Ღ
ღ أ”أ£أ¦أژ ღ
زائر
السلام عليكم و رحمة الله وبركاتة
صباح / مساء ... الخير
شحالكم ؟؟
مقهوره يا نااااااااااااااااااااااااااااااااااااااااااااااااس 
اهئ ..
اهئ ..بخبركم شو صار اليوم ف المتعسة [ المدرسة ]
نبدا من اليوم فالليل
ماا قدرت ارقد ابداً .. و السبب ( الربو ملعوزني
) امبوني مفتكه منه بس اليوم ردلي !! >< ..
يسلت اتجلب.. احاول اني ارقد .. بس ما شيء فايدة .. مب قادرة اتنفس .. و كالعادة من ايني الربو يت وراه الكحة
شمعنى اليوم !!
شو هالنحاسة !!
كيف بجابل البنات !! ..
بيقولون فيها انفلونزا الخنازير ههههه
... البرنسيسة يوم سمعت حشرتي شردت من الغرفة و سارت تخبر امي
يتني امايه و قالت لي قومي بوديج المستشفى .. و رفضت .... ما فيني ع المستشفيات
قالت حق اخوي العود... وياني ... اونه ان ما قمتي بزخج من كشتج
و انا اقولهم ما فيني شيء
قالولي ما بتسيرين المدرسة لانج تعبانة و لازم ما تبذلين جهد ...
لييييييييييييييييييييييييييش ...؟؟ حرام عليهم ... اول يوم لازم اسير ... اشوف الوضع ف المدرسة .. اسلم على ربيعاتي ... آخذ كتبي و اعرف منو بيدرسني >< .. ياخي اليوم الاول لزوم اداومه
بس ما خلوني كل مرة يظهرولي شيء ... و آخر شيء اونه مناعتج ضعيفة و غصبن عنج ما بتسيرين
~> كنت بصيح اهئ
اهئبس امي شكلها رحمتني .. جان تقولي إذا رقدتي و رتحتي بتسيرين و إذا يلستي جيه ما شيء سيره ( هو بيدي !!
)
ظهرت عني و انا سرت ابلع ف هالحبوب
دورت الفنتولين بس للأسف ظهر جديم وايد ؛؛؛ ما قدرت استخدمه
اليوم يوم ميلادي و كله نحاسة .. شو هاليوووووووووووم ؟؟
اذن الفير .. وقمت اصلي
بصراحة حسيت بالراحة ... و من بعدها الحمدالله رقدت لييييين الساعة 6:50 .. الوقت اللي يت امي تقومني فيه
نشيت و انا متحمسة ..
شربت دواي و كلت حبوب و سرت للمدرسة ...
اول ما شفت باب المدرسة زغت ما ادري ليش ؟؟
شفت تجمعات البنات ( ولا جنهم محذرين من هالتجمعات ) .. دورت كلاسنا و بنت خالي وياي " بالعتلي راديو "
وصلت لقاعتنا و الحمدالله النص دارسة وياهن ذيج السنة ..
حجزتلي مكان ف السيد اللي جدام ( اونه عشان إذا ما بغيت انتبه ف الحصة .. غصبن عني انتبه .. لاني بكون ف الويه هع )
القاعة كانت متروسة غبااااااااااااااااااااااار
.. " وبدأت نوبة السعال الشموخية " .. طلعت كلينكس من مخباي و يلست امش الطاولة & الكرسي
تحسست
بمعنى ثاني ~> زجمت
وقـته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
يلست اعاطس و البنات زايغات
والله ما فيني شيء ...
ما عرفت شو اسوي ..!!
سرت اتمشى ويا بنت خالي .. عشان ما ازيغ البنات و انا منهد حيلي و مب قادرة امشي بس غصباً عني
و بعدين لقيت ربيعاتي ..." وبعد السلام " .. باركلي بيوم ميلادي .. وهدايا و ما ادري شو
وديت الهدايا الصف و يلست هناك ما قدرت اظهر بصراحة تعبت ..
.. الحصة الثانية يتنا مربية صفنا .. اللي هي ( ابلة الاحياء ) .. شكلها طيوبة بس ان شاء الله يكون شرحها زين
يا بولنا معقمات & تيشو قصدي كلينكس خخ
خخو مطويات و هالسوالف ... و يلست تتكلم عن الانفلونزا و شو اعراضة و كيف نتجنبه ........~
قالتلنا : طابور ماشيء / جمعية "مقصف" بعد ماشيء .. اللي تبا شيء تكتبه ف ورقة و بنيبلها اياه لين هنا / اللي تظهر من الصف يويلها >< / ... ألخ
و كل هالفترة و انا احاول اني ما اسعل و لا اعطس
بعد الفصحة .. صار شيء ما كنت اتوقعه ابداً ابداً ابداً ... قهرررررررررررررررررر
دخلت علينا الاخصائية و وياها وحدة
و سئلت منو فيها المرض الفلاني !!..و منو فيها جيه و جيه ؟؟,,
و آخر شيء قالت منو فيها ربوووووووووو ؟؟ ..
ما توقعت انه ورى هالسؤال شيء !~
فرفعت ايدي
و بعد ما خلصت اسئلتها
عطتني ورقة و قالتلي كتبي اسمج و المرض اللي فيج
كتبت و يليتني ما كتبت
قالتلي لا تداومين لين 7 / 11
.. شهرررررررررررررررررررر كامل ايلس ف البيت
مستحييييييييييييييييل
حاولت فيها منا مناك ما شيء فايدة اونه انتوا اكثر عرضة للأصابة بالانفلونزا و يلسوا ف البيت لين ما يوصل اللقاح
( بتفوتني اشياء واااااااااايد .. و هاي آخر سنة لي .. لو كنت 11 عادي بستانس بهالإجازة .. بس 12 ما اقدر )
قلتلها : انا كان فيني بس الحين خاز ما فيني شيء ~> احاول اجذب
بس ما صدقتني
قالتلي باجر تيبيلنا ورقة فيها تشخيص لحالتج من المستشفى
ظهرت هي و اللي وياها من القاعة .. و الحمدالله اني ما عطست و لا شيء ( و لا كنت بروح فيها )
احم احم .. كحكح
قهر × قهر × قهر
~> سويتلهم مناحة ف الصف
.. بصراحة شهر / وايد وايد و ايد \
يلست افكر ف حل .. بس ما شيء فايدة
إذا سرت المستشفى بيأكدون انه فيني
ليش ما اسير عيادة و اقردنلي حد ههههههه
بس ما ينفع
إذا خذت الإجازة بقولهم ايبولي مدرسة خصوصية و عادي بمشي وياها و بيكون بيني وبين ربيعاتي اتصال
بس برجع و خاناتي اللي ف سجل الدرجات فاضية
><
و الحل ؟؟
و زعوا الكتب .. الكيمياء و الفيزياء و الاحياء كانن صغار .. شكلهن حلو بس المؤنس و المفيد وايد كبار
و قعنا على ستلام الكتب .. وظهرت عنا الابلة
سرت عند بنت خالي وخبرتها بالسالفة
عصبت ..
..فكرنا ف حل بس ما شيء فايدة
ما وعيت إلا ببنت خالي ساحبتني عند الإدارة
كانوا حاطين البنات المريضات اونه بيودونهن المستشفى يسولهن فحص و عطوهن إجازة " اسبوع "
و حضراتهم مدخنين المكان ..
قالتلي دخلي .. بس ما طعت
إذا دخلت بيلس اعاطس و بيشلوني وياهن
زين لقينا الوكيلة برع و رمسناها .. بس قالت ايبي الورقة و بعدين يصير خير
و لا بعد تقولنا ترى في بنات وايد ظهر فيهن بيعادنج
" بسم الله علي "
المهم .. ذيلا ما شيء فايدة منهم
امي هي الحل الوحيد
رديت الصف و انا معصبة ع الاخر مستحيل ما اداوم لمدة شهر
بعد الفصحة الثانية ~~ لين ما رديت البيت و انا مب قادرة امسك عمري من المعاطس لووول حتى شكيت ف عمري
ف البيت ،،/ خذتلي شور و صليت وسرت اتغدى .. مالي نفس اتغدى بس غصباً عني باكل دام امايه فوق راسي
خبرتها بالسالفة و قالتلي ما عليج منهم انا بيبلج الورقة
و اخوي ما شيء عنده إلا مضارب اونه مب على كيفهم يخلونج شهر ف البيت انا بأدبهن
بعدين دخلت المنتدى ~> اتطمن على الشعب الكريم
الارجنتيني اليوم محد ... بنفتقد تواجده ف المنتدى
ليش هاليوم كريه ؟؟ كله احداث × اخبار مب حلوة
و لا عشان اليوم يوم ميلادي ><
المهم .. العصر سرت العيادة
الحمدالله ما فيني انفلونزا خخخ
خخخ كنت زايغة
بس الدكتور الخسف ما طاع يعطيني ورقة على اساس انه ما فيني ربو .. حاولنا فيه بس ما رضى .. ما يبا يجذب
رديت البيت و انا مب قادرة امسك عمري من كثر ما اعاطس هع
باجر ما بداوم لان مبين على ويهي اني مريضة ... و إذا سرت بيسوولي سالفة لها اول ما لها آخر وانا مب ناقصة
ان شاء الله باجر بسير المستشفى وبنظهر الورقة من عيونهم ....
وبــــــــــــــــــــــث
اللي يبا يعلق حياااااااااااه كحكح
السموحة ..
