اليآزيه بنت يآقوت | ممنوع القراءة . . . !!

موزة النعيمي · 27 ديسمبر 2009

امحق صراحه<<:giving-up:

موزة النعيمي · 27 ديسمبر 2009

اليوم كسرت تلفوني من الغم لي فيني خخخخخخخ

رقعته بالطووفه طرباااخ

احسني بتخبل كل حد طايح عليه مدري بلاهم

مناجر ومهازب..

شدعوه ههههههه

يمكن لان باجر عليه امتحان..

ولا صح يمكن لان الجو بارد << شدخل؟؟

ياخي البرد يأثثر على ذاكرتي

من الحين اقولكم اذا ماحليت عدل باجر في الامتحان لاتلوموني
ترا البرد يذبح هع..

تبون الصدق؟

اموت من البرد ولا اموت من الحررررررر

موزة النعيمي · 27 ديسمبر 2009

يووووه نسيت اقولكم ههههه

تلفوني اللي اليوم رقعت به بعده تراه يشتغل خخ

ياخي تصدقون من ثاني ثنوي عندي هب هاين عليه اعقه..!

جدييييييييم.. حتى يوم يطرش رساله يتم اربع دقايق معلق هههههههههههههههه

مول مايتحمل...

واذا ياه بلوتوث ولا شي.. جنه شي غريب ياينه يشكل مره وحده ههه

بس بصراحه هذا رفيق دربي ماروم عنه ومايوز مع اني خذيت ثنين من عقبه

بس ماهان خليته معاي.

يالله ينفع حق كرت عمان هع.~

موزة النعيمي · 28 ديسمبر 2009

هههههههه

نقول رجاءا لا تردون ويردون..

ههه يحليلهم يحبون يشاركون في مواضيع اليوميات

بالنسبة لي ماعندي مانع ان حد يرد عليه

لكن افضل ان كل شي يكون بالخاص

عشان ماتخربون موضوعي

لوووووووول

موزة النعيمي · 28 ديسمبر 2009

طبعا

مساكم خير..< تو الناس هع..

نسيت اقولكم اخبار امتحان اليوووووم

طبعا اوني حاطه المنبه ع الساعه اربع... ولكن..~ لاحياة لمن تنادي حليله احترق كثر مايرن هههههه

ولا بعد اوني حاطتنه بعيد عن راسي عسب اقوم وابنده ومناك طاف

ماعلينا عقب مامات فوني حليله نشيت رقعته ورديت ارقد وخبر خييييييييييييير..

قاميت الساعه خمس وربع .. << قايمه اسقي النخل هع

هههههههه ياخي تدرون خط ولعوزه لازم الواحد يطلع من وقت وخاصه انه مايدري شو بيصير في الردب>> اقصد الردب:giving-up:

الموهيم تميت طول الطريج زاخه الكتاب والاوراق وتقريبا لمدة نص ساعه:61:

والغريب انه ماياني رقاد موول << بالعاده اول ما اركب الباص مع السلامه ع طول رقااد..! هع

ماعليناا:giving-up:

طول الطريج شاده حيلي واحفظ واسوي الموهييييييييييييييييم

يوم وصلت قالوا القاعات متغيره يعني سيري يا يزوي ودوري كلاسج. وحليلي شاده الحيل امشي في ثلاث طوابق ارقى وانزل ارقى وانزل وانا الغبيه مادريت انه في اعلان رسمي في الطابق الاول ومكتوب كل طالبه ووين مركزها هع << صدق عقل.. لا تلوموني من زود الاجتهاد والمذاكره المخ قفل..:banana:

الحمدالله دشيت القاعه.. وشفت ورقة الامتحان وبديت ابدع لا بالله بدعت اليوم من خاطر والحمدالله
عسى كل الامتحانات تكون جذا

باجر عندي امتحان عله مادري كيف بحله بس يالله.

مافي شي صعب ع يزوي

هع هع

لي عوده^^

موزة النعيمي · 28 ديسمبر 2009

ناس تقهر

مبنده فونها

وانا اتريا واتحرقص

اففففففففف

قسسسسسسسسسسم بتهور..

ياخي مب حلوه اني اخلي حد يترياني وخاصه اني اكون عارفه ان هالشخص بس يتريا اتصالي عسب اطمن عليها..!

ياخي اهئ اهئ

اذن المغرب

بثير اصلي...:imuae83:

موزة النعيمي · 28 ديسمبر 2009

لا حس

ولا خبـــــر

لا اتصال

ولا سؤال...

...

لي متى الانتضار؟

موزة النعيمي · 28 ديسمبر 2009

الدموع جفت وهيه تنتظر....~

تصبحون على خير..

والله يعدي هالليله ع خير..~

أحلام سعيده.~

:imuae83:

موزة النعيمي · 29 ديسمبر 2009

مساكم.. صباحكم.\\ بكــل خير..~

اليومـ احساسي غير ..,
أحاكي القمر .. أناشد الطير ..,
مشاعر غريبهـ .. كأنها وليدهـ ..,

قلب غير .. احساس غير .,
ورووحـ فيني تطير ..!

تشتاقهـ / تحتاجهـ .. تحزنـ في بعادهـ ..,
لا لقيتهـ .. تبتسمـ كل لحظاتي .,
ولا بعد تحزنـ كل نبراتـي ..!

تلامس داخلي شوقـ لهـ غريب ..,
يمكن غلا .. يمكن ولهـ .. يمكن حبيب ..!
أتصورهـ أقربـ قريب ..,
يمكن خيالـ .. يمكن محالـ ..!

عندي غير كل البشر ..,
صوتهـ حنانـ .. دفا وأمانـ ..,
في قربهـ يسعد بهـ القدر ..
وفي بعدهـ ينفذ معي كل صبر ..,

كثير أوقاتـ أحس بـ قربهـ ..,
أقولـ لبيهـ .. أمر تدلل .. سمـ ..!
يطولـ صمتي .. وماالقى غير صدى صوتي .,
يجاوبني .. عرفت اني بك واهمـ ..,

نثرتـ الورد بـ دروبك ..,
وعطرتـ جـوي بـ عذبـ صوتك .,
وانتظر دايمـ .. أنتظر ترد لي طيوفك ..,

/

\

اليومـ احساسي غير .. شعوري غير ..!
قلت للقمر ارسل لهـ سلامي ..,
قولـ لهـ زاد شوقي لهـ ..!

اليومـ احساسي غير .. شعوري غير ..!
ناشدتـ الطير .. غرد لهـ أنغامـ الولهـ ..,
وقولـ لهـ قربهـ جنهـ ..
ويومـ في بعدهـ سنهـ ..!

اليومـ احساسي غير ..,
همست للقمر .. وناشدتـ الطير ..,
يوصلونـ لهـ اشواقي ..,
ياعساهـ بألف خيـر ,,

/

\

:imuae83:http://n1234.jeeran.com/9M9.jpg

موزة النعيمي · 29 ديسمبر 2009

شحالكم متابعين يزوي؟.؟.^_^

اليوم.. فيني شي ماهوب طبيعي عكس البارحه..~

راحه غريبه.. وصدري مشروح ع الآخر

الف حمد وشكر يارب على هذه النعمه...~

:imuae83:

موزة النعيمي · 29 ديسمبر 2009

:imuae83::imuae83:

طبعا أحم.:29:

ببدأ بسرد يومياتي لليوم هع..~

طبعا امتحان اليوم اذا تذكرون قلت لكم انه عله..:10:

بصراحه هو مب عله بس انا لي حاستنه جذا

البارحه ماراجعت زين لاسباب..:29:

ولكن من نشيت الصبح شديت حيلي وركزت وسويت وحطيت وشليت

بس الغريبه

اني يوم ركبت الباص

ياني يووم..<< ياهي وهقه

وعاد اذا ياني نوم مابروم ادرس السستم عندي يقفل من خاطر ههه

ماعلينا حاولت اقاوم..:belokan:

بس ماشي فايده

اصلا الكتاب باين من عنوان

يعني طالعه وشاله مخدتي معاي< وين تبين:giving-up: ههههه

ولا بعد لونها احمر تلق من بعيد خخخ

راكبه الباص مستانسه اونه ابغي احطها ورا ضهرية عسب مايعورني.ومناك حطيتها تحت راسي وباي باي هههههههه

يالله << نوم العافيه يااااارب.~

ماعلينا اول ماوصلت الكليه ودشيت ومني ومناك

البنات اول ماشافوني اعرفوا اني لاعنه الرقاد في الباص ههههههههههه من عيوني:hehe2:

عاد هن مبونهم صغار وماينزادن..+_+

قبل الامتحان

اختبصت مع البنات قالولي اكيد بييب هالسؤال

واللي هو

" اعراب جملة لا اله الا الله.."...<< اعربها لكم؟ نصيحه ماتبون هههههههه

واختبصت واحتشرت وقعدت اضارب وعكروا مزاجي

اقولهم الاجابه الصح

اون لااااااااااااااا غلللللللللللللللللط..

يابنات الحلال الاجابه جذا جذا

لااااااا انتي غللط يا يزوي.. طفروبي

قلت لهم كيفكم هع..~

بعد هالحشره كلها مايا هالسؤال في الامتحان قصن عليه هههه...

حليت الامتحان. طبعا كان دسم بس حلو وبنفس الوقت احسني لخبطت فيه..

يالله الله يكتب لي فيه الخير واييب درجه حلوه^^

واتوفق في امتحان باجر^^

:imuae83:

موزة النعيمي · 29 ديسمبر 2009

الحمدالله يارب على هذه النعمه..^_^

صدق الواحد يوم يكون مرتاح من خاطر يكون غير..

ويحس بهذه النعمه عدل.. وخاصه اذا كان صاحب شقا< شراتي

يعني مايرتاح في حياته وايد لوول...^^

احس المشاعر فيني فايظه مدري ليش هههههه

<< لابوي احسن لي اطلع ولا تراني بألف عليكم هع..~

بسير ادرس

امتحان باجر

حلو كله عن الغيب..

عن الين والملايكه و واشياء حلوه وغريبه^^

دعواتكم لي...

اشوفكم ع خير..~

:imuae83:

موزة النعيمي · 29 ديسمبر 2009

شفت النحل وشلون يبني الخلية
مثله بنيت بداخل القلب بيـــــــــت
ياللي سكنت الروح عن طيب نية
ماني سعيد القلب لامن تخليــــــت
الحب نية والنواياااااا مطــــــــية
ومن مد لي فنجال حبه..

تقهويت.~
.
.
.

:imuae83:

موزة النعيمي · 29 ديسمبر 2009

تصبحون ع خير

وأحلام سعيده

.

.

.

:imuae83:

موزة النعيمي · 30 ديسمبر 2009

لاتسألوني عن امتحان اليوم

لانه بصراحه صدمني.

ماتوقعته ابد جيه

وانا لي احب هالماده

<< خاني اهئ اهئ

موزة النعيمي · 30 ديسمبر 2009

تـجي احيان.

احس انك معي.

منته هنا.

ولا هنا.

ادورك وين.؟

والقاك.!

معي في وسط قلبي هنا..~

تجيني لحظات..

اشوفك بعيني..

المسك بيديني..

وارمي دفا شوقي باحضانك..~

ماهو شوق..

ماهو عوق.

ولكن

أحساس

بلا انفاس

وبلا مقايس

بانك..

انت معي بوسط قلبي هنا.~

احس بصادق التعبير

يحوي قلبي المسكين

يبي ينطق يبي يكتب

ولكن

لا..

ليه ينطق.

ليه يكتب

وليه يكتم..

لانك.

!

انت معي بوسط قلبي هنا..~

احس بخوف

ومو اي خوف

تجيني رهبه !

تتبعها غفوه..

بسرق نظرة من عيونك..

والقى همسه على جفونك..

وانثر عشقي بكونك...!

ولكن

لا..

لانك هنا..

انت معي

انت هنا

في وسط قلبي انا..~

من القلب.. ( هذيان يزوي)..~

تصبحون ع خير..~

أحلام سعيده.~

:imuae71:

موزة النعيمي · 31 ديسمبر 2009

مساكم عثل. يا عثل..^^

طبعا.

اليوم الخميس

وباجر اليمعه<< حلفي بس؟

هع

اليوم كان امتحاناني وايد حلو وطويل وانا احل احس باستمتاع.. يؤ..

طبعا الحمدالله حليت واديت فيه عوضت عن البارحه^^

بس مادري ليش اغلب البنات يقولون صعب.!!

انا اعتقد ان اللي فاهم الماده عدل مدل ومركز ماراح يكون صعب عليه..~

<< اونها شاطره هاه؟

ههههههههههههه

شحالكم حبايبي؟ عساكم بخير؟

وحشتوني كتير؟.!!

اليوم بما انه الخميس

تجمع العايله بيكون في بيتنا

وحاليا هم موجودين << وانا ياسه ع السريع اسجل لكم يومياتي هع..~

موزة النعيمي · 31 ديسمبر 2009

مسوين عزيمة شوي اليوم

( لحم & دياي)

طبعا سمج ماناكله بليل لوول.^^

متيلسين في الحووش العرب يسولفون وانا ياسه اطقطق..

عموما بخليكم لاني بسير اتلعب طشه ع الضو ..

تبون؟ بطرش لكم بس بعدين لوول.

يلا سي يوووووو

:imuae83:

موزة النعيمي · 1 يناير 2010

يحآول يقلل مستوآي . أقلل من مستوااه قبل ما يفكر

... يزوي.. هنا..

مساكم ورد..~

موزة النعيمي · 3 يناير 2010

صباحكم خير يارب..~

ناشه من نومي والكشه طايره ع طول ع النت ههه

بغيت اشوف حايه وشفتها وظهرت..

قولوا معاي

" لا يرحمني من المنتدى وهباله هههههههه"

دعواتكم عندي امتحان لوول..~

ربي يحفظكم..~

اليآزيه بنت يآقوت | ممنوع القراءة . . . !!

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::

:: فريق إنجاز للتدريب ::