنها هالجامعه
    ياليت تذكرين شو اللي تبين تعرفينه بالظبط
    وان شاء الله اللي عندهم معرفة أو لهم تجارب بيساعدوج

    احترامي لج ومرحبابج ويانا
     
  3. همس العُطر

    همس العُطر ¬°•| روح مُنـاهآ الجنّة|•°¬

    مرحبتـن ، ويا هلابج :1:


    جامعة البريمي جامعة مرتبطة بخمس جامعات أوروبية

    فيها 3 كليات :
    1) كلية العلوم الصحية > تمريض - علوم بصريات - صيدلة ( بس الحين لغوا هالتخصص )
    2) كلية الهندسة > هندسة معمارية - هندسة مدنية - تكنولوجيا المعلومات
    3) كلية التجارة > إدارة الأعمال الالكترونية - إعادة التصدير

    الدراسة :
    * أول سنة تكون سنة تأسيسة أو يمكن على طول ادشين التخصص على حسب مستواج بعد ما يسووا امتحان تحديد المستوى ..

    والمستويات إلي فيها الحين [ هذا إذا ما غيروهم السنة اليايه ]

    1) Elementry
    2) Intermediate
    3) Advance

    * الشهادات > دبلوم - بكالوريوس ، على حسب شو بتختاري


    * التخرج > تتبع الجامعة نظامين تختارينهم قبل لا تدخلين التخصص .

    1) نظام الشهادة الأوروبية >
    ما تدخلين التخصص إلا بعد ما تاخذين شهادة الآيلتس
    وبالمعدل المطلوب على حسب في أي كلية انتي .. كلية الهندسة بمعدل 5 ، وكلية العلوم الصحية بمعدل 6 ، وكلية التجارة ما أعرف الصراحة كم .
    وتدرسين كل المواد بدون حذف ..
    وتقدمين بحثين على مستوى البكالوريوس وتشرحينهم ..


    2) نظام الشهادة العمانية >

    تدخلين التخصص بدون شهادة الآيلتس ،
    ويصير تحذفين المواد إلي ما تبين تدرسينها ..
    والشهادة معتمدة من أوروبا ..





    وبس ,, هذا إلي أعرفه ما دام إني أدرس في هالجامعة ..
    بس انتي ادخلي موقعهم واسألي أكثر وتأكدي من المعلومات إلي عطيتج إياها إذا بغيتي
    وأتمنى أني قلت كل إلي تبين تعرفينه ..
    وأي سؤال نحن حاضرين :1: وبالتوفيق لج
     
  4. طهر

    طهر ¬°•| مشرفة سابقة |•°¬

    .
    .

    الأخت هَمْس الحَرآير كفّت ووفت
    وإذآ عندج أي استفسَـآر أحنـآ ف الخدمه
     
حالة الموضوع:
مغلق

مشاركة هذه الصفحة