استفسار يااخوان ارجو الدخول (فزعتكم)

الموضوع في 'البُريمِي للِسيَارات والمُحَرِكَات' بواسطة سلطان الدوسري, بتاريخ ‏11 ماي 2012.

  1. سلطان الدوسري

    سلطان الدوسري ¬°•| عضو جديد |•°¬

    السلام عليكم كيف الحال يااخواني عساكم بخير

    انا اخوكم سلطان الدوسري من السعوديه
    وعندي اكثر من استفسار واتمنى منكم مساعدتي ولو اني
    بثقل عليكم شوي لكن تحملوني انا ارغب بشراء سياره من البريمي

    س1/ كم اسعار الافالون فل كامل شاشه واللكزس es350 فل كامل شاشه .

    س2/ اذا كتب الله وشريتها هل يسمحون لي بالسفر عليها داخل عمان مثلاً ودي اروح مسقط وصلاله
    اتمشى يعني وش الاجراءات اللي لازم اسويها لان الموتر بيكون تصدير ومن وين اطلع لمسقط من اي منفذ

    س3/ وين القى الخناجر العمانيه ( الزراف ) وهل يسمحون بدخولها معي
    واذا يسمحون كم اقدر اشيل معي من خنجر يعني لو خذيت 5 والا 6 خناجر
    يسمحون بدخولها مع الجمارك



    اتمنى منكم اخواني ماتبخلون علي بالمساعده والله يجزاك الفردوس الاعلى

    اخوكم.
     
  2. [ود]

    [ود] ¬| رُوحٌ مُحلِّقَة بَين أسْرآبِ الأمَل ✿ ،

    مرحبا وحياك الله أخوي سلطان الدوسري
    على العين والراس
    بعض الاستفسارات أقدر أجاوبك عليها
    بخصوص استفسارك عن أسعار السيارات ،هذي أرقام وكالة تويوتا في البريمي
    اتصل عليهم واستفسر
    وكيل تويوتا في البريمي سعود بهوان وارقامه كالتالي :
    0096825650022
    0096825651825
    فاكس رقم 0096825650351
    /
    الخناجر تلقاها في سوق نزوى
    /


    باقي الاستفسارات أعتذر منك

    و إن شاء الله الأخوان ما بيقصرون


    ،


    الله يحييك مرة ثانية




     
  3. سلطان الدوسري

    سلطان الدوسري ¬°•| عضو جديد |•°¬

    هلابك والله يسلمك واشكرك على ردك وحسن اخلاقك

    أين يقع سوق نزوى ومن وين اطلع له وكم يبعد من الامارات ؟؟

    ومشكوره للمرة الثانيه والله يبقيك ويطول عمرك
     
  4. سلطان الدوسري

    سلطان الدوسري ¬°•| عضو جديد |•°¬

    الارقام اتصل فيها مايردون علي

    ياليت احد الاخوان يفيدنا عن الاسعار وباقي الاستفسارات

    والشكر موصول للجميع
     
  5. alshibli

    alshibli ¬°•| مراقب عام |•°¬ إداري

    وعليكم السلام أخي سلطان ..

    امممم

    حاب اقترح عليك رحله معينه ..

    أول شي انت بتكون فالبريمي ..

    الرحلة الاولى راح تكون من مسقط إلى صلالة ..
    طبعا بالطائرة .. اما اذا كنت حاب بالسيارة
    بعد ما مشكلة .. اهم شي توصل مسقط ..

    انا بعطيك موجز المسافات من وإلى ..

    من البريمي إلى مسقط 320 كم.. ( 3 ساعات )

    من مسقط إلى صلالة 998 كم ( 9 ساعات ونصف على الأقل )

    من مسقط إلى نزوى 138 كم ( ساعة وربع )

    وبالنسبة لطريق البريمي - مسقط ..
    تاخذ منفذ وادي الجزي .. واللي هو من طريق البريمي صحار ..

    أي استفسارات ثانية ..احنا حاضرين .
     
  6. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    السموحة منك طويل العمر
    ما عندي خبرة بالمركبات وأما أرقام الهواتف إلي اتصلت عليهم فلربما إنهم مقفلين الحين

    وأما بالنسبة لعدد الخناجر فبحاول أشوف وأجري اتصالاتي وبرد عليك لاحقا إن شاء الله

    والسموحة منك

    أصحاب الخبرة في المنتدى لعلهم يدشون عما قريب ويفيدوك في الموضوع
     
  7. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    بس اهوه مش مشكلة المسافة عنده، المسألة أسعار السيارات ومسألة الخناجر(الزراف)
     
  8. سلطان الدوسري

    سلطان الدوسري ¬°•| عضو جديد |•°¬

    الله لايهينكم جميع وبيض الله وجيهكم

    ومثل ماقال اخوي ابو رسيل انا المشكله اني بسافر عالطياره
    من الرياض الى دبي والسياره بشتريها من البريمي طبعاً
    انتو عارفين نظام السياره بتكون لوحات جمارك الى ان اجمركها
    من الجمرك السعودي فهمتوني ؟؟ المشكله مو هنا المشكله
    اذا جيت بسافر بالسياره اللي مثلاً توني شاريها من البريمي
    هل اقدر اسافر عليها داخل عمان وهي بلوحات الجمارك ؟؟
    او يمنعون دخولها وهل اذا يسمحون الدخول وجيت ارجع
    اقدر ادخل معي خناجر وكم العدد المسموح دخوله من الخناجر
    اسف اني ثقلت عليكم لكن مالي الا الله ثم انتو فلا تخلوني
    من فزعتكم
     
  9. [ود]

    [ود] ¬| رُوحٌ مُحلِّقَة بَين أسْرآبِ الأمَل ✿ ،

    أخوي هذا الرقم حصلته ألحين
    0096825660100
    إن شاء الله يردون عليك ، إذا ما ردوا ألحين بيكونون مقفلين
    اتصل الصبح .
    و من عندهم استفسر عن موضوع الجمارك
    الله يوفقك

     
  10. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    إن شاء الله بيصير خير وأنا بحاول استفسر عن الموضوع وبشوف كيف يصير
     
  11. سلطان الدوسري

    سلطان الدوسري ¬°•| عضو جديد |•°¬

    اختي العزيزه شكراً من القلب على حسن كرمك واخلاقك
    واعذرينا اتعبناك معنا والله يوفقك الجميع

    اخوي ابورسيل

    لاهنت وابيض وجه وفي انتظار ردك ياغالي


    وياليت من عنده معلومه عن استفساراتي مايبخل علينا


    وشكراً للجميع اللي ردو واللي ماردو
     
  12. الهاجس

    الهاجس ¬°•| حكاية تميز |•°¬


    حياك الله أخوي سلطان الدوسري , عساك بخير

    بالنسبة لأسعار السيارات فالسموحة منك تراني ما أعرفها بالضبط ومثل ما تفضلوا الإخوان وعطوك أرقام هواتف للإستعلام ,,

    بالنسبة للتجوال في السلطنة بأرقام التصدير و موضوع حملك للخناجر
    بعطيك أرقام هواتف المنافذ البرية للجمارك الحدودية التابعة للبريمي بما إنك ناوي تتجول فالسلطنة وإن شاءالله يفيدوك الإخوان هناك ..

    جمرك وادي الجزي 0096825659335

    جمرك حفيت 0096825662009 ( هذا المنفذ تمر أولا بدولة الإمارات إذا كنت داخل البريمي بعدين تمر عليه )



    بالنسبة للإستفسار عن الخناجر هذا محل في ولاية نزوى بالمنطقة الداخلية تقدر تستفسر عن أسعار الخناجر ,,

    ( ركن الفضيات )

    هاتف نقال -
    0096899468484
    0096899716616


    والسموحة منك هذا اللي قدرت أوصله عشانك
    وبالتوفيق إن شاءالله
     
  13. سلطان الدوسري

    سلطان الدوسري ¬°•| عضو جديد |•°¬

    اخوي الهاجس الله يبيّض وجهك بياض الثلج
    انت والاخوان جميع انا اشهد انكم ماقصرتو
    وهذا دليل كرمكم الذي عرفتو به منذ القدم
    الله لايهينكم وجعلكم دوم سالمين اشكركم من القلب


    وصلنا الى نص الطريق وان شاء الله اتصل فيهم اليوم
    لاني بإذن الله مسافر بعد شهر اذا الله اراد لكن قلت ارتب
    للسفره احسن مااروح على عماها واللي عنده معلومات
    من اخواني الاعضاء يطرحها هنا مشكوراً



    تحيتي للجميع وماقصرتو جمعنا الله واياكم في جنات النعيم
     
  14. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    السموحة منك إني تتاخربالنسبة للسياراة إذا اشتريتها من عمان فبيكون اجراءاتها في الوكالة وعادة الوكالة تركب لوحة خاص على السيارة اسمها لوحة فحص ويعدين إذا حبيت تطلعها بيكون اجراءاتها في قسم المرور
    وأما بالنسبة للخناجر فالسموحة منك بعدني أبحث في الموضوع
     
  15. سلطان الدوسري

    سلطان الدوسري ¬°•| عضو جديد |•°¬

    بيض الله وجهك يابورسيل وماقصرت طال عمرك

    تم الاتصال على الارقام وتم الاستفسار عن كل شي
    وابشرك وجدت الجواب الكافي وهذا بفضل الله ثم بفضل وقفتم

    لاهنتو جميع ومشكورين
     
  16. `¤*«مُحمدْ البادِيْ»*-¤

    `¤*«مُحمدْ البادِيْ»*-¤ ¬°•| غَيثُ مِن الَعطاء ُ|•°¬

    الحمد لله أن فتح الله عليك
    إذا وصلت عمان تحفك عناية الرحمن فلا تنس أن تخبرنا بفترة عسى أن نلتقي
    والله من وراء القصد
     
  17. سلطان الدوسري

    سلطان الدوسري ¬°•| عضو جديد |•°¬

    الله يسلمك من كل شر يابورسيل

    بإذن الله اذا الله كتب لي روحه لعمان
    يكون لنا لقاء ان شاء الله

    تحيه للجميع بدون استثناء.
     
  18. ŔξVẼήĜξ

    ŔξVẼήĜξ ¬°•| فنّانُ أسـطوري |•°¬

    بالتوفيق لك
     

مشاركة هذه الصفحة